ਹਿਮਾਚਲ ਪ੍ਰਦੇਸ਼— ਹਿਮਾਚਲ ਪ੍ਰਦੇਸ਼ ਦੇ ਸਿਰਮੌਰ ਜ਼ਿਲੇ 'ਚ ਬੁੱਧਵਾਰ ਨੂੰ ਇਕ ਬੋਲੈਰੋ ਗੱਡੀ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਹਾਦਸੇ 'ਚ 2 ਲੋਕਾਂ ਦੀ ਮੌਤ ਹੋ ਗਈ ਜਦਕਿ 2 ਹੋਰ ਜ਼ਖਮੀ ਹੋ ਗਏ। ਨਾਹਨ 'ਚ ਪੁਲਸ ਥਾਣਾ ਸੰਗੜਾਹ ਦੇ ਨਾਲ ਲੱਗਦੇ ਪਿੰਡ ਬੜਗ ਨੇੜੇ ਬੁੱਧਵਾਰ ਕਰੀਬ 8 ਵਜੇ ਇਹ ਘਟਨਾ ਵਾਪਰੀ। ਦੋ ਲੋਕਾਂ ਦੀ ਘਟਨਾ ਸਥਾਨ 'ਤੇ ਹੀ ਮੌਤ ਹੋ ਗਈ ਅਤੇ 2 ਜ਼ਖਮੀ ਹੋ ਗਏ।
ਬੋਲੈਰੋ ਗੱਡੀ ਬੜਗ ਦੇ ਪਿੰਡ ਨੇੜੇ ਬੇਕਾਬੂ ਹੋ ਕੇ ਖੱਡ 'ਚ ਡਿੱਗ ਗਈ। ਐਸ.ਡੀ.ਪੀ.ਓ ਸੰਗੜਾਹ ਡਾਹ ਅਨਿਲ ਧੋਲਟਾ ਅਤੇ ਥਾਣਾ ਇੰਚਾਰਜ਼ ਮੁਤਾਬਕ ਘਟਨਾ ਸਥਾਨ 'ਤੇ ਗਈ ਪੁਲਸ ਟੀਮ ਵੱਲੋਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਹਸਪਤਾਲ ਭੇਜਿਆ ਗਿਆ ਹੈ। ਮ੍ਰਿਤਕਾਂ 'ਚ ਪਿੰਡ ਦਾਨਾ ਦੇ 58 ਸਾਲਾ ਸੁੰਦਰ ਸਿੰਘ ਅਤੇ ਦੇਵਨਾ ਪਿੰਡ ਦੇ 52 ਸਾਲਾ ਬਲਵੀਰ ਸਿੰਘ ਸ਼ਾਮਲ ਹਨ। ਹਾਦਸੇ 'ਚ ਪਿੰਡ ਘਾਟੋਂ ਦੇ ਚਾਲਕ ਸਮੇਤ 2 ਲੋਕ ਜ਼ਖਮੀ ਹੋ ਗਏ। ਪਿੰਡ ਵਾਸੀਆਂ ਮੁਤਾਬਕ ਜ਼ਖਮੀਆਂ ਨੂੰ ਨਿੱਜੀ ਗੱਡੀ ਤੋਂ ਮੈਡੀਕਲ ਕਾਲਜ ਨਾਹਨ ਲਿਜਾਇਆ ਗਿਆ ਹੈ। ਤਹਿਸੀਲਦਾਰ ਰਾਜੇਂਦਰ ਸਿੰਘ ਵੱਲੋਂ ਘਟਨਾ ਸਥਾਨ 'ਤੇ ਜਾ ਕੇ ਮ੍ਰਿਤਕਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ 25-25 ਹਜ਼ਾਰ ਦੀ ਰਾਹਤ ਰਾਸ਼ੀ ਜਾਰੀ ਕੀਤੀ ਜਾ ਚੁੱਕੀ ਹੈ ਅਤੇ ਇਕ ਜ਼ਖਮੀ ਨੂੰ 2500 ਰੁਪਏ ਦੀ ਸਹਾਇਤਾ ਰਾਸ਼ੀ ਜਾਰੀ ਕੀਤੀ ਗਈ ਹੈ।
ਜ਼ਮੀਨਾਂ ਦੀਆਂ ਰਜਿਸਟਰੀਆਂ 'ਚ ਪਾਰਦਰਸ਼ਤਾ ਲਿਆਉਣ ਲਈ ਉਪਰਾਲੇ ਜਾਰੀ : ਸਰਕਾਰੀਆਂ
NEXT STORY 
