ਹਰਾਰੇ: ਮੁਸੀਬਤ ਵਿਚ ਹੌਂਸਲਾ ਬਣਾਈ ਰੱਖਣ ਵਾਲਾ ਜ਼ਰੂਰ ਸਫ਼ਲ ਹੁੰਦਾ ਹੈ। ਅਜਿਹੇ ਹੀ ਇਕ ਮਾਮਲੇ ਵਿਚ ਜ਼ਿੰਬਾਬਵੇ ਦੇ ਉੱਤਰੀ ਇਲਾਕੇ ਦੇ ਰਹਿਣ ਵਾਲੇ ਸੱਤ ਸਾਲਾ ਮੁੰਡੇ ਟਿਨੋਟੇਂਡਾ ਪੁਡੂ ਦੀ ਕਹਾਣੀ ਦੁਨੀਆ ਦਾ ਧਿਆਨ ਆਪਣੇ ਵੱਲ ਖਿੱਚ ਰਹੀ ਹੈ, ਜਿਸ ਨੇ ਦਸੰਬਰ ਦੇ ਆਖਰੀ ਪੰਜ ਦਿਨ ਸ਼ੇਰਾਂ ਅਤੇ ਖ਼ਤਰਨਾਕ ਆਦਮਖੋਰਾਂ ਵਿਚਕਾਰ ਬਿਤਾਏ। ਪੁਡੂ ਗ਼ਲਤੀ ਨਾਲ ਆਪਣੇ ਘਰ ਤੋਂ ਲਗਭਗ 23 ਕਿਲੋਮੀਟਰ ਦੂਰ ਜੰਗਲੀ ਜਾਨਵਰਾਂ ਨਾਲ ਭਰੇ ਮਾਤੁਸਾਡੋਨਹਾ ਗੇਮ ਪਾਰਕ ਪਹੁੰਚ ਗਿਆ, ਜਿੱਥੋਂ ਉਸ ਨੂੰ ਪੰਜ ਦਿਨਾਂ ਬਾਅਦ ਬਚਾਇਆ ਗਿਆ। ਖ਼ਤਰਨਾਕ ਜੰਗਲੀ ਜਾਨਵਰਾਂ ਦੇ ਘਰ ਮੰਨੇ ਜਾਣ ਵਾਲੇ ਮਾਟੂਸਾਡੋਨਹਾ ਗੇਮ ਪਾਰਕ ਵਿੱਚ ਸੱਤ ਸਾਲ ਬੱਚੇ ਦੇ ਪੰਜ ਦਿਨਾਂ ਤੱਕ ਜਿਉਂਦੇ ਰਹਿਣ ਨੂੰ ਸਥਾਨਕ ਲੋਕ ਚਮਤਕਾਰ ਮੰਨ ਰਹੇ ਹਨ।
ਜ਼ਿੰਬਾਬਵੇ ਦੇ ਸਥਾਨਕ ਨਿਆਮਿਨਿਆਮੀ ਭਾਈਚਾਰੇ ਦਾ ਇੱਕ ਬੱਚਾ ਟਿਨੋਟੇਂਡਾ ਪੁਡੂ, ਹੋਗਵੇ ਨਦੀ ਨੇੜੇ ਗੁੰਮ ਹੋ ਗਿਆ ਸੀ। ਉਸ ਦੇ ਪਿੰਡ ਦੇ ਲੋਕਾਂ ਨੇ ਉਸ ਨੂੰ ਲੱਭਣ ਦੀ ਕੋਸ਼ਿਸ਼ ਕੀਤੀ ਪਰ ਕਾਮਯਾਬ ਨਾ ਹੋ ਸਕੇ। ਇਲਾਕੇ ਵਿੱਚ ਸ਼ੇਰਾਂ ਅਤੇ ਜੰਗਲੀ ਹਾਥੀਆਂ ਵਰਗੇ ਖਤਰਨਾਕ ਜਾਨਵਰਾਂ ਦੀ ਵੱਡੀ ਗਿਣਤੀ ਹੋਣ ਕਾਰਨ ਮਾਸੂਮ ਬੱਚੇ ਦੇ ਬਚਣ ਦੀ ਸੰਭਾਵਨਾ ਘਟਦੀ ਜਾ ਰਹੀ ਸੀ। ਆਖਰਕਾਰ ਪੰਜ ਦਿਨਾਂ ਬਾਅਦ ਮਾਟੂਸਡੋਨਾ ਅਫਰੀਕਾ ਪਾਰਕਸ ਦੇ ਰੇਂਜਰਾਂ ਨੇ ਉਸਨੂੰ ਲੱਭ ਲਿਆ। ਬੱਚੇ ਨੇ ਦੱਸਿਆ ਕਿ ਉਹ ਜੰਗਲੀ ਫਲ ਖਾਂਦਾ ਸੀ ਅਤੇ ਚੱਟਾਨਾਂ ਵਿਚਕਾਰ ਲੁਕ ਕੇ ਸੌਂਦਾ ਸੀ। ਇਸ ਤਰ੍ਹਾਂ ਉਹ ਜਾਨਵਰਾਂ ਤੋਂ ਸੁਰੱਖਿਅਤ ਰਿਹਾ ਅਤੇ ਖਤਰਨਾਕ ਖੇਤਰ ਵਿੱਚ ਜ਼ਿੰਦਾ ਰਿਹਾ।
ਤਸਵੀਰ ਕੀਤੀ ਸਾਂਝੀ
ਜ਼ਿੰਬਾਬਵੇ ਦੇ ਸੰਸਦ ਮੈਂਬਰ ਮੁਤਸਾ ਮੁਰੋਮਬੇਦਜ਼ੀ ਨੇ ਪੁਡੂ ਦੀ ਫੋਟੋ ਨੂੰ ਐਕਸ 'ਤੇ ਸ਼ੇਅਰ ਕਰਦੇ ਹੋਏ ਇਸ ਨੂੰ ਚਮਤਕਾਰ ਦੱਸਿਆ। ਇਹ ਘਟਨਾ ਦੂਰ-ਦੁਰਾਡੇ ਦੇ ਕਸਵਿਸਵਾ ਭਾਈਚਾਰੇ ਦੇ ਇਲਾਕੇ ਨਿਆਮਿਨਿਆਮੀ ਵਿੱਚ ਵਾਪਰੀ। ਇਹ ਅਜਿਹਾ ਖੇਤਰ ਹੈ, ਜਿੱਥੇ ਇੱਕ ਗ਼ਲਤ ਮੋੜ ਇੱਕ ਵਿਅਕਤੀ ਨੂੰ ਖਤਰਨਾਕ ਜਾਨਵਰਾਂ ਦੇ ਵਿਚਕਾਰ ਲੈ ਜਾ ਸਕਦਾ ਹੈ। ਪੁੱਡੂ ਨਾਲ ਵੀ ਅਜਿਹਾ ਹੀ ਹੋਇਆ, ਜਦੋਂ ਉਹ ਆਪਣਾ ਰਾਹ ਭੁੱਲ ਗਿਆ।
ਪੜ੍ਹੋ ਇਹ ਅਹਿਮ ਖ਼ਬਰ-Singapore 'ਚ ਵਧੇ ਫਰਜ਼ੀ ਵਿਆਹ ਦੇ ਮਾਮਲੇ, ਸਰਕਾਰ ਦੀ ਵਧੀ ਚਿੰਤਾ
ਜ਼ਿੰਬਾਬਵੇ ਪਾਰਕਸ ਅਤੇ ਵਾਈਲਡਲਾਈਫ ਮੈਨੇਜਮੈਂਟ ਅਥਾਰਟੀ ਨੇ ਕਿਹਾ ਕਿ ਟਿਨੋਟੇਂਡਾ ਪਾਰਕ ਦੇ ਪਹੁੰਚਯੋਗ ਖੇਤਰਾਂ ਵਿੱਚੋਂ ਲਗਭਗ 50 ਕਿਲੋਮੀਟਰ ਚੱਲਿਆ। ਇਸ ਦੌਰਾਨ ਮੀਂਹ ਵੀ ਪੈ ਗਿਆ, ਜਿਸ ਕਾਰਨ ਉਸ ਦੇ ਪੈਰਾਂ ਦੇ ਨਿਸ਼ਾਨ ਮਿਟ ਗਏ। ਇਸ ਨਾਲ ਜਾਂਚ ਮੁਸ਼ਕਲ ਹੋ ਗਈ। 30 ਦਸੰਬਰ ਨੂੰ ਜਦੋਂ ਰੇਂਜਰਾਂ ਨੂੰ ਮਾਟੂਸਡੋਨਾ ਨੈਸ਼ਨਲ ਪਾਰਕ ਦੀ ਸਾਕਾਤਾ ਘਾਟੀ ਵਿੱਚ ਬੱਚੇ ਦੇ ਪੈਰਾਂ ਦੇ ਨਿਸ਼ਾਨ ਮਿਲੇ ਤਾਂ ਉਨ੍ਹਾਂ ਨੇ ਉਸ ਨੂੰ ਲੱਭ ਕੇ ਹਸਪਤਾਲ ਵਿੱਚ ਦਾਖਲ ਕਰਵਾਇਆ। ਡਾਕਟਰਾਂ ਨੇ ਬੱਚੇ ਦੀ ਹਾਲਤ ਸਥਿਰ ਦੱਸੀ ਹੈ। ਡਾਕਟਰ ਉਸ ਦੀ ਮਾਨਸਿਕ ਸਥਿਤੀ ਦੀ ਜਾਂਚ ਕਰ ਰਹੇ ਹਨ। ਦੁਨੀਆ ਭਰ ਦੇ ਲੋਕ ਟਿਨੋਟੈਂਡਾ ਦੀ ਬਹਾਦਰੀ ਦੇ ਨਾਲ-ਨਾਲ ਸਥਾਨਕ ਭਾਈਚਾਰੇ ਅਤੇ ਰੇਂਜਰਾਂ ਦੇ ਯਤਨਾਂ ਦੀ ਸ਼ਲਾਘਾ ਕਰ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
Singapore 'ਚ ਵਧੇ ਫਰਜ਼ੀ ਵਿਆਹ ਦੇ ਮਾਮਲੇ, ਸਰਕਾਰ ਦੀ ਵਧੀ ਚਿੰਤਾ
NEXT STORY 
