ਅਹਿਮਦਾਬਾਦ— ਗੁਜਰਾਤ ਦੇ ਅਹਿਮਦਾਬਾਦ ਸ਼ਹਿਰ 'ਚ ਦਿੱਲੀ ਦੇ ਬੁਰਾੜੀ ਵਰਗਾ ਕਾਂਡ ਦੇਖਣ ਨੂੰ ਮਿਲਿਆ ਹੈ। ਜਿੱਥੇ ਇਕ ਪਰਿਵਾਰ ਦੇ 3 ਮੈਂਬਰਾਂ ਨੇ ਇੱਕਠੇ ਸੁਸਾਇਡ ਕਰ ਲਿਆ। ਪੂਰੀ ਘਟਨਾ ਦੇ ਪਿੱਛੇ ਤੰਤਰ-ਮੰਤਰ ਦਾ ਮਾਮਲਾ ਨਿਕਲ ਕੇ ਸਾਹਮਣੇ ਆ ਰਿਹਾ ਹੈ। ਪੁਲਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪਰਿਵਾਰ ਦੇ ਮੁਖੀਆ ਕੁਨਾਲ ਤ੍ਰਿਵੇਂਦੀ ਆਪਣੇ ਪਰਿਵਾਰ ਨਾਲ ਨਰੋਦਾ ਦੇ ਅਵਨੀ ਸਕਾਈ 'ਚ ਕਿਰਾਏ ਦੇ ਫਲੈਟ 'ਚ ਰਹਿੰਦੇ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਦਿੱਲੀ ਦੇ ਬੁਰਾੜੀ ਕਾਂਡ ਦੀ ਤਰ੍ਹਾਂ ਘਰ ਦੇ ਮੁਖੀਆ 45 ਸਾਲਾ ਕੁਨਾਲ ਨੇ ਫਾਂਸੀ ਲਗਾਈ ਸੀ ਜਦਕਿ ਉਸ ਦੀ ਪਤਨੀ ਕਵਿਤਾ ਅਤੇ 16 ਸਾਲਾ ਬੇਟੀ ਸ਼੍ਰੀਨ ਦੀ ਲਾਸ਼ ਘਰ 'ਚ ਪਈ ਮਿਲੀ। ਪੁਲਸ ਮੁਤਾਬਕ ਕਵਿਤਾ ਅਤੇ ਉਨ੍ਹਾਂ ਦੀ ਬੇਟੀ ਸ਼੍ਰੀਨ ਨੇ ਜ਼ਹਿਰੀਲੀ ਦਵਾਈ ਪੀ ਕੇ ਆਤਮ-ਹੱਤਿਆ ਕੀਤੀ ਹੈ ਜਦਕਿ ਘਰ ਦੀ ਬਜ਼ੁਰਗ ਔਰਤ ਯਾਨੀ ਕੁਨਾਲ ਦੀ ਮਾਂ ਬੇਹੋਸ਼ੀ ਦੀ ਹਾਲਤ 'ਚ ਮਿਲੀ। ਉਸ ਨੇ ਜ਼ਹਿਰੀਲੀ ਦਵਾਈ ਪੀਤੀ ਸੀ ਪਰ ਇਸ ਦਵਾਈ ਦਾ ਅਸਰ ਜ਼ਿਆਦਾ ਨਹੀਂ ਹੋਇਆ, ਉਹ ਹਸਪਤਾਲ 'ਚ ਭਰਤੀ ਹਨ। ਪਿਛਲੇ 24 ਘੰਟੇ ਤੋਂ ਉਨ੍ਹਾਂ ਦਾ ਘਰ ਬੰਦ ਸੀ। ਉਨ੍ਹਾਂ ਦੇ ਰਿਸ਼ਤੇਦਾਰ ਉਨ੍ਹਾਂ ਨੂੰ ਫੋਨ ਕਰ ਰਹੇ ਸਨ ਪਰ ਕੋਈ ਫੋਨ 'ਤੇ ਜਵਾਬ ਨਹੀਂ ਦੇ ਰਿਹਾ ਸੀ। ਇਸ ਲਈ ਉਨ੍ਹਾਂ ਦੇ ਰਿਸ਼ਤੇਦਾਰ ਅਤੇ ਹੋਰ ਪਰਿਵਾਰਕ ਮੈਂਬਰ ਪੁਲਸ ਨੂੰ ਲੈ ਕੇ ਉਥੇ ਪੁੱਜੇ। ਕਮਰੇ ਅੰਦਰ ਦਾਖ਼ਲ ਹੋਏ ਤਾਂ ਸਭ ਦੇ ਹੋਸ਼ ਉਡ ਗਏ। ਅੰਦਰ ਕੁਨਾਲ ਲਟਕ ਰਿਹਾ ਸੀ ਜਦਕਿ ਉਸ ਦੀ ਪਤਨੀ ਫਰਸ਼ ਅਤੇ ਬੇਟੀ ਬਿਸਤਰ 'ਤੇ ਮ੍ਰਿਤ ਪਈ ਸੀ। ਪੁਲਸ ਨੂੰ ਜਾਂਚ ਦੇ ਦੌਰਾਨ ਕਮਰੇ ਤੋਂ ਇਕ ਸੁਸਾਇਡ ਨੋਟ ਮਿਲਿਆ ਹੈ। ਜਿਸ 'ਚ ਲਿਖਿਆ ਹੈ ਕਿ ਮੰਮੀ-ਪਾਪਾ ਮੈਨੂੰ ਕਦੀ ਵੀ ਸਮਝ ਨਹੀਂ ਸਕੇ, ਮੈਂ ਕਈ ਵਾਰ ਕਾਲੀ ਸ਼ਕਤੀ ਦੇ ਬਾਰੇ ਦੱਸਿਆ ਪਰ ਕਦੀ ਉਨ੍ਹਾਂ ਨੇ ਨਹੀਂ ਮੰਨਿਆ ਅਤੇ ਸ਼ਰਾਬ ਨੂੰ ਉਸ ਦਾ ਕਾਰਨ ਦੱਸਿਆ। ਸੁਸਾਇਡ ਨੋਟ 'ਚ ਇਹ ਵੀ ਲਿਖਿਆ ਕਿ ਉਹ ਕਦੀ ਵੀ ਆਤਮ-ਹੱਤਿਆ ਨਹੀਂ ਕਰ ਸਕਦੇ ਹਨ ਪਰ ਕਾਲੀ ਸ਼ਕਤੀਆਂ ਕਾਰਨ ਆਤਮ-ਹੱਤਿਆ ਕਰ ਰਹੇ ਹਨ।
ਕਾਂਗਰਸ ਦੀਆਂ ਹਰਕਤਾਂ ਕਾਰਨ ਹੋ ਰਿਹਾ ਹੈ ਪੰਜਾਬ ਦਾ ਮਾਹੌਲ ਖਰਾਬ: ਦਲਜੀਤ ਸਿੰਘ ਚੀਮਾ
NEXT STORY 
