ਸਾਦਿਕ (ਪਰਮਜੀਤ): ਬੀਤੀ ਰਾਤ ਚੋਰਾਂ ਵਲੋਂ ਸਾਦਿਕ ਚੌਂਕ ਦੇ ਬਿਲਕੁੱਲ ਨੇੜੇ ਮਾਰਕਿਟ 'ਚ ਇਕ ਮੋਬਾਇਲਾਂ ਵਾਲੀ ਦੁਕਾਨਾਂ ਤੋਂ ਹਜ਼ਾਰਾਂ ਰੁਪਏ ਮੁੱਲ ਦੇ ਮੋਬਾਇਲ ਚੋਰੀ ਕਰ ਲਏ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਕੱਤਰ ਕੀਤੀ ਜਾਣਕਾਰੀ ਮੁਤਾਬਕ ਚੋਰ ਨੇ ਪਹਿਲਾਂ ਖੀਵਾ ਮੋਬਾਈਲ ਸ਼ਾਪ ਨੂੰ ਪਾੜ ਲਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਅੰਦਰ ਪਲਾਈ ਵਗੈਰਾ ਲੱਗੀ ਹੋਣ ਕਾਰਨ ਸਫਲ ਨਹੀਂ ਹੋਏ ਤਾਂ ਉਨ੍ਹਾਂ ਅਰੋੜਾ ਕਮਿਊਨੀਕੇਸ਼ਨ ਦੀ ਦੁਕਾਨ ਦੇ ਪਿੱਛੋਂ ਪਾੜ ਲਗਾ ਕੇ ਮੋਬਾਈਲ ਚੋਰੀ ਕੀਤੇ।
ਪੀੜਤ ਕਮਲ ਕੁਮਾਰ ਨੇ ਦੱਸਿਆ ਕਿ ਉਹ ਜਦ ਸਵੇਰੇ ਦੁਕਾਨ 'ਤੇ ਸਫ਼ਾਈ ਕਰਨ ਆਏ ਤਾਂ ਚੋਰੀ ਦਾ ਪਤਾ ਲੱਗਾ। ਚੋਰ ਲੱਖ ਰੁਪਏ ਤੋਂ ਵਧ ਮੁੱਲ ਦੇ ਨਵੇਂ ਤੇ ਪੁਰਾਣੇ ਮੋਬਾਇਲ ਚੋਰੀ ਕਰਕੇ ਲੈ ਗਏ। ਘਟਨਾ ਦੀ ਸੂਚਨਾ ਸਾਦਿਕ ਪੁਲਸ ਨੂੰ ਦੇਣ 'ਤੇ ਥਾਣਾ ਮੁਖੀ ਰਾਜਬੀਰ ਸਿੰਘ ਸਰਾਂ ਐੱਸ.ਆਈ. ਤੇ ਕੁਲਦੀਪ ਸਿੰਘ ਏ.ਐੱਸ.ਆਈ. ਨੇ ਮੌਕਾ ਦੇਖਿਆ ਤੇ ਕਾਰਵਾਈ ਦਾ ਭਰੋਸਾ ਦਿਵਾਇਆ। ਵਪਾਰ ਮੰਡਲ ਸਾਦਿਕ ਦੇ ਪ੍ਰਧਾਨ ਸੁਰਿੰਦਰ ਸੇਠੀ ਤੇ ਲਵਦੀਪ ਨਿੱਕੂ ਨੇ ਦੁਕਾਨਦਾਰ ਨੂੰ ਹੌਂਸਲਾ ਦਿੰਦੇ ਹੋਏ ਚੋਰਾਂ ਨੂੰ ਤੁਰੰਤ ਫੜਨ ਦੀ ਮੰਗ ਕੀਤੀ। ਸੀ.ਸੀ.ਟੀ.ਵੀ. ਫੁਟੇਜ ਦੇਖਣ 'ਤੇ ਪਤਾ ਲੱਗਦਾ ਹੈ ਕਿ ਦੋ ਜਣੇ ਸੱਬਲਾਂ ਆਦਿ ਲੈ ਕੇ ਆਏ ਤੇ ਚੋਰੀ ਕਰਕੇ ਫਰਾਰ ਹੋ ਗਏ।
ਸ਼ਰਮਨਾਕ: ਲਿਫਟ ਦੇਣ ਦਾ ਬਹਾਨਾ ਦੇ ਕੇ ਵਿਆਹੁਤਾ ਨਾਲ ਕੀਤਾ ਗੈਂਗਰੇਪ
NEXT STORY 
