ਪੈਰਿਸ (ਵਾਰਤਾ): ਫਰਾਂਸ ਨੇ ਇੱਕ ਵੱਡਾ ਕਦਮ ਚੁੱਕਦਿਆਂ ਅਮਰੀਕਾ ਦੇ ਨਿਊਯਾਰਕ ਵਿੱਚ ਰੱਖਿਆ ਆਪਣਾ ਬਾਕੀ ਬਚਿਆ ਸਾਰਾ ਸੋਨਾ ਭੰਡਾਰ ਵਾਪਸ ਲੈ ਲਿਆ ਹੈ। ਬੈਂਕ ਆਫ ਫਰਾਂਸ ਅਨੁਸਾਰ ਨਿਊਯਾਰਕ ਦੇ ਫੈਡਰਲ ਰਿਜ਼ਰਵ ਬੈਂਕ ਵਿੱਚ ਰੱਖਿਆ129 ਟਨ ਸੋਨਾ (ਜੋ ਕਿ ਫਰਾਂਸ ਦੇ ਕੁੱਲ ਭੰਡਾਰ ਦਾ ਲਗਭਗ 5 ਫੀਸਦੀ ਹੈ) ਨੂੰ ਹੁਣ ਪੈਰਿਸ ਸਥਿਤ ਆਪਣੇ ਭੰਡਾਰ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਹੈ।
ਸੋਨੇ ਦੀਆਂ ਵਧਦੀਆਂ ਕੀਮਤਾਂ ਨੇ ਕਰਵਾਈ ਚਾਂਦੀ
ਇਸ ਪ੍ਰਕਿਰਿਆ ਦੌਰਾਨ ਸੋਨੇ ਦੀਆਂ ਵਧਦੀਆਂ ਕੀਮਤਾਂ ਕਾਰਨ ਫਰਾਂਸ ਨੂੰ ਭਾਰੀ ਆਰਥਿਕ ਫਾਇਦਾ ਹੋਇਆ ਹੈ। ਬੈਂਕ ਨੂੰ ਇਸ ਕਦਮ ਨਾਲ ਲਗਭਗ 13 ਅਰਬ ਯੂਰੋ (15 ਅਰਬ ਡਾਲਰ) ਦਾ ਪੂੰਜੀਗਤ ਲਾਭ ਹੋਇਆ। ਇਸ ਦੇ ਸਿੱਟੇ ਵਜੋਂ ਬੈਂਕ ਨੇ ਸਾਲ 2025 ਵਿੱਚ 8.1 ਅਰਬ ਯੂਰੋ ਦਾ ਸ਼ੁੱਧ ਮੁਨਾਫਾ ਦਰਜ ਕੀਤਾ ਹੈ, ਜਦੋਂ ਕਿ ਸਾਲ 2024 ਵਿੱਚ ਬੈਂਕ ਨੂੰ 7.7 ਅਰਬ ਯੂਰੋ ਦਾ ਘਾਟਾ ਪਿਆ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ- ਰੂਸੀ ਨਾਗਰਿਕਾਂ ਨੂੰ ਚੀਨ ਦਾ ਤੋਹਫ਼ਾ ; ਵੀਜ਼ਾ-ਮੁਕਤ ਐਂਟਰੀ ਦੀ ਮਿਆਦ ਵਧਾਈ
ਕਿਵੇਂ ਲਿਆਂਦਾ ਗਿਆ ਸੋਨਾ?
ਫਰਾਂਸ ਨੇ ਸੋਨੇ ਨੂੰ ਸਿੱਧਾ ਅਮਰੀਕਾ ਤੋਂ ਲਿਆਉਣ ਦੀ ਬਜਾਏ ਇੱਕ ਰਣਨੀਤਕ ਤਰੀਕਾ ਅਪਣਾਇਆ। ਜੁਲਾਈ 2025 ਤੋਂ ਜਨਵਰੀ 2026 ਦੇ ਵਿਚਕਾਰ ਅਮਰੀਕਾ ਵਿੱਚ ਰੱਖੇ ਸੋਨੇ ਨੂੰ ਉੱਥੇ ਹੀ ਵੇਚ ਦਿੱਤਾ ਗਿਆ ਅਤੇ ਉਸੇ ਬਰਾਬਰ ਮਾਤਰਾ ਵਿੱਚ ਨਵੇਂ ਅੰਤਰਰਾਸ਼ਟਰੀ ਮਿਆਰਾਂ ਅਨੁਸਾਰ ਯੂਰਪ ਵਿੱਚ ਸੋਨਾ ਖਰੀਦ ਕੇ ਪੈਰਿਸ ਭੇਜ ਦਿੱਤਾ ਗਿਆ। ਬੈਂਕ ਦੇ ਗਵਰਨਰ ਫਰਾਂਸਿਸ ਵਿਲਰੌਏ ਡੀ ਗਾਲ੍ਹੋ ਨੇ ਕਿਹਾ ਕਿ ਇਹ ਫੈਸਲਾ ਰਾਜਨੀਤਿਕ ਨਹੀਂ ਹੈ, ਸਗੋਂ ਭੰਡਾਰ ਨੂੰ ਆਧੁਨਿਕ ਮਿਆਰਾਂ ਦੇ ਅਨੁਕੂਲ ਬਣਾਉਣ ਲਈ ਲਿਆ ਗਿਆ ਹੈ।
ਹੁਣ ਫਰਾਂਸ ਵਿੱਚ ਹੀ ਹੈ ਸਾਰਾ ਖਜ਼ਾਨਾ
ਇਸ ਕਾਰਵਾਈ ਤੋਂ ਬਾਅਦ ਹੁਣ ਫਰਾਂਸ ਦਾ ਕੁੱਲ ਸੋਨਾ ਭੰਡਾਰ, ਜੋ ਕਿ ਲਗਭਗ 2,437 ਟਨ ਹੈ, ਪੂਰੀ ਤਰ੍ਹਾਂ ਪੈਰਿਸ ਵਿੱਚ ਜ਼ਮੀਨਦੋਜ਼ ਭੰਡਾਰਾਂ ਵਿੱਚ ਸੁਰੱਖਿਅਤ ਰੱਖਿਆ ਗਿਆ ਹੈ। ਬੈਂਕ ਦਾ ਟੀਚਾ ਹੈ ਕਿ 2028 ਤੱਕ ਬਾਕੀ ਬਚੇ 134 ਟਨ ਸੋਨੇ ਨੂੰ ਵੀ ਪੂਰੀ ਤਰ੍ਹਾਂ ਆਧੁਨਿਕ ਮਿਆਰਾਂ ਅਨੁਸਾਰ ਢਾਲ ਲਿਆ ਜਾਵੇ। ਜ਼ਿਕਰਯੋਗ ਹੈ ਕਿ ਫਰਾਂਸ ਨੇ ਅਮਰੀਕਾ ਤੋਂ ਆਪਣਾ ਸੋਨਾ ਵਾਪਸ ਲਿਆਉਣ ਦੀ ਪ੍ਰਕਿਰਿਆ 1960 ਦੇ ਦਹਾਕੇ ਵਿੱਚ ਹੀ ਸ਼ੁਰੂ ਕਰ ਦਿੱਤੀ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਪੱਛਮੀ ਏਸ਼ੀਆ ਦੇ ਜੰਗੀ ਹਾਲਾਤ ਦਰਮਿਆਨ ਈਰਾਨ ਤੋਂ 1777 ਭਾਰਤੀਆਂ ਦੀ ਹੋਈ ਸੁਰੱਖਿਅਤ ਵਤਨ ਵਾਪਸੀ
NEXT STORY 
