ਤੰਜਾਵੁਰ- ਤਾਮਿਲਨਾਡੂ 'ਚ ਅੰਨਾਦਰਮੁਕ ਦੀ ਲਗਾਤਾਰ ਚੋਣ ਹਾਰ ਤੋਂ ਦੁਖੀ ਪਾਰਟੀ ਦੇ 32 ਸਾਲਾ ਅਹੁਦਾ ਅਧਿਕਾਰੀ ਨੇ ਤੰਜਾਵੁਰ ਜ਼ਿਲ੍ਹੇ ਦੇ ਤਿਰੂਪੰਦਾਲ 'ਚ ਖੁਦਕੁਸ਼ੀ ਕਰ ਲਈ। ਮ੍ਰਿਤਕ ਦੀ ਪਛਾਣ ਕੇ. ਏ. ਐੱਸ. ਮਹੇਂਦਰਨ ਵਜੋਂ ਹੋਈ ਹੈ, ਜੋ ਆਲ ਇੰਡੀਆ ਅੰਨਾ ਦ੍ਰਵਿੜ ਮੁਨੇਤਰ ਕੜਗਮ (ਅੰਨਾਦਰਮੁਕ) ਤੰਜਾਵੁਰ ਪੂਰਬ ਵਪਾਰ ਸ਼ਾਖਾ ਦੇ ਸੰਯੁਕਤ ਸਕੱਤਰ ਵਜੋਂ ਕੰਮ ਕਰ ਰਹੇ ਸਨ। ਉਨ੍ਹਾਂ ਦੇ ਪਰਿਵਾਰ 'ਚ ਪਤਨੀ ਅਤੇ ਇਕ ਸਾਲ ਦਾ ਬੱਚਾ ਹੈ।
ਖੁਦਕੁਸ਼ੀ ਤੋਂ ਪਹਿਲੇ ਮਹੇਂਦਰਨ ਨੇ ਐਤਵਾਰ ਨੂੰ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਜਾਰੀ ਕੀਤਾ ਸੀ, ਜਿਸ 'ਚ ਉਨ੍ਹਾਂ ਨੇ ਪਾਰਟੀ ਦੇ ਹਾਲੀਆ ਰਾਜਨੀਤਕ ਹਾਰ ਦਾ ਡੂੰਘਾ ਦੁੱਖ ਜ਼ਾਹਰ ਕੀਤਾ ਸੀ। ਆਪਣੇ ਵੀਡੀਓ ਸੰਦੇਸ਼ 'ਚ ਉਨ੍ਹਾਂ ਨੇ ਅੰਨਾਦਰਮੁਕ ਦੇ ਵੱਖ-ਵੱਖ ਧੜਿਆਂ ਦੇ ਨੇਤਾਵਾਂ ਅਤੇ ਵਰਕਰਾਂ ਨੂੰ ਭਾਵੁਕ ਅਪੀਲ ਕੀਤੀ ਅਤੇ ਪਾਰਟੀ ਨੂੰ ਮਜ਼ਬੂਤ ਕਰਨ ਲਈ ਆਪਣੇ ਮਤਭੇਦਾਂ ਨੂੰ ਭੁਲਾ ਕੇ ਪਾਰਟੀ ਦੇ ਜਨਰਲ ਸਕੱਤਰ ਏਡਪੱਡੀ ਕੇ. ਪਲਾਨੀਸਵਾਮੀ ਦੇ ਸਿੰਗਲ ਅਗਵਾਈ 'ਚ ਇਕਜੁਟ ਹੋਣ ਦੀ ਅਪੀਲ ਕੀਤੀ। ਘਟਨਾ ਦੀ ਸੂਚਨਾ ਮਿਲਣ 'ਤੇ ਤਿਰੂਪੰਦਾਲ ਪੁਲਸ ਨੇ ਲਾਸ਼ ਬਰਾਮਦ ਕੀਤੀ ਅਤੇ ਪੋਸਟਮਾਰਮਟ ਲਈ ਤਿਰੂਪੰਦਾਲ ਸਰਕਾਰੀ ਹਸਪਤਾਲ ਭਿਜਵਾਈ। ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਅਤੇ ਅੱਗੇ ਦੀ ਜਾਂਚ ਜਾਰੀ ਹੈ। ਅੰਨਾਦਰਮੁਕ ਜਨਰਲ ਸਕੱਤਰ ਪਲਾਨੀਸਵਾਮੀ ਦੇ ਮਰਹੂਮ ਅਹੁਦਾ ਅਧਿਕਾਰੀ ਨੂੰ ਸ਼ਰਧਾਂਜਲੀ ਦੇਣ ਅਤੇ ਸੋਗ ਪੀੜਤ ਪਰਿਵਾਰ ਦੇ ਪ੍ਰਤੀ ਆਪਣੀ ਹਮਦਰਦੀ ਜ਼ਾਹ ਕਰਨ ਲਈ ਤਿਰੂਪੰਦਾਲ ਜਾਣ ਦੀ ਉਮੀਦ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
6 ਜੂਨ ਨੂੰ ਭਾਰਤ ਵਾਪਸ ਆਉਣਗੇ ਕਾਕਰੋਚ ਜਨਤਾ ਪਾਰਟੀ ਦੇ ਸੰਸਥਾਪਕ ਅਭਿਜੀਤ
NEXT STORY 
