ਕਰਨਾਲ—ਹਰਿਆਣਾ 'ਚ ਕਰਨਾਲ ਜ਼ਿਲੇ ਦੇ ਫਰੀਦਾਬਾਦ ਪਿੰਡ 'ਚ ਇੱਕ ਮਾਈਨਿੰਗ ਖੇਤਰ 'ਚ ਖੁਦਾਈ ਦੌਰਾਨ ਪ੍ਰਾਚੀਨ ਮੂਰਤੀਆਂ ਮਿਲੀਆਂ, ਜਿਨ੍ਹਾਂ ਨੂੰ ਦੇਖਣ ਲਈ ਲੋਕਾਂ ਦੀ ਕਾਫੀ ਭੀੜ ਇਕੱਠੀ ਹੋ ਗਈ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਮੰਗਲਵਾਰ ਦੇਰ ਰਾਤ ਕਰਨਾਲ ਦੇ ਫਰੀਦਾਬਾਦ ਪਿੰਡ ਕੋਲ ਰੇਤ ਦੀ ਖੁਦਾਈ ਦੌਰਾਨ ਲਗਭਗ 30 ਫੁੱਟ ਦੀ ਡੂੰਘਾਈ 'ਚੋ ਇਤਿਹਾਸਿਕ ਮੂਰਤੀਆਂ ਮਿਲੀਆਂ ਹਨ, ਜਿਨ੍ਹਾਂ 'ਚ ਸ਼ਿਵਲਿੰਗ, ਨੰਦੀ ਦੀ ਮੂਰਤੀ, ਮੰਦਰ ਦੇ ਅਵਸ਼ੇਸ਼, ਦੋ ਵੱਡੇ ਸਤੰਭ ਤੋਂ ਇਲਾਵਾ ਇੱਟਾਂ ਵੀ ਮਿਲੀਆਂ ਹਨ।
ਇਹ ਵੀ ਦੱਸਿਆ ਜਾਂਦਾ ਹੈ ਕਿ ਸ਼ਿਵਲਿੰਗ ਹਲਕੇ ਗੁਲਾਬੀ ਰੰਗ ਦਾ ਹੈ ਜਦਕਿ ਨੰਦੀ ਦੀ ਮੂਰਤੀ ਸਲੇਟੀ ਰੰਗ ਦਾ ਹੈ। ਸ਼ਿਵਲਿੰਗ ਮਿਲਣ ਦੀ ਜਾਣਕਾਰੀ ਮਿਲਦਿਆਂ ਹੀ ਦੇਖਣ ਲਈ ਕਾਫੀ ਸ਼ਰਧਾਲੂ ਵੀ ਪਹੁੰਚੇ। ਪੁਲਸ ਵੀ ਮੌਕੇ 'ਤੇ ਪਹੁੰਚ ਗਈ ਅਤੇ ਮੂਰਤੀਆਂ ਦੀ ਨਿਗਰਾਨੀ ਕਰਨ ਲੱਗੀ। ਲੋਕਾਂ ਨੇ ਪਿੰਡ 'ਚ ਮੰਦਰ ਲਈ ਥਾਂ ਦੇ ਦਿੱਤੀ ਅਤੇ ਪੂਜਾ-ਪਾਠ ਸ਼ੁਰੂ ਕਰ ਦਿੱਤਾ ਗਿਆ ਹੈ।
ਇਸ ਮਾਮਲੇ 'ਚ ਸੰਬੰਧਿਤ ਪੁਰਾਤੱਤਵ ਵਿਭਾਗ ਦਾ ਕਹਿਣਾ ਹੈ, ''ਮੂਰਤੀਆਂ ਦੇ ਆਕਾਰ ਅਤੇ ਪ੍ਰਤੀਕ ਦੱਸਦੇ ਹਨ ਕਿ ਉਹ ਕੁਸ਼ਾਣ ਸਮਰਾਜ ਦੇ ਯੁੱਗ ਦੀਆਂ ਹਨ। ਦੱਸਿਆ ਜਾਂਦਾ ਹੈ ਕਿ ਇਹ ਇਲਾਕਾ ਕਿਸੇ ਮੰਦਰ ਦਾ ਹਿੱਸਾ ਹੋਣ ਦੀ ਸੰਭਾਵਨਾ ਹੈ।
ਜ਼ਿਕਰਯੋਗ ਹੈ ਕਿ ਕੁਸ਼ਾਣ ਸਾਮਰਾਜ ਇੱਕ ਸੰਯੋਜਿਤ ਸਮਰਾਜ ਸੀ, ਜਿਸ ਦਾ ਗਠਨ ਪਹਿਲੀ ਸ਼ਤਾਬਦੀ ਦੇ ਆਰੰਭ 'ਚ ਬੈਕਟੀਰੀਅਨ ਪ੍ਰਦੇਸ਼ਾਂ 'ਚ ਯੂਜ਼ੀ ਦੁਆਰਾ ਕੀਤੀ ਗਈ ਸੀ। ਕੁਸ਼ਾਣ ਪ੍ਰਾਚੀਨ ਭਾਰਤ ਦੇ ਰਾਜਵੰਸ਼ਾਂ 'ਚੋਂ ਇੱਕ ਸੀ। ਕੁਝ ਇਤਿਹਾਸਕਾਰ ਇਸ ਵੰਸ਼ ਨੂੰ ਚੀਨ ਤੋਂ ਆਏ ਯੂਜ਼ੀ ਲੋਕਾਂ ਦੇ ਮੂਲ ਦਾ ਮੰਨਦੇ ਹਨ।
ਸੰਤਾਂ ਨੇ ਰਵਿਦਾਸ ਮੰਦਰ ਨੂੰ ਲੈ ਕੇ ਦੇਸ਼ ਵਿਆਪੀ ਅੰਦੋਲਨ ਕਰਨ ਦੀ ਦਿੱਤੀ ਧਮਕੀ
NEXT STORY