ਲੰਡਨ- ਇੱਕ ਬ੍ਰਿਟਿਸ਼ ਐਡਵੈਂਚਰ ਨੇ ਹਿਮਾਲਿਆ ਵਿੱਚ 18,753 ਫੁੱਟ ਉੱਚੀ ਚੱਟਾਨ ਤੋਂ ਹੇਠਾਂ ਸਕੀਇੰਗ ਕਰਕੇ ਗਿਨੀਜ਼ ਵਰਲਡ ਰਿਕਾਰਡ ਤੋੜ ਦਿੱਤਾ ਹੈ। 34 ਸਾਲਾ ਜੋਸ਼ੂਆ ਬ੍ਰੇਗਮੈਨ ਨੇ 5,716 ਮੀਟਰ ਦੀ ਉਚਾਈ ਤੋਂ ਛਾਲ ਮਾਰ ਕੇ ਅਤੇ ਪੈਰਾਸ਼ੂਟ ਰਾਹੀਂ ਉਤਰ ਕੇ ਦੁਨੀਆ ਦੀ ਸਭ ਤੋਂ ਉੱਚੀ ਸਕੀ ਛਾਲ (ski jump) ਪੂਰੀ ਕੀਤੀ। ਉਸਨੇ ਫਰਾਂਸ ਦੇ ਮੈਥਿਆਸ ਗਿਰੌਡ ਦੇ 4,359 ਮੀਟਰ ਦੇ ਪਿਛਲੇ ਰਿਕਾਰਡ ਨੂੰ ਪਿੱਛੇ ਛੱਡ ਦਿੱਤਾ। ਗਿਨੀਜ਼ ਰਿਕਾਰਡ ਵਿੱਚ ਸਕੀ ਜੰਪਿੰਗ ਨੂੰ ਇੱਕ ਖੇਡ ਮੰਨਿਆ ਜਾਂਦਾ ਹੈ ਜਿਸ ਵਿੱਚ ਸਕੀਇੰਗ ਅਤੇ ਬੇਸ ਜੰਪਿੰਗ ਨੂੰ ਜੋੜਿਆ ਜਾਂਦਾ ਹੈ।
ਬ੍ਰੇਗਮੈਨ ਨੇ ਇਹ ਰਿਕਾਰਡ ਬਣਾਉਣ ਲਈ ਦੋ ਹਫ਼ਤਿਆਂ ਤੱਕ ਤਿਆਰੀ ਕੀਤੀ। ਉਨ੍ਹਾਂ ਦੀ ਤਿਆਰੀ ਵਿੱਚ ਹਾਈਕਿੰਗ, ਸਕੀਇੰਗ, ਹਾਈ ਐਲਟੀਟਿਊਡ ਕੈਂਪਿੰਗ ਆਦਿ ਸ਼ਾਮਲ ਸਨ। ਤੁਹਾਨੂੰ ਦੱਸ ਦੇਈਏ ਕਿ ਨੇਪਾਲ ਵਿੱਚ ਮਨੁੱਖੀ ਤਸਕਰੀ ਨੂੰ ਲੈ ਕੇ ਜਾਗਰੂਕਤਾ ਪੈਦਾ ਕਰਨ ਲਈ ਇਹ ਚੁਣੌਤੀ ਸ਼ੁਰੂ ਕੀਤੀ ਗਈ ਸੀ। ਨੇਪਾਲ ਵਿੱਚ ਹਰ ਸਾਲ ਹਜ਼ਾਰਾਂ ਬੱਚਿਆਂ ਦੀ ਤਸਕਰੀ ਕੀਤੀ ਜਾਂਦੀ ਹੈ। ਜੋਸ਼ੂਆ ਇਸ ਰਿਕਾਰਡ ਰਾਹੀਂ ਚੈਰਿਟੀ ਲਈ ਪੈਸਾ ਇਕੱਠਾ ਕਰਨਾ ਚਾਹੁੰਦਾ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਕਮਲਾ ਹੈਰਿਸ ਨੇ 'ਇਮੀਗ੍ਰੇਸ਼ਨ ਨਜ਼ਰਬੰਦੀ ਕੇਂਦਰ' ਬੰਦ ਕਰਨ ਦਾ ਕੀਤਾ ਵਾਅਦਾ
ਜੋਸ਼ੂਆ ਬ੍ਰੇਗਮੈਨ ਨੇ ਦੱਸਿਆ ਆਪਣਾ ਅਨੁਭਵ
ਜੋਸ਼ੂਆ ਬ੍ਰੇਗਮੈਨ ਨੇ ਆਪਣਾ ਤਜਰਬਾ ਸਾਂਝਾ ਕਰਦੇ ਹੋਏ ਕਿਹਾ, "ਅਸੀਂ ਸਾਰਿਆਂ ਨੇ ਬਹੁਤ ਮਿਹਨਤ ਕੀਤੀ। ਆਕਸੀਜਨ ਦੀ ਕਮੀ, ਲਗਾਤਾਰ ਸਿਰਦਰਦ ਅਤੇ ਲਗਭਗ 6,000 ਮੀਟਰ ਦੀ ਉਚਾਈ 'ਤੇ ਸੌਂਣ ਨਾਲ ਸਥਿਤੀ ਹੋਰ ਖਰਾਬ ਹੋ ਗਈ। ਇਹ ਐਵਰੈਸਟ 'ਤੇ ਚੜ੍ਹਨ ਨਾਲੋਂ ਵੀ ਔਖਾ ਸੀ।" ਦੋ ਦਿਨ ਬਾਅਦ ਜੋਸ਼ੂਆ ਨੇ ਸਕੀਇੰਗ ਕਰਦੇ ਹੋਏ ਛਾਲ ਮਾਰ ਦਿੱਤੀ ਅਤੇ ਮੈਥਿਆਸ ਗਿਰੌਡ ਦਾ ਰਿਕਾਰਡ ਤੋੜ ਦਿੱਤਾ। ਉਸ ਨੇ ਕਿਹਾ,"ਥਕਾਵਟ ਅਤੇ ਆਕਸੀਜਨ ਦੀ ਕਮੀ ਕਾਰਨ, ਮੈਂ ਛਾਲ ਮਾਰਨ ਤੋਂ ਪਹਿਲਾਂ ਇੱਕ ਡੂੰਘਾ ਸਾਹ ਲਿਆ, ਜਿਸ ਨਾਲ ਉਤਸ਼ਾਹ ਵਧ ਗਿਆ।"
ਤੁਹਾਨੂੰ ਦੱਸ ਦੇਈਏ ਕਿ ਇਸ ਰਿਕਾਰਡ ਨੂੰ ਬਣਾਉਣ ਦਾ ਸਾਰਾ ਖਰਚ ਉਨ੍ਹਾਂ ਨੇ ਖੁਦ ਚੁੱਕਿਆ ਹੈ। ਉਸ ਨੇ ਆਪਣੇ ਦੋਸਤ ਤੋਂ ਸੈਕਿੰਡ ਹੈਂਡ ਸਕੀ ਉਪਕਰਨ ਲੈ ਕੇ ਇਹ ਰਿਕਾਰਡ ਬਣਾਇਆ ਹੈ। ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਜੋਸ਼ੂਆ ਨੇ ਕਿਹਾ ਕਿ ਕੁਝ ਕਰਨ ਲਈ ਮਹਿੰਗੀਆਂ ਚੀਜ਼ਾਂ ਦੀ ਨਹੀਂ ਸਗੋਂ ਹਿੰਮਤ ਦੀ ਲੋੜ ਹੁੰਦੀ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਉਹ ਇਸ ਗੱਲ ਨਾਲ ਪੂਰੀ ਤਰ੍ਹਾਂ ਸਹਿਮਤ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਲੰਡਨ 'ਚ Air India ਦੇ ਕੈਬਿਨ ਕਰੂ ਮੈਂਬਰ 'ਤੇ ਹਮਲਾ, ਜਾਂਚ 'ਚ ਜੁਟੀ ਪੁਲਸ
NEXT STORY 
