ਪੰਜਾਬੀ ਰੰਗਮੰਚ ਨੇ ਕੁਝ ਅਜਿਹੇ ਅਦਾਕਾਰ ਪੈਦਾ ਕੀਤੇ, ਜਿੰਨ੍ਹਾਂ ਨੇ ਅਦਾਕਾਰੀ ਦਾ ਲੋਹਾ ਜਿੱਥੇ-ਜਿੱਥੇ ਵੀ ਉਹ ਗਏ ਮਨਵਾਇਆ। ਇਨ੍ਹਾਂ ਉਂਗਲਾਂ ਦੇ ਪੋਟਿਆਂ 'ਤੇ ਗਿਣੇ ਜਾਣ ਵਾਲੇ ਨਾਵਾਂ ਵਿੱਚ ਇੱਕ ਨਾਂਵ 'ਰਾਜ ਕੁਮਾਰ ਤੁਲੀ' ਦਾ ਆਪ ਮੁਹਾਰੇ ਸਾਡੇ ਸਾਰਿਆਂ ਦੇ ਬੁੱਲ੍ਹਾਂ 'ਤੇ ਆ ਜਾਂਦਾ ਹੈ। ਆਪ ਦਾ ਜਨਮ ਕਪੂਰਥਲਾ ਦੇ ਸਾਧਾਰਨ ਜਿਹੇ ਪਰਿਵਾਰ ਵਿੱਚ ਪਿਤਾ ਸ਼੍ਰੀ ਤਿਲਕ ਰਾਜ ਤੁਲੀ ਮਾਤਾ ਸ਼੍ਰੀ ਮਤਿ ਪ੍ਰਕਾਸ਼ ਦੇਵੀ ਤੁਲੀ ਦੀ ਕੁੱਖੋਂ ਹੋਇਆ। ਆਪ 5 ਭੈਣ ਭਰਾਵਾਂ ਵਿੱਚੋਂ ਵਿਚਕਾਰਲੇ ਹਨ। ਕਹਿੰਦੇ ਹਨ ਜਦੋਂ ਕਿਸੇ ਅੰਦਰ ਕਿਸੇ ਚੀਜ ਦੀ ਭੁੱਖ ਲੱਗ ਜਾਵੇ ਤਾਂ ਫਿਰ ਉਹ ਮੁਕਾਮ ਹਾਸਲ ਕੀਤੇ ਬਿਨਾਂ ਤ੍ਰਿਪਤ ਨਹੀਂ ਹੁੰਦੀ।
ਰਾਤ ਨੂੰ ਖਾਣਾ ਖਾਣ ਤੋਂ ਬਾਅਦ ਜੇਕਰ ਤੁਸੀਂ ਵੀ ਕਰਦੇ ਹੋ ਸੈਰ, ਤਾਂ ਜ਼ਰੂਰ ਪੜ੍ਹੋ ਇਹ ਖ਼ਬਰ
ਅਜਿਹੀ ਭੁੱਖ ਰਾਜ ਕੁਮਾਰ ਤੁਲੀ ਅੰਦਰ ਸਿੱਖਿਆ ਨੂੰ ਲੈ ਕੇ ਦੇਖੀ ਜਾ ਸਕਦੀ ਹੈ। ਉਨ੍ਹਾਂ ਆਪਣੀ 11ਵੀਂ ਤੱਕ ਦੀ ਪੜ੍ਹਾਈ ਐੱਮ.ਡੀ.ਐੱਸ.ਡੀ .ਸੀਨੀਅਰ ਸੈਕੰਡਰੀ ਸਕੂਲ ਕਪੂਰਥਲਾ ਤੋਂ ਕੀਤੀ ਅਤੇ ਬੀ.ਏ.ਦੀ ਡਿਗਰੀ ਡੀ.ਏ.ਵੀ.ਕਾਲਜ ਅਤੇ ਦੋਆਬਾ ਕਾਲਜ ਜਲੰਧਰ ਤੋਂ ਕੀਤੀ। ਬੀ.ਏ ਤੱਕ ਦੀ ਪੜ੍ਹਾਈ ਕਰਨ ਤੋਂ ਬਾਅਦ ਉਹ ਸਫ਼ਰ ਸ਼ੁਰੂ ਹੁੰਦਾ ਹੈ, ਜਿੱਥੇ ਉਨ੍ਹਾਂ ਦੀ ਜ਼ਿੰਦਗੀ ਨੇ ਖ਼ਾਸ ਕਰਵਟ ਬਦਲੀ। ਉਨ੍ਹਾਂ ਐੱਮ.ਏ.ਪੰਜਾਬੀ, ਐੱਮ.ਏ.ਹਿੰਦੀ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅਮ੍ਰਿਤਸਰ ਤੋਂ ਕੀਤੀ। ਫਿਰ ਉਨ੍ਹਾਂ ਦਾ ਉਹ ਸਫ਼ਰ ਸ਼ੁਰੂ ਹੋਇਆ, ਜਿਹੜੇ ਰਾਹਾਂ 'ਤੇ ਇੱਕ ਵਾਰੀ ਤੁਰਕੇ ਉਨ੍ਹਾਂ ਨੇ ਦੁਬਾਰਾ ਪਿੱਛੇ ਮੁੜਕੇ ਨਹੀਂ ਵੇਖਿਆ।
ਗੁੜ ਜਾਂ ਖੰਡ, ਜਾਣੋ ਦੋਵਾਂ ’ਚੋਂ ਕਿਸ ਦੀ ਵਰਤੋਂ ਕਰਨ ਨਾਲ ਘੱਟ ਹੁੰਦਾ ਹੈ ‘ਭਾਰ’
ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਜਿੱਥੇ ਆਪ ਨੇ ਐੱਮ.ਏ.ਥੀਏਟਰ ਤੇ ਟੈਲੀਵਿਜ਼ਨ ਯੂਨੀਵਰਸਿਟੀ ਟਾਪਰ (ਗੋਲਡ ਮੈਡਲਿਸਟ) ਰਹਿ ਕੇ ਕੀਤੀ। ਨਾਟਕ ਕਰਨ ਦੀ ਕਲਾ ਉਨ੍ਹਾਂ ਅੰਦਰ ਬਚਪਨ ਤੋਂ ਹੀ ਸੀ। ਜਦੋਂ ਆਪ ਨੇ 1973 ਵਿੱਚ ਅੱਠਵੀਂ ਕਲਾਸ ਵਿੱਚ ਪਹਿਲੀ ਵਾਰ ਸਟੇਜ ਪ੍ਰੋਗਰਾਮ ਕੀਤਾ ਤਾਂ ਸਾਰਿਆਂ ਨੇ ਆਪ ਦੀ ਖ਼ੂਬ ਪ੍ਰਸ਼ਸਾ ਕੀਤੀ। ਉਨ੍ਹਾਂ ਵੱਜਦਿਆਂ ਤਾੜੀਆਂ ਦਾ ਜੁਨੂੰਨ ਉਨ੍ਹਾਂ ਨੂੰ ਇੱਥੋਂ ਤੱਕ ਲੈ ਆਇਆ ਕਿ ਉਸ ਨੇ ਉਨ੍ਹਾਂ ਨੂੰ ਇਕ ਨਾਮਵਾਰ ਨਾਟਕਕਾਰ, ਅਨਾਊਂਸਰ ਅਤੇ ਚੰਗੇ ਰਚੇਤਾ ਬਣਾ ਦਿੱਤਾ।
ਜੇਕਰ ਤੁਹਾਡੇ ਬੱਚਿਆਂ ’ਚ ਵੀ ਦਿਖਾਈ ਦੇਣ ਇਹ ਲੱਛਣ, ਤਾਂ ਜ਼ਰੂਰ ਕਰਵਾਓ ਕੋਰੋਨਾ ਟੈਸਟ
ਹੀਰੇ ਨੂੰ ਤਰਾਸਣ ਲਈ ਜੌਹਰੀ ਦਾ ਵਿਸ਼ੇਸ਼ ਰੋਲ ਹੁੰਦਾ ਹੈ। ਇਹ ਰੋਲ ਸ਼੍ਰੀ ਲਲਿਤ ਬਹਿਲ ਅਤੇ ਸ਼੍ਰੀ ਰਵੀ ਦੀਪ ਗੁਰੂ ਦੇ ਰੂਪ ਵਿੱਚ ਅਦਾ ਕੀਤਾ। ਇਨ੍ਹਾਂ ਤੋਂ ਆਪ ਨੇ ਥੀਏਟਰ ਅਤੇ ਅਨਾਉਂਸਰ ਦੀਆਂ ਬਾਰੀਕੀਆਂ ਸਿੱਖੀਆਂ। ਆਪ ਨੇ ਰੁਜ਼ਗਾਰ ਦੇ ਤੌਰ ’ਤੇ ਬਤੌਰ ਅਨਾਊਂਸਰ ਆਲ ਇੰਡੀਆ ਰੇਡੀਓ ਵਿੱਚ ਨੌਕਰੀ 15 ਦਸੰਬਰ 1987 ਤੋਂ 30 ਅਪ੍ਰੈਲ 2020 (ਲਗਭਗ 33 ਸਾਲ) ਕੀਤੀ। ਜਲੰਧਰ ਦੂਰਦਰਸ਼ਨ 'ਤੇ ਲਗਭੱਗ 50 ਨਾਟਕ ਤੇ ਸੀਰੀਅਲ ਬਤੌਰ ਕਲਾਕਾਰ ਕਰਕੇ ਲੋਕਾਂ ਦਾ ਭਰਪੂਰ ਪਿਆਰ ਖੱਟਿਆ। ਆਪ ਯੂਨੀਵਰਸਿਟੀ ਪੱਧਰ 'ਤੇ ਲਗਾਤਾਰ ਸਰਵੋਤਮ ਕਲਾਕਾਰ ਅਤੇ ਸਰਵੋਤਮ ਮੋਨੋਐਕਰ ਰਹੇ। ਇੱਥੇ ਹੀ ਬਸ ਨਹੀਂ ਆਪ ਨੇ ਵੱਖ-ਵੱਖ ਯੂਨੀਵਰਸਿਟੀਆਂ ਦੇ 50 ਤੋਂ ਵੱਧ ਕਾਲਜਾਂ 'ਚ ਨਾਟਕ ਨਿਰਦੇਸ਼ਿਤ ਕੀਤੇ ਅਤੇ ਜਿੱਤੇ।
ਤਾਲਾਬੰਦੀ ਦੌਰਾਨ ਨੂਡਲਜ਼ ''ਤੇ ਪਾਸਤਾ ਦੀ ਖਪਤ ''ਚ ਹੋਇਆ ਬੇਤਹਾਸ਼ਾ ਵਾਧਾ (ਵੀਡੀਓ)
ਆਪ 12 ਵਾਰ ਬਤੌਰ ਡਾਇਰੈਕਟਰ ਆਲ ਇੰਡੀਆ ਲੈਵਲ, 5 ਵਾਰ ਨੈਸ਼ਨਲ ਯੂਥ ਫੈਸਟੀਵਲ ਬੈਸਟ ਡਾਇਰੈਕਟਰ ਬਣਦੇ ਰਹੇ ਅਤੇ ਰੇਡਿਓ ਨੈਸ਼ਨਲ ਡਰਾਮਾ ਐਵਾਰਡ ਪ੍ਰਾਪਤ ਕੀਤੇ। ਜਦੋਂ ਕਦੇ ਸਮਾਜ ਵਿੱਚ ਵੱਧ ਰਹੀਆਂ ਬੁਰਾਈਆਂ ਮਨ ਉੱਪਰ ਪ੍ਰਭਾਵ ਪਾਉਂਦੀਆਂ ਨੇ ਤਾਂ ਮਨ ਕੁਝ ਲਿਖਣ ਲਈ ਵਿਆਕੁਲ ਹੋ ਜਾਂਦਾ ਹੈ ਤੇ ਫਿਰ ਕੁਝ ਗੀਤਾਂ ਦੀ ਰਚਨਾ ਕਰਦੇ ਹਨ। ਜਿਵੇਂ
'ਇਹ ਸਭ ਉਸ ਰੱਬ ਦੀਆਂ ਅਸੀਸਾਂ ਨੀ ਮਾਂ '
ਤੂੰ ਨਾ ਕਰ ਹੋਰਾਂ ਦੀਆਂ ਰੀਸਾਂ ਨੀ ਮਾਂ',
ਹੱਥ ਜਿਹੜੇ ਅਜੇ ਬਣੇ ਨਹੀਂ, ਉਹ ਹੱਥ ਜੋੜਦੀ ਆ, ਤੂੱ ਕੁੱਖ ਸੁਲਖਣੀ ਨੂੰ ਨਾ ਕਰ ਕੁੱਖ ਕੁਲਛਣੀ ਮਾਂ।’’
*******
'ਧੀਆਂ ਨੂੰ ਮਾਰੀ ਜਾਂਦੇ ,ਨੂੰਹਾਂ ਨੂੰ ਸਾੜੀ ਜਾਂਦੇ'
'ਵਸੋਂ ਵਧਾਈ ਜਾਂਦੇ ,ਧਰਤੀ ਮਚਾਈ ਜਾਂਦੇ', ਕੁੱਖ ’ਚ ਕੁੜੀ ਨੂੰ, ਕੁੱਪ ’ਚ ਤੂੜੀ ਨੂੰ, ਪੀਂਘ ਅਤੇ ਪੰਘੂੜੀ ਨੂੰ, ਲੰਭਿਆ ਕਰਾਂਗੇ, ਫੇਰ ਕੀ ਕਰਾਂਗੇ, ਭੁੱਖੇ ਮਰਾਂਗੇ, ਹੋਰ ਕੀ ਕਰਾਂਗੇ’’
***********
ਗ਼ਰੀਬ ਲੋਕਾਂ ਲਈ ਰੱਬ ਨੂੰ ਉਲਾਂਭਾ ਵੀ ਉਹ ਆਪਣੇ ਗੀਤਾਂ ਵਿੱਚ ਇਉਂ ਮਾਰਦੇ,
ਰੱਬਾ ਜਦੋਂ ਵੀ ਕਿਸੇ ਦਾ ਨਸੀਬ ਲਿਖੀ 'ਕਿਸੇ ਦੇ ਨਾਂ ਅੱਗੇ ਨਾ ਗ਼ਰੀਬ ਲਿਖੀ'
ਕੀ ਤੁਹਾਨੂੰ ਵੀ ਅਚਾਨਕ ਆਉਣੇ ਸ਼ੁਰੂ ਹੋ ਜਾਂਦੇ ਹਨ ‘ਚੱਕਰ’, ਤਾਂ ਜ਼ਰੂਰ ਪੜ੍ਹੋ ਇਹ ਖਬਰ
ਆਪ ਨੇ 150 ਦੇ ਕਰੀਬ ਗੀਤ ਲਿਖੇ ਹਨ। ਆਪ ਨੇ ਸਟੇਜ, ਰੇਡੀਓ, ਟੀ.ਵੀ ਲਈ ਨਾਟਕ ਲਿਖੇ ,ਖੇਡੇ ਅਤੇ ਨਿਰਦੇਸ਼ਿਤ ਕੀਤੇ। ਕਹਿੰਦੇ ਹਨ ਕਿ ਜਦੋਂ ਕਿਸੇ ਮਾਲੀ ਦੇ ਲਾਏ ਬੂਟੇ ਫਲ ਦੇਣ ਲੱਗ ਜਾਂਦੇ ਹਨ ਤਾਂ ਜਿਹੜੀ ਖ਼ਸ਼ੀ ਓਸ ਨੂੰ ਹੁੰਦੀ ਹੈ ਬੱਸ ਉਹੀ ਜਾਣਦਾ ਹੈ। ਰਾਜ ਕੁਮਾਰ ਤੁਲੀ ਵੱਲੋਂ ਸਿਖਾਏ ਅਨੇਕਾਂ ਸਿਖਿਆਰਥੀ ਅੱਜ ਦੇਸ਼ਾਂ, ਵਿਦੇਸ਼ਾਂ ਵਿੱਚ ਰੇਡੀਓ, ਟੀ.ਵੀ, ਪਾਲੀਵੁੱਡ ਅਤੇ ਬਾਲੀਵੁੱਡ ਵਿੱਚ ਬਾ-ਕਮਾਲ ਕੰਮ ਕਰ ਰਹੇ ਹਨ ਅਤੇ ਉਹ ਹੁਣ ਅੱਜ ਸੁਪਰ ਸਟਾਰ ਹਨ। ਤੁਲੀ ਜੀ ਨੇ 50 ਦੇ ਕਰੀਬ ਕਲਾਕਾਰਾ ਨੂੰ ਆਪਣੇ ਕੋਲੋ ਪੈਸੇ ਖਰਚ ਕਰਕੇ ਪੜ੍ਹਾਇਆ ਅਤੇ 20 ਦੇ ਕਰੀਬ ਵਿਦਿਆਰਥੀਆਂ ਨੂੰ ਐੱਮ.ਏ.ਥੀਏਟਰ ਵੀ ਕਰਵਾਈ। ਅੱਜ-ਕੱਲ ਉਹ ਡੀ.ਡੀ.ਪੰਜਾਬੀ ਦੇ ਪ੍ਰੋਗਰਾਮ ਮੇਰਾ ਪਿੰਡ ਮੇਰੇ ਖੇਤ ਵਿੱਚ ਬਤੌਰ ਮਿੱਠਾ ਸਿੰਘ ਭੂਮਿਕਾ ਨਿਭਾ ਰਹੇ ਹਨ ਤੇ ਨਾਲ-ਨਾਲ ਬੱਚਿਆਂ ਨੂੰ ਥੀਏਟਰ ਵੀ ਸਿਖਾ ਰਹੇ ਹਨ। ਉਹ ਆਪਣੀ ਸਾਰੀ ਇਸ ਪ੍ਰਾਪਤੀ ਦਾ ਸਿਹਰਾ ਆਪਣੇ ਉਸਤਾਦਾਂ, ਮਾਤਾ-ਪਿਤਾ ਅਤੇ ਦੋਸਤਾਂ-ਮਿੱਤਰਾਂ ਨੂੰ ਦਿੰਦੇ ਜਿੰਨਾਂ ਸਦਕੇ ਉਹ ਪੰਜਾਬ ਅਤੇ ਪੰਜਾਬੀਅਤ ਲਈ ਕੁਝ ਕਰ ਸਕੇ ਹਨ। ਆਖ਼ਿਰ ਵਿੱਚ ਉਹ ਪੰਜਾਬ ਵਾਸੀਆਂ ਨੂੰ ਚੰਗਾ ਸੁਣਨ, ਚੰਗਾ ਲਿਖਣ ਅਤੇ ਚੰਗਾ ਕਰਨ ਦਾ ਸੰਦੇਸ਼ ਦਿੰਦੇ ਹਨ ਤਾਂ ਜੋ ਅਸੀਂ ਆਪਣੀ ਜ਼ਿੰਦਗੀ ਨੂੰ ਹੁਸੀਨ ਤੇ ਖ਼ੂਬਸੂਰਤ ਬਣਾ ਸਕੀਏ ਅਤੇ ਦੂਜਿਆਂ ਲਈ ਚਾਨਣ ਮੁਨਾਰਾ ਬਣ ਸਕੀਏ।
ਰਮੇਸ਼ਵਰ ਸਿੰਘ ਪਟਿਆਲਾ
ਸੰਪਰਕ ਨੰਬਰ 9914880392
ਕਲਯੁਗ ਆਪਣਾ ਰੰਗ ਦਿਖਾ ਰਿਹਾ
NEXT STORY 
