ਨਵੀਂ ਦਿੱਲੀ — ਪੋਸਟ ਆਫਿਸ ਕਈ ਤਰ੍ਹਾਂ ਦੇ ਬਚਤ ਖਾਤੇ ਜਿਵੇਂ ਕਿ ਸੇਵਿੰਗ ਅਕਾਊੁਂਟ, ਰਿਕਰਿੰਗ ਡਿਪਾਜ਼ਿਟ ਅਕਾਊਂਟ (ਆਰ.ਡੀ.), ਪਬਲਿਕ ਪ੍ਰੋਵੀਡੈਂਟ ਫੰਡ (ਪੀ.ਪੀ.ਐਫ.), ਕਿਸਾਨ ਵਿਕਾਸ ਪੱਤਰ, ਮਹੀਨਾਵਾਰ ਆਮਦਨੀ ਸਕੀਮ ਖਾਤੇ (ਐਮ.ਆਈ.ਐਸ.), ਸੁਕੰਨਿਆ ਸਮ੍ਰਿਧੀ ਯੋਜਨਾ, ਫਿਕਸਡ ਡਿਪਾਜ਼ਿਟ (ਐੱਫ. ਡੀ.) ਅਤੇ ਸੀਨੀਅਰ ਸਿਟੀਜ਼ਨ ਬਚਤ ਸਕੀਮ (ਐਸ.ਸੀ.ਐੱਸ.ਐੱਸ.) ਦੀ ਸਹੂਲਤ ਦਿੰਦੇ ਹਨ ਅਤੇ ਡਾਕਘਰ ਇਨ੍ਹਾਂ ਖਾਤਿਆਂ 'ਤੇ ਵੱਖ-ਵੱਖ ਵਿਆਜ ਦਰਾਂ ਦੀ ਪੇਸ਼ਕਸ਼ ਕਰਦਾ ਹੈ।
ਡਾਕਘਰ ਆਪਣੇ ਬਚਤ ਖਾਤੇ ਦੇ ਨਾਲ ਇਕ ਏ.ਟੀ.ਐਮ. ਕਾਰਡ ਦੀ ਪੇਸ਼ਕਸ਼ ਵੀ ਕਰਦਾ ਹੈ, ਜਿਸ ਅਧੀਨ ਇਕ ਨਿਸ਼ਚਿਤ ਪੈਸੇ ਕਢਵਾਉਣ ਦੀ ਹੱਦ ਅਤੇ ਟਰਾਂਜੈਕਸ਼ਨ ਚਾਰਜਿਸ ਸ਼ਾਮਲ ਹੁੰਦੇ ਹਨ। indiapost.gov.in ਵੈਬਸਾਈਟ ਅਨੁਸਾਰ ਇੰਡੀਆ ਪੋਸਟ ਆਪਣੇ ਬਚਤ ਖਾਤੇ ਵਿਚ ਜਮ੍ਹਾਂ ਰਕਮ 'ਤੇ 4% ਦੀ ਦਰ ਨਾਲ ਵਿਆਜ ਦਾ ਭੁਗਤਾਨ ਕਰਦਾ ਹੈ।
ਜਾਣੋ ਪੋਸਟ ਆਫਿਸ ਦੇ ATM ਕਾਰਡ ਸਹੂਲਤ ਬਾਰੇ ਜ਼ਰੂਰੀ ਗੱਲਾਂ
1. ਇੰਡੀਆ ਪੋਸਟ ਵੈਬਸਾਈਟ ਅਨੁਸਾਰ ਡਾਕਘਰ ਆਪਣੇ ATM ਕਾਰਡ ਰਾਹੀਂ ਰੋਜ਼ਾਨਾ 25,000 ਰੁਪਏ ਕਢਵਾਉਣ ਦੀ ਮਨਜ਼ੂਰੀ ਦਿੰਦਾ ਹੈ।
2. ਡਾਕਘਰ ਦੇ ATM ਕਾਰਡ ਤੋਂ ਸਿੰਗਲ ਟਰਾਂਜੈਕਸ਼ਨ 'ਚ ਵੱਧ ਤੋਂ ਵੱਧ 10,000 ਰੁਪਏ ਹੀ ਕਢਵਾਏ ਜਾ ਸਕਦੇ ਹਨ।
3. ਇੰਡੀਆ ਪੋਸਟ ਆਪਣੇ ਸਾਰੇ ਪੋਸਟ ਆਫਿਸ ਦੇ ATM ਤੋਂ ਮੁਫਤ ਟਰਾਂਜੈਕਸ਼ਨ ਦੀ ਸਹੂਲਤ ਮੁਹੱਈਆ ਕਰਵਾਉਂਦੀ ਹੈ।
4. ਪੋਸਟ ਆਫਿਸ ਆਪਣੇ ਗ੍ਰਾਹਕਾਂ ਨੂੰ ਪੰਜਾਬ ਨੈਸ਼ਨਲ ਬੈਂਕ (ਪੀ.ਐੱਨ.ਬੀ.) ਦੇ ਏ.ਟੀ.ਐਮ. ਤੋਂ ਵੀ ਮੁਫਤ ਟਰਾਂਜੈਕਸ਼ਨ ਦੀ ਸਹੂਲਤ ਪ੍ਰਦਾਨ ਕਰਦਾ ਹੈ।
5. ਡਾਕਘਰ ਦੇ ATM ਦਾ ਇਸਤੇਮਾਲ ਜੇਕਰ ਮੈਟਰੋ ਸ਼ਹਿਰਾਂ ਦੇ ਦੂਜੇ ਬੈਂਕਾਂ ਦੇ ATM 'ਤੇ ਕੀਤਾ ਜਾਂਦਾ ਹੈ ਤਾਂ ਵੱਧ ਤੋਂ ਵੱਧ ਤਿੰਨ ਟ੍ਰਾਂਜੈਕਸ਼ਨ ਮੁਫਤ ਹੁੰਦੇ ਹਨ।
6. ਮੈਟਰੋ ਤੋਂ ਇਲਾਵਾ ਹੋਰ ਸ਼ਹਿਰਾਂ ਦੇ ਦੂਜੇ ਬੈਂਕਾਂ ਦੇ ATM ਤੋਂ ਇੰਡੀਆ ਪੋਸਟ ਦੇ ਗਾਹਕ 5 ਮੁਫਤ ਟ੍ਰਾਂਜੈਕਸ਼ਨ ਕਰ ਸਕਦੇ ਹਨ।
7. ਮੈਟਰੋ ਦੇ ਨਾਲ ਹੀ ਗੈਰ ਮੈਟਰੋ ਸ਼ਹਿਰਾਂ ਵਿਚ ਟਰਾਂÎਜੈਕਸ਼ਨ ਦੀ ਲਿਮਟ ਵਿੱਤੀ ਅਤੇ ਗੈਰ-ਵਿੱਤੀ ਟਰਾਂਜੈਕਸ਼ਨ ਨੂੰ ਮਿਲਾ ਕੇ ਗਿਣਤੀ ਕੀਤੀ ਜਾਂਦੀ ਹੈ।
8. ਨਿਰਧਾਰਤ ਹੱਦ ਨੂੰ ਪਾਰ ਕਰਨ ਤੇ ਦੂਜੇ ਬੈਂਕਾਂ ਦੇ ATM 'ਤੇ ਇੰਡੀਆ ਪੋਸਟ ਦੇ ਗਾਹਕਾਂ ਨੂੰ ਵਿੱਤੀ ਅਤੇ ਗੈਰ-ਵਿੱਤੀ ਟਰਾਂਜੈਕਸ਼ਨ ਲਈ ਇਕ ਨਿਸ਼ਚਤ ਰਕਮ ਦਾ ਭੁਗਤਾਨ ਕਰਨਾ ਪੈਂਦਾ ਹੈ।
9. ਇੰਡੀਆ ਪੋਸਟ ਅਨੁਸਾਰ ਹੋਰ ਬੈਂਕਾਂ ਦੇ ATM 'ਤੇ ਮੁਫਤ ਟਰਾਂਜੈਕਸ਼ਨ ਦੀ ਹੱਦ ਖਤਮ ਹੋਣ ਤੋਂ ਬਾਅਦ ਹੋਣ ਵਾਲੇ ਹਰੇਕ ਵਿੱਤੀ ਟਰਾਂਜੈਕਸ਼ਨ 'ਤੇ 20 ਰੁਪਏ ਪਲੱਸ ਜੀਐਸਟੀ ਚਾਰਜ ਦੇ ਰੂਪ ਵਿਚ ਦੇਣਾ ਹੁੰਦਾ ਹੈ।
10. ਹੋਰ ਬੈਂਕਾਂ ਦੇ ATM 'ਤੇ ਮੁਫਤ ਟਰਾਂਜੈਕਸ਼ਨ ਦੀ ਹੱਦ ਖਤਮ ਹੋਣ ਦੇ ਬਾਅਦ ਹੋਣ ਵਾਲੇ ਹਰ ਨਾਨ ਫਾਇਨਾਂਸ਼ਿਅਲ ਟਰਾਂਜੈਕਸ਼ਨ 'ਤੇ 8 ਰੁਪਏ ਦੇ ਨਾਲ ਜੀਐਸਟੀ ਚਾਰਜ ਦੇ ਰੂਪ ਵਿਚ ਦੇਣੇ ਹੁੰਦੇ ਹਨ।
PPF ਖਾਤੇ 'ਚ ਤਿੰਨ ਤਰੀਕਿਆਂ ਨਾਲ ਆਨਲਾਈਨ ਜਮ੍ਹਾ ਕਰ ਸਕਦੇ ਹੋ ਪੈਸਾ, ਜਾਣੋ ਪੂਰਾ ਪ੍ਰੋਸੈੱਸ
NEXT STORY 
