ਵਾਸ਼ਿੰਗਟਨ (ਭਾਸ਼ਾ)- ਅਮਰੀਕੀ ਕਾਂਗਰਸਮੈਨ ਰਾਜਾ ਕ੍ਰਿਸ਼ਨਾਮੂਰਤੀ ਨੇ ਅਮਰੀਕੀ ਕਾਂਗਰਸ ਵਿੱਚ ਭਾਰਤੀ ਪਾਇਲਟ ਸਮਿਤ ਮਛਾਰ ਦੇ ਸਨਮਾਨ ਵਿਚ ਇਕ ਬਿਆਨ ਦਰਜ ਕਰਾਇਆ ਅਤੇ ਉਨ੍ਹਾਂ ਦੀ ਅਸਧਾਰਨ ਬਹਾਦਰੀ ਦੀ ਪ੍ਰਸ਼ੰਸਾ ਕੀਤੀ ਜਿਸ ਵਿਚ ਉਸ ਨੇ ਫਲਾਈਦੁਬਈ ਦੀ ਉਡਾਣ ਵਿੱਚ ਸਵਾਰ 172 ਯਾਤਰੀਆਂ ਦੀ ਜਾਨ ਬਚਾਈ । 30 ਸਤੰਬਰ ਨੂੰ ਦੁਬਈ ਤੋਂ ਤੇਲ ਅਵੀਵ ਜਾ ਰਹੀ ਫਲਾਈਦੁਬਈ ਦੀ ਉਡਾਣ FZ1073 ਦੇ ਕਾਕਪਿਟ ਵਿੱਚ ਸਹਿ-ਪਾਇਲਟ ਨੇ ਕੈਪਟਨ ਮਛਾਰ 'ਤੇ ਹਮਲਾ ਕੀਤਾ, ਜਿਸ ਨਾਲ ਕੈਪਟਨ ਮਾਛਰ ਗੰਭੀਰ ਜ਼ਖਮੀ ਹੋ ਗਏ। ਗੰਭੀਰ ਸੱਟਾਂ ਦੇ ਬਾਵਜੂਦ, ਕੈਪਟਨ ਮਛਾਰ ਨੇ ਕਾਕਪਿਟ ਦਾ ਦਰਵਾਜ਼ਾ ਖੋਲ੍ਹਿਆ, ਜਿਸ ਨਾਲ ਯਾਤਰੀ ਹਮਲਾਵਰ ਨੂੰ ਕਾਬੂ ਕਰ ਸਕਣ।
ਇਲੀਨੋਇਸ ਦੇ ਡੈਮੋਕ੍ਰੇਟਿਕ ਕਾਂਗਰਸਮੈਨ ਕ੍ਰਿਸ਼ਨਾਮੂਰਤੀ ਨੇ "ਅਮਰੀਕੀ ਕਾਂਗਰਸ ਦੇ ਅਧਿਕਾਰਤ ਰਿਕਾਰਡ" ਵਿੱਚ ਇਸ ਸਬੰਧ ਵਿੱਚ ਇੱਕ ਬਿਆਨ ਦਰਜ ਕਰਾਇਆ। ਕ੍ਰਿਸ਼ਨਾਮੂਰਤੀ ਨੇ ਕਿਹਾ ਕਿ ਸਹਿ-ਪਾਇਲਟ ਨੇ ਜਹਾਜ਼ ਦਾ ਕੰਟਰੋਲ ਆਪਣੇ ਕਬਜ਼ੇ ਵਿੱਚ ਲੈਣ ਦੀ ਕੋਸ਼ਿਸ਼ ਕੀਤੀ, ਪਰ ਕੈਪਟਨ ਮਛਾਰ ਦੀ ਮੌਜੂਦਗੀ, ਸੂਝਬੂਝ ਅਤੇ ਹਿੰਮਤ ਨੇ ਲਗਭਗ 170 ਯਾਤਰੀਆਂ ਅਤੇ ਚਾਲਕ ਦਲ ਦੇ ਮੈਂਬਰਾਂ ਦੀ ਜਾਨ ਬਚਾਈ। ਉਨ੍ਹਾਂ ਕਿਹਾ ਕਿ ਦੁਬਈ ਤੋਂ ਤੇਲ ਅਵੀਵ ਜਾਣ ਵਾਲੀ ਫਲਾਈਦੁਬਈ ਦੀ ਉਡਾਣ ਵਿੱਚ ਚਾਰ ਅਮਰੀਕੀ ਨਾਗਰਿਕ ਅਤੇ 27 ਬੱਚੇ ਸ਼ਾਮਲ ਸਨ।
ਪੜ੍ਹੋ ਇਹ ਅਹਿਮ ਖ਼ਬਰ- ਕੈਪਟਨ ਸਮਿਤ ਮਛਾਰ ਨੂੰ ਇਜ਼ਰਾਈਲ 'ਰਾਸ਼ਟਰਪਤੀ ਪੁਰਸਕਾਰ' ਨਾਲ ਕਰੇਗਾ ਸਨਮਾਨਿਤ
ਕ੍ਰਿਸ਼ਨਾਮੂਰਤੀ ਨੇ ਕਿਹਾ,"ਮੈਂ ਅੱਜ ਭਾਰਤ ਦੇ ਕੈਪਟਨ ਸਮਿਤ ਮਛਾਰ ਦਾ ਸਨਮਾਨ ਕਰਨ ਲਈ ਖੜ੍ਹਾ ਹਾਂ । ਇੱਕ ਪਤੀ, ਪਿਤਾ ਅਤੇ 17 ਸਾਲਾਂ ਦੇ ਉਡਾਣ ਦੇ ਤਜਰਬੇ ਵਾਲਾ ਇੱਕ ਬਹਾਦਰ ਪਾਇਲਟ, ਇਸ ਬਹਾਦਰ ਪਾਇਲਟ ਨੇ 30 ਸਤੰਬਰ, 2026 ਨੂੰ ਅਸਾਧਾਰਨ ਬਹਾਦਰੀ ਦਾ ਪ੍ਰਦਰਸ਼ਨ ਕੀਤਾ, ਫਲਾਈਦੁਬਈ ਫਲਾਈਟ 1073 ਵਿੱਚ ਸਵਾਰ ਲੋਕਾਂ ਦੀਆਂ ਜਾਨਾਂ ਬਚਾਈਆਂ, ਜਿਨ੍ਹਾਂ ਵਿੱਚ ਚਾਰ ਅਮਰੀਕੀ ਨਾਗਰਿਕ ਅਤੇ 27 ਬੱਚੇ ਸ਼ਾਮਲ ਸਨ।" ਉਸਨੇ ਅੱਗੇ ਕਿਹਾ, "ਜ਼ਖਮੀ ਹੋਣ ਦੇ ਬਾਵਜੂਦ, ਉਸਨੇ ਆਪਣੇ ਵਿਸ਼ਾਲ ਅਨੁਭਵ ਨਾਲ ਸਮਝਿਆ ਕਿ ਜਹਾਜ਼ ਡਿੱਗ ਰਿਹਾ ਹੈ। ਉਸਨੇ ਕਾਕਪਿਟ ਦਾ ਦਰਵਾਜ਼ਾ ਖੋਲ੍ਹਣ ਲਈ ਆਪਣੀ ਸਾਰੀ ਤਾਕਤ ਲਗਾ ਦਿੱਤੀ।" ਉਸਦੀ ਤੇਜ਼ ਸੋਚ ਅਤੇ ਹਿੰਮਤ ਨੇ ਯਾਤਰੀਆਂ ਅਤੇ ਚਾਲਕ ਦਲ ਨੂੰ ਹਮਲਾਵਰ ਨੂੰ ਕਾਬੂ ਕਰਨ ਅਤੇ ਇੱਕ ਭਿਆਨਕ ਦੁਖਾਂਤ ਨੂੰ ਟਾਲਣ ਦੀ ਆਗਿਆ ਦਿੱਤੀ। " ਅਮਰੀਕੀ ਕਾਂਗਰਸਮੈਨ ਨੇ ਕਿਹਾ...ਮੈਂ ਆਪਣੇ ਸਾਥੀ ਕਾਨੂੰਨਸਾਜ਼ਾਂ ਨੂੰ ਕੈਪਟਨ ਸਮਿਤ ਮਛਾਰ ਦਾ ਸਨਮਾਨ ਕਰਨ ਵਿੱਚ ਮੇਰੇ ਨਾਲ ਸ਼ਾਮਲ ਹੋਣ ਦੀ ਬੇਨਤੀ ਕਰਦਾ ਹਾਂ। ਉਸਨੇ ਅਦੁੱਤੀ ਹਿੰਮਤ ਦਿਖਾਈ ਅਤੇ ਸੈਂਕੜੇ ਜਾਨਾਂ ਬਚਾਈਆਂ। ਅਸੀਂ ਉਸਨੂੰ, ਉਸਦੀ ਪਤਨੀ ਸੋਨਲ, ਉਸਦੇ ਬੱਚਿਆਂ ਅਤੇ ਉਸਦੇ ਪੂਰੇ ਪਰਿਵਾਰ ਨੂੰ ਆਪਣੀਆਂ ਸ਼ੁਭਕਾਮਨਾਵਾਂ ਦਿੰਦੇ ਹਾਂ, ਅਤੇ ਕਪਤਾਨ ਦੇ ਜਲਦੀ ਠੀਕ ਹੋਣ ਦੀ ਕਾਮਨਾ ਕਰਦੇ ਹਾਂ ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
PTI Long March 5ਵਾਂ ਦਿਨ: CM ਸੋਹੇਲ ਅਫਰੀਦੀ ਦੀ ਅਗਵਾਈ ਹੇਠ ਪੇਸ਼ਾਵਰ ਪਹੁੰਚਿਆ ਕਾਫਲਾ
NEXT STORY 
