ਲੰਡਨ (ਬਿਊਰੋ): ਇੰਗਲੈਂਡ ਦੀ ਇਕ ਮਹਿਲਾ ਨੇ ਆਪਣੇ ਵਿਆਹ ਅਤੇ ਦਿਲ ਟੁੱਟਣ ਦੀ ਦਰਦਨਾਕ ਕਹਾਣੀ ਸ਼ੇਅਰ ਕੀਤੀ ਹੈ। ਲੌਰੇਨ ਵਾਲ ਨਾਮ ਦੀ ਮਹਿਲਾ ਨੇ ਦੱਸਿਆ ਹੈ ਕਿ ਕਿੰਝ ਉਹ ਆਪਣੀ ਮਾਂ ਨੂੰ ਹਨੀਮੂਨ 'ਤੇ ਨਾਲ ਲੈ ਗਈ ਅਤੇ ਫਿਰ ਕੁਝ ਦਿਨ ਬਾਅਦ ਜੋ ਹੋਇਆ ਉਹ ਭਿਆਨਕ ਸੀ। ਵਿਆਹ ਦੇ ਕੁਝ ਦਿਨ ਬਾਅਦ ਹੀ ਪਤੀ ਪੌਲ ਨੇ ਲੌਰੇਨ ਨੂੰ ਛੱਡ ਦਿੱਤਾ ਅਤੇ ਉਸ ਦੀ ਮਾਂ ਦੇ ਨਾਲ ਰਹਿਣ ਲੱਗਾ। 34 ਸਾਲਾ ਲੌਰੇਨ ਦਾ ਕਹਿਣਾ ਹੈ ਕਿ ਉਹ ਉਦੋਂ ਕਾਫੀ ਖੁਸ਼ ਸੀ ਜਦੋਂ ਉਸ ਦੀ ਮਾਂ ਨੇ ਵਿਆਹ 'ਤੇ ਕਰੀਬ 14 ਲੱਖ ਰੁਪਏ ਖਰਚ ਕੀਤੇ ਸਨ। ਵਿਆਹ ਤੋਂ ਪਹਿਲਾਂ ਹੀ ਲੌਰੇਨ ਆਪਣੇ ਪਾਰਟਨਰ ਪੌਲ ਨਾਲ ਰਹਿਣ ਲੱਗੀ ਸੀ ਅਤੇ ਉਹਨਾਂ ਦਾ ਇਕ ਬੱਚਾ ਵੀ ਸੀ।
ਇਕ ਅੰਗਰੇਜ਼ੀ ਵੈਬਸਾਈਟ ਮਿਰਰ ਡਾਟ ਕਾਮ. ਯੂਕੇ ਦੀ ਰਿਪੋਰਟ ਮੁਤਾਬਕ ਲੰਡਨ ਦੇ ਟਵਿਕਹੇਨਮ ਦੀ ਰਹਿਣ ਵਾਲੀ ਲੌਰੇਨ ਵਿਆਹ ਦੇ ਬਾਅਦ ਇੰਨੀ ਖੁਸ਼ ਸੀ ਕਿ ਉਹ ਆਪਣੀ ਮਾਂ ਨੂੰ ਵੀ ਹਨੀਮੂਨ 'ਤੇ ਲੈ ਗਈ। ਇਸ ਦੌਰਾਨ ਮਾਂ ਅਤੇ ਉਸ ਦੇ ਪਤੀ ਵਿਚਾਲੇ ਸ਼ਾਨਦਾਰ ਕੈਮਿਸਟਰੀ ਦੇਖਣ ਨੂੰ ਮਿਲੀ। ਦੋਵੇਂ ਆਪਸ ਵਿਚ ਕਾਫੀ ਹੱਸਦੇ ਪਰ ਲੌਰੇਨ ਨੂੰ ਜਰਾ ਜਿੰਨਾ ਵੀ ਸ਼ੱਕ ਨਹੀਂ ਹੋਇਆ। ਫਿਰ ਵਿਆਹ ਦੇ ਸਿਰਫ 8 ਹਫਤੇ ਬਾਅਦ ਲੌਰੇਨ ਨੂੰ ਸੱਚਾਈ ਦਾ ਪਤਾ ਲੱਗ ਗਿਆ ਜਦੋਂ ਪਤੀ ਪੌਲ ਘਰੋਂ ਚਲਾ ਗਿਆ ਅਤੇ ਲੌਰੇਨ ਦੀ ਮਾਂ ਦੇ ਨਾਲ ਰਹਿਣ ਲੱਗਾ। ਫਿਰ 9 ਮਹੀਨੇ ਬਾਅਦ ਮਾਂ ਨੇ ਪੌਲ ਦੇ ਬੱਚੇ ਨੂੰ ਜਨਮ ਦਿੱਤਾ।ਸ਼ੁਰੂ ਵਿਚ ਮਾਂ ਨੇ ਜਵਾਈ ਨਾਲ ਰਿਸ਼ਤਾ ਮੰਨਣ ਤੋਂ ਇਨਕਾਰ ਕੀਤਾ ਸੀ ਪਰ ਬਾਅਦ ਵਿਚ ਸੱਚ ਸਾਹਮਣੇ ਆ ਗਿਆ।
ਇਸ ਦੌਰਾਨ ਲੌਰੇਨ ਨੂੰ ਲੱਗਾ ਕਿ ਉਸ ਦੀ ਦੁਨੀਆ ਖਤਮ ਹੋ ਗਈ ਹੈ। ਜਿਹੜੇ 2 ਲੋਕਾਂ 'ਤੇ ਉਸ ਨੇ ਸਭ ਤੋਂ ਜ਼ਿਆਦਾ ਭਰੋਸਾ ਕੀਤਾ ਉਹਨਾਂ ਨੇ ਹੀ ਉਸ ਨੂੰ ਧੋਖਾ ਦਿੱਤਾ ਸੀ। ਲੌਰੇਨ ਨੇ ਕਿਹਾ ਕਿ ਇਹ ਸਭ ਤੋਂ ਖਰਾਬ ਚੀਜ਼ਾਂ ਵਿਚੋਂ ਇਕ ਸੀ ਜੋ ਇਕ ਮਾਂ ਆਪਣੀ ਧੀ ਨਾਲ ਕਰ ਸਕਦੀ ਸੀ। ਉਹ ਪੂਰੀ ਜ਼ਿੰਦਗੀ ਆਪਣੀ ਮਾਂ ਨੂੰ ਇਸ ਹਰਕਤ ਲਈ ਮੁਆਫ ਨਹੀਂ ਕਰ ਸਕੇਗੀ।
ਇੱਥੇ ਦੱਸ ਦਈਏ ਕਿ ਲੌਰੇਨ ਨੇ ਅਗਸਤ 2004 ਵਿਚ ਵਿਆਹ ਕੀਤਾ ਸੀ। ਉੱਥੇ 2005 ਵਿਚ ਹੀ ਲੌਰੇਨ ਦੀ ਮਾਂ ਜੂਲੀ ਪੌਲ ਦੇ ਬੱਚੇ ਦੀ ਮਾਂ ਬਣੀ ਸੀ ਪਰ ਜੂਲੀ ਅਤੇ ਪੌਲ ਨੇ ਵਿਆਹ 2009 ਵਿਚ ਕੀਤਾ। ਇਸ ਵਿਆਹ ਵਿਚ ਲੌਰੇਨ ਵੀ ਸ਼ਾਮਲ ਹੋਈ ਸੀ। ਉਦੋਂ ਉਸ ਨੇ ਉਸੇ ਸ਼ਖਸ ਨੂੰ ਮਾਂ ਦੇ ਨਾਲ ਵਿਆਹ ਦੇ ਵਾਅਦੇ ਕਰਦਿਆਂ ਦੇਖਦੇ ਹੋਏ ਜਿਸ ਨਾਲ ਉਹ ਖੁਦ ਵਿਆਹ ਕਰ ਚੁੱਕੀ ਸੀ। ਘਟਨਾ ਦੇ ਸਾਲਾਂ ਬਾਅਦ ਤੱਕ ਲੌਰੇਨ ਇਹ ਦਰਦ ਸਹਿਣ ਕਰਦੀ ਰਹੀ। ਉਸ ਨੂੰ ਇਸ 'ਤੇ ਖੁੱਲ੍ਹ ਕੇ ਗੱਲ ਕਰਨ ਵਿਚ ਕਰੀਬ 10 ਸਾਲ ਲੱਗ ਗਏ। ਹੁਣ ਉਹ ਦਾਰਸ਼ਨਿਕ ਅੰਦਾਜ਼ ਵਿਚ ਵਿਆਹ ਟੁੱਟਣ ਦੇ ਬਾਰੇ ਵਿਚ ਚਰਚਾ ਕਰਦੀ ਹੈ।
ਉੱਧਰ ਲੌਰੇਨ ਦੀ ਮਾਂ ਅੱਜ ਵੀ ਜਵਾਈ ਪੌਲ ਨਾਲ ਜ਼ਿੰਦਗੀ ਜੀਅ ਰਹੀ ਹੈ। ਇਸ ਦੌਰਾਨ ਲੌਰੇਨ ਨੂੰ ਨਵਾਂ ਪਾਰਟਨਰ ਮਿਲ ਚੁੱਕਾ ਹੈ। ਹੁਣ ਉਹ ਆਪਣੇ ਚੌਥੇ ਬੱਚੇ ਦੀ ਮਾਂ ਬਣਨ ਵਾਲੀ ਹੈ। ਉਹ ਕਹਿੰਦੀ ਹੈ,''ਮੇਰਾ ਰਸਤਾ ਆਸਾਨ ਨਹੀਂ ਰਿਹਾ। ਉਸ ਘਟਨਾ ਦਾ ਅਸਰ ਮੇਰੇ ਬਾਅਦ ਦੇ ਸਾਰੇ ਰਿਸ਼ਤਿਆਂ 'ਤੇ ਪੈਂਦਾ ਰਿਹਾ।'' ਲੌਰੇਨ ਦੇ ਦਾਅਵਿਆਂ ਮੁਤਾਬਕ ਜਦੋਂ ਉਸ ਨੇ ਪੌਲ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਨੇ ਕੋਈ ਵੀ ਪ੍ਰਤੀਕਿਰਿਆ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਉੱਥੇ ਮਾਂ ਜੂਲੀ ਨੇ ਕਿਹਾ,''ਅਸੀਂ ਦੋਵੇਂ ਵਿਆਹੁਤਾ ਹਾਂ। ਸਾਡਾ ਕਦੇ ਅਫੇਯਰ ਨਹੀਂ ਰਿਹਾ। ਇਹੀ ਸੱਚ ਹੈ।''
LOC 'ਤੇ ਮੂੰਹ ਤੋੜ ਕਾਰਵਾਈ ਤੋਂ ਬੌਖਲਾਏ ਇਮਰਾਨ ਨੇ ਦਿੱਤੀ ਭਾਰਤ ਨੂੰ ਧਮਕੀ
NEXT STORY 
