ਖੰਨਾ (ਸੁਨੀਲ)-ਪਿਛਲੇ ਸਾਲ ਦੀ ਪਰੰਪਰਾ ਨੂੰ ਅੱਗੇ ਵਧਾਉਂਦੇ ਹੋਏ ਸੁਪਰ ਮਿਲਕ ਪਰਿਵਾਰ ਦੇ ਐੱਮ. ਡੀ. ਵਿਨੋਦ ਦੱਤ, ਸਾਥੀ ਐੱਮ. ਡੀ. ਸੰਗੀਤਾ ਦੱਤ, ਡਾਇਰੈਕਟਰ ਵਿਧੁਰ ਦੱਤ, ਡਾਇਰੈਕਟਰ ਚਾਣਕਯ ਦੱਤ, ਡਾਇਰੈਕਟਰ ਵਿਨੀ ਦੱਤ ਅਤੇ ਰੂਬੀ ਦੱਤ ਦੀ ਅਗਵਾਈ ’ਚ ਇਕ ਸ਼ਾਨਦਾਰ ਸਮਾਰੋਹ ਦੇ ਦੌਰਾਨ ਸੁਪਰ ਮਿਲਕ ਪਰਿਵਾਰ ਵਿਚ ਕੰਮ ਕਰਨ ਵਾਲਿਆਂ ਤੋਂ ਇਲਾਵਾ ਹੋਰ ਲੋਕਾਂ ਨੂੰ ਇਕ ਲੱਖ ਫ੍ਰੀ ਦੀਵੇ ਵੰਡਦੇ ਹੋਏ ਚਾਇਨੀਜ਼ ਲਾਈਟਿੰਗ ਦੇ ਖਿਲਾਫ ਇਕ ਮਜ਼ਬੂਤ ਕਦਮ ਵਧਾਇਆ। ਇਸ ਮੌਕੇ ਵਿਨੋਦ ਦੱਤ ਨੇ ਕਿਹਾ ਕਿ ਇਤਿਹਾਸ ਇਸ ਗੱਲ ਦਾ ਗਵਾਹ ਹੈ ਕਿ ਸਮੇਂ-ਸਮੇਂ ’ਤੇ ਚੀਨ ਦੇ ਨਾਲ-ਨਾਲ ਪਾਕਿਸਤਾਨ ਨੇ ਭਾਰਤ ਨੂੰ ਆਰਥਿਕ ਪੱਖੋਂ ਕਮਜ਼ੋਰ ਕਰਨ ਦੇ ਉਦੇਸ਼ ਨਾਲ ਜਿੱਥੇ ਅੱਤਵਾਦ ਨੂੰ ਉਤਸ਼ਾਹਤ ਕਰਦੇ ਹੋਏ ਭਾਰਤ ਦੇ ਕਈ ਰਾਜਾਂ ਵਿਚ ਅਜਿਹੇ ਲੋਕਾਂ ਦਾ ਪਰਵੇਸ਼ ਕਰਵਾਇਅਾ, ਉਥੇ ਹੀ ਦੂਜੇ ਪਾਸੇ ਇਨ੍ਹਾਂ ਦੇਸ਼ਾਂ ਨੇ ਘਟੀਆ ਕਵਾਲਿਟੀ ਦੇ ਬਲਬੂਤੇ ਤੇ ਸਸਤਾ ਸਾਮਾਨ ਭਾਰਤ ’ਚ ਵੇਚਦੇ ਹੋਏ ਦੇਸ਼ ਨੂੰ ਆਰਿਥਕ ਨੁਕਸਾਨ ਵੀ ਪਹੁੰਚਾਇਆ।
ਉਨ੍ਹਾਂ ਨੇ ਕਿਹਾ ਕਿ ਦੀਵਾਲੀ ਦੇ ਮੌਕੇ ’ਤੇ ਚੀਨ ਦੁਆਰਾ ਜੋ ਲਾਈਟਿੰਗ ਵੇਚੀ ਜਾ ਰਹੀ ਸੀ, ਵਲੋਂ ਵੀ ਭਾਰਤ ਨੂੰ ਕਾਫ਼ੀ ਨੁਕਸਾਨ ਹੋ ਰਿਹਾ ਸੀ, ਜਿਸ ਨੂੰ ਵੇਖਦੇ ਹੋਏ ਸੁਪਰ ਮਿਲਕ ਪਰਿਵਾਰ ਨੇ ਮੇਡ ਇਨ ਚਾਈਨਾ ਪ੍ਰੋਡਕਟਾਂ ਦਾ ਬਾਈਕਾਟ ਕਰਦੇ ਹੋਏ ਜਿਥੇ ਆਪਣੇ ਆਪ ਨੂੰ ਇਸ ਖਰੀਦ ਤੋਂ ਦੂਰ ਰੱਖਿਆ, ਉਥੇ ਹੀ ਲੋਕਾਂ ਨੂੰ ਪ੍ਰੋਤਸਾਹਿਤ ਕਰਦੇ ਹੋਏ ਮਿੱਟੀ ਦੇ ਦੀਵੇ ਵੀ ਮੁਫਤ ਵੰਡੇ ਹਨ। ਦੱਸ ਦੇਈਏ ਕਿ ਅੱਜ ਉਨ੍ਹਾਂ ਦੀ ਅਗਵਾਈ ’ਚ ਝੁੱਗੀਆਂ ’ਚ ਰਹਿਣ ਵਾਲੇ ਅਤੇ ਜ਼ਰੂਰਤਮੰਦ ਬੱਚਿਆਂ ਨੂੰ ਮਠਿਅਾਈਆਂ ਅਤੇ ਕੱਪਡ਼ੇ ਵੀ ਦਿੱਤੇ ਗਏ। ਜ਼ਿਕਰਯੋਗ ਹੈ ਕਿ ਸਿੱਖਿਆ ਨੂੰ ਯਕੀਨੀ ਬਣਾਉਣ ਦੇ ਉਦੇਸ਼ ਨਾਲ ਸੁਪਰ ਮਿਲਕ ਪਰਿਵਾਰ ਨੇ ਲਗਭਗ 100 ਬੱਚਿਆਂ ਨੂੰ ਜਿੱਥੇ ਅਪਣਾਇਆ ਹੈ, ਉਥੇ ਹੀ ਸਮੇਂ-ਸਮੇਂ ’ਤੇ ਉਨ੍ਹਾਂ ਦੇ ਦੁਆਰਾ ਪੁਸਤਕਾਂ ਅਤੇ ਸਕੂਲੀ ਵਰਦੀਅਾਂ ਵੀ ਮੁਫਤ ’ਚ ਦਿੱਤੀਅਾਂ ਜਾ ਰਹੀਆਂ ਹਨ। ਬੱਚਿਆਂ ’ਚ ਲੁਕੀ ਪ੍ਰਤਿਭਾ ਨੂੰ ਉਜਾਗਰ ਕਰਨ ਦੇ ਉੱਦੇਸ਼ ਨਾਲ ਸੁਪਰ ਮਿਲਕ ਪਰਿਵਾਰ ਦੁਆਰਾ ਸਮੇਂ-ਸਮੇਂ ’ਤੇ ਵਿਦਿਅਕ ਮੁਕਾਬਲੇ ਵੀ ਕਰਵਾਏ ਜਾ ਰਹੇ ਹਨ ਅਤੇ ਇਨ੍ਹਾਂ ਮੁਕਾਬਲਿਆਂ ’ਚ ਬੱਚੇ ਭਾਗ ਲੈਂਦੇ ਹੋਏ ਭਾਰਤ ਦੀ ਅਸਲੀ ਮਜ਼ਬੂਤ ਤਸਵੀਰ ਪੇਸ਼ ਕਰ ਰਹੇ ਹਨ ਜੋ ਕਿ ਸਾਡੇ ਸਭ ਦੇ ਲਈ ਮਾਣ ਦੀ ਗੱਲ ਹੈ। ਇਸ ਮੌਕੇ ਸੀਨੀਅਰ ਅਧਿਕਾਰੀ ਰਜਨੀਸ਼ ਵਿਜ ਦੇ ਨਾਲ-ਨਾਲ ਹੋਰ ਸਟਾਫ ਦੇ ਲੋਕ ਵੀ ਮੌਜੂਦ ਸਨ।
ਭਗਤ ਪੂਰਨ ਸਿੰਘ ਮਾਰਗ ਦੇ ਨਿਰਮਾਣ ਕਾਰਜਾਂ ਦਾ ਵਿਧਾਇਕ ਗੁਰਕੀਰਤ ਨੇ ਲਿਆ ਜਾਇਜ਼ਾ
NEXT STORY 
