ਨਵੀਂ ਦਿੱਲੀ - ਕੋਰੋਨਾ ਵਿਸ਼ਾਣੂ ਦੀ ਰੋਕਥਾਮ ਲਈ ਵਿਸ਼ਵ ਭਰ ਵਿਚ ਰਿਸਰਚ ਅਤੇ ਕਲੀਨਿਕਲ ਖੋਜਾਂ ਕੀਤੀਆਂ ਜਾ ਰਹੀਆਂ ਹਨ, ਜਿਸ ਵਿਚ 60 ਤੋਂ ਵੱਧ ਖੋਜ ਅਤੇ ਪ੍ਰਯੋਗ ਨਾਲ ਚੀਨ ਪਹਿਲੇ ਨੰਬਰ 'ਤੇ ਹੈ। ਬ੍ਰਿਟੇਨ ਦੀ ਇਕ ਕੰਪਨੀ ਨੇ ਆਪਣੇ ਸਰਵੇਖਣ ਵਿਚ ਕਿਹਾ ਹੈ ਕਿ ਮੌਜੂਦਾ ਸਮੇਂ ਕੋਰੋਨਾ ਦਾ ਟੀਕਾ ਲੱਭਣ ਅਤੇ ਇਸ ਦੀ ਰੋਕਥਾਮ ਲਈ ਦੁਨੀਆ ਦੇ 39 ਦੇਸ਼ ਖੋਜ ਕਰ ਰਹੇ ਹਨ ਅਤੇ ਸਰਵੇਖਣਾਂ ਦੀ ਸੰਖਿਆ ਮੌਜੂਦਾ ਸਮੇਂ ਵਿਚ ਲਗਭਗ 300 ਦੇ ਕਰੀਬ ਹੈ, ਜਿਨ੍ਹਾਂ ਵਿਚ 60 ਖੋਜ ਇਕੱਲੇ ਚੀਨ ਵਿਚ ਕੀਤੀਆਂ ਜਾ ਰਹੀਆਂ ਹਨ ਜਦੋਂਕਿ 49 ਖੋਜ ਅਤੇ ਅਧਿਐਨ ਕਰਨ ਵਾਲਾ ਅਮਰੀਕਾ ਦੂਜੇ ਨੰਬਰ 'ਤੇ ਹੈ।
ਬ੍ਰਿਟੇਨ ਦੀ ਕੰਪਨੀ ਫਿਨਬੋਲਡ ਡਾਟ ਕਾਮ ਨੇ ਕੋਰੋਨਾ ਵਾਇਰਸ ਰਿਸਰਚ ਇੰਡੈਕਸ ਜਾਰੀ ਕੀਤਾ ਹੈ, ਜਿਸ ਵਿਚ ਦੁਨੀਆ ਦੇ ਸਾਰੇ ਦੇਸ਼ਾਂ ਵਿਚ ਕੋਰੋਨਾ ਦੇ ਪੁਸ਼ਟੀ ਕੇਸਾਂ ਦੇ ਨਾਲ ਖੋਜ ਅਤੇ ਕਲੀਨਿਕਲ ਅਧਿਐਨ ਦਾ ਵੇਰਵਾ ਦਿੱਤਾ ਗਿਆ ਹੈ। ਰਿਪੋਰਟ ਵਿਚ ਚੀਨ ਅਤੇ ਅਮਰੀਕਾ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਗਿਆ ਹੈ ਕਿ ਇਹ ਦੋਵੇਂ ਦੇਸ਼ ਦੁਨੀਆ ਨੂੰ ਇਸ ਸੰਕਟ ਤੋਂ ਬਚਾਉਣ ਲਈ ਆਪਣੀ ਪੂਰੀ ਤਾਕਤ ਲਗਾ ਰਹੇ ਹਨ, ਜਦੋਂਕਿ ਵਿਸ਼ਵ ਦੇ ਬਾਕੀ ਦੇਸ਼ ਇਸ ਮਾਮਲੇ ਵਿਚ ਬਹੁਤ ਪਿੱਛੇ ਹਨ। ਕੰਪਨੀ ਦੇ ਸਹਿ-ਸੰਸਥਾਪਕ ਇਡਾਸ ਕੇਬ ਦੇ ਅਨੁਸਾਰ ਸਪੇਨ ਜਿਹੜਾ ਕਿ ਕੋਰੋਨਾ ਵਾਇਰਸ ਤੋਂ ਸਭ ਤੋਂ ਵੱਧ ਪ੍ਰਭਾਵਤ ਦੇਸ਼ਾਂ ਵਿਚ ਦੂਜੇ ਨੰਬਰ ‘ਤੇ ਹੈ, ਇਸ ਸਮੇਂ ਖੋਜ ਸੂਚਕਾਂਕ ਵਿਚ ਬਹੁਤ ਪਿੱਛੇ ਹੈ।
ਸਪੱਸ਼ਟ ਤੌਰ 'ਤੇ ਕੋਰੋਨਾ 'ਤੇ ਖੋਜ ਦੇ ਅੰਕੜੇ ਇਕੱਠੇ ਕਰਨ ਅਤੇ ਇਸਦੇ ਸੂਚਕਾਂਕ ਤਿਆਰ ਕਰਨ ਦੇ ਪਿੱਛੇ ਦਾ ਕਾਰਨ ਇਹ ਹੈ ਕਿ ਵਿਸ਼ਵ ਨੂੰ ਇਹ ਦੱਸਣਾ ਕਿ ਜਿਸ ਰਫਤਾਰ ਨਾਲ ਵਾਇਰਸ ਫੈਲਿਆ ਹੈ ਅਤੇ ਇਸ ਨੇ ਨਾਲ ਬਹੁਤ ਸਾਰੇ ਦੇਸ਼ਾਂ ਨੂੰ ਆਪਣੀ ਗਿ੍ਰਫਤ ਵਿਚ ਲਿਆ ਹੈ, ਇਸਦਾ ਟੀਕਾ ਲੱਭਣਾ ਦਾ ਕੰਮ ਵੀ ਬਹੁਤ ਤੇਜ਼ੀ ਹੈ ਅਤੇ ਪ੍ਰਭਾਵਸ਼ਾਲੀ ਖੋਜ ਦੁਆਰਾ ਜਾਰੀ ਹੈ। ਇਹ ਜ਼ਾਹਰ ਹੈ ਕਿ ਚੀਨ ਅਤੇ ਅਮਰੀਕਾ ਇਸ ਤੋਂ ਵਧੇਰੇ ਪ੍ਰਭਾਵਤ ਹਨ ਅਤੇ ਜੇਕਰ ਚੀਨ ਇਸ ਵਾਇਰਸ ਦਾ ਜਨਮਦਾਤਾ ਹੈ, ਤਾਂ ਖੋਜ ਦਾ ਕੰਮ ਵੀ ਉਥੇ ਹੀ ਤੇਜ਼ੀ ਨਾਲ ਹੋ ਰਿਹਾ ਹੈ। ਦੂਜੀ ਮਹਾਂਸ਼ਕਤੀ ਅਮਰੀਕਾ ਲਈ ਵੀ ਚੁਣੌਤੀ ਹੈ ਕਿ ਉਹ ਭਲਾ ਚੀਨ ਤੋਂ ਪਿੱਛੇ ਕਿਵੇਂ ਰਹਿ ਸਕਦਾ ਹੈ। ਮੁਕਾਬਲਾ ਦਾ ਇਹ ਦੌਰ ਇਨ੍ਹਾਂ ਦੋਵਾਂ ਪਾਸੇ ਜਾਰੀ ਹੈ ਅਤੇ ਇਸ ਦਾ ਸਿਹਰਾ ਲੈਣ ਲਈ ਇਕ ਰੇਸ ਚਲ ਰਹੀ ਹੈ। ਦੂਜੇ ਪਾਸੇ ਚੀਨ ਵੀ ਵਿਸ਼ਵ ਨੂੰ ਇਹ ਦੱਸਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਕਿ ਅਸੀਂ ਦਰਦ ਦਿੱਤਾ ਹੈ ਅਤੇ ਅਸੀਂ ਹੀ ਦਵਾਈ ਦੇਵੇਗਾ।
ਅਮਰੀਕਾ 'ਚ ਕੋਵਿਡ-19 ਨਾਲ 11 ਭਾਰਤੀਆਂ ਦੀ ਮੌਤ
NEXT STORY 
