ਲੰਡਨ (ਏਜੰਸੀ)- ਬ੍ਰਿਟੇਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਇਕ ਨਵੇਂ ਸੰਸਕਰਨ 'ਅਨਲੀਸ਼ਡ' ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਸ਼ਲਾਘਾ ਕੀਤੀ ਹੈ। ਇਸ ਸੰਸਕਰਨ ਵਿੱਚ, ਉਤਰਾਅ-ਚੜ੍ਹਾਅ ਨਾਲ ਭਰੇ ਆਪਣੇ ਸਿਆਸੀ ਜੀਵਨ ਦਾ ਜ਼ਿਕਰ ਕਰਦੇ ਹੋਏ ਉਨ੍ਹਾਂ ਨੇ ਯਾਦ ਕੀਤਾ ਕਿ ਕਿਵੇਂ ਭਾਰਤੀ ਨੇਤਾ ਨਾਲ ਪਹਿਲੀ ਮੁਲਾਕਾਤ ਵਿੱਚ ਉਨ੍ਹਾਂ ਨੂੰ "ਅਲੌਕਿਕ ਊਰਜਾ" ਮਹਿਸੂਸ ਹੋਈ ਸੀ। ਜਾਨਸਨ ਨੇ ਆਪਣੀ ਕਿਤਾਬ 'ਅਨਲੀਸ਼ਡ' ਵਿਚ ਇਹ ਇਹ ਗੱਲਾਂ ਲਿਖੀਆਂ ਹਨ, ਜੋ ਕਿ ਬ੍ਰਿਟੇਨ ਵਿੱਚ ਇਸ ਹਫ਼ਤੇ ਬੁੱਕ ਸਟੋਰਾਂ 'ਤੇ ਵਿਕਰੀ ਲਈ ਉਪਲੱਬਧ ਹੈ। 'ਅਨਲੀਸ਼ਡ' ਵਿਚ ਇੱਕ ਪੂਰਾ ਅਧਿਆਇ ਭਾਰਤ ਨਾਲ ਬ੍ਰਿਟੇਨ ਦੇ ਸਬੰਧਾਂ 'ਤੇ ਕੇਂਦਰਿਤ ਹੈ, 'ਇਹ ਸਬੰਧ ਹੁਣ ਤੱਕ ਦੇ ਸਭ ਤੋਂ ਵਧੀਆ ਸਬੰਧਾਂ ਵਿੱਚੋਂ ਇੱਕ" ਹਨ।
ਇਹ ਵੀ ਪੜ੍ਹੋ: 'ਪਾਕਿਸਤਾਨੀ ਭਰਾਵੋ, ਮੈਨੂੰ ਮਾਫ਼ ਕਰ ਦਿਓ', ਆਲੋਚਨਾ ਮਗਰੋਂ ਭਗੌੜੇ ਜ਼ਾਕਿਰ ਨਾਇਕ ਨੇ ਮੰਗੀ ਮਾਫ਼ੀ
ਭਾਰਤ-ਪ੍ਰਸ਼ਾਂਤ ਦੇ ਸੰਦਰਭ ਵਿੱਚ ਮਜ਼ਬੂਤ ਭਾਰਤ-ਯੂਕੇ ਦੋਸਤੀ 'ਤੇ ਵਾਰ-ਵਾਰ ਜ਼ੋਰ ਦਿੰਦੇ ਹੋਏ, ਸਾਬਕਾ ਪ੍ਰਧਾਨ ਮੰਤਰੀ ਨੇ ਭਾਰਤ ਨਾਲ "ਉਚਿਤ ਮੁਕਤ ਵਪਾਰ ਸਮਝੌਤੇ" ਦੀ ਦਿਸ਼ਾ ਤੈਅ ਕਰਨ ਦਾ ਸਿਹਰਾ ਖ਼ੁਦ ਨੂੰ ਦਿੱਤਾ ਹੈ, ਕਿਉਂਕਿ ਉਨ੍ਹਾਂ ਨੂੰ ਮੋਦੀ ਦੇ ਰੂਪ ਵਿਚ ਬਿਲਕੁਲ ਸਹੀ ਸਾਥੀ ਅਤੇ ਦੋਸਤ ਮਿਲ ਗਿਆ ਹੈ। ਜਾਨਸਨ ਨੇ ‘ਬ੍ਰਿਟੇਨ ਐਂਡ ਇੰਡੀਆ’ ਸਿਰਲੇਖ ਵਾਲੇ ਅਧਿਆਏ ਵਿੱਚ ਮੋਦੀ ਨਾਲ ਆਪਣੀ ਪਹਿਲੀ ਮੁਲਾਕਾਤ ਦਾ ਜ਼ਿਕਰ ਕੀਤਾ ਹੈ, ਜਦੋਂ ਉਹ ਲੰਡਨ ਦੇ ਮੇਅਰ ਸਨ, ਉਦੋਂ ਉਨ੍ਹਾਂ ਨੇ (ਮੋਦੀ ਨੇ) ਥੇਮਜ਼ ਨਦੀ ਦੇ ਕੰਢੇ ਸਿਟੀ ਹਾਲ ਸਥਿਤ ਦਫ਼ਤਰ ਦਾ ਦੌਰਾ ਕੀਤਾ ਸੀ। ਉਨ੍ਹਾਂ ਨੇ ਕਿਹਾ, “ਕਿਸੇ ਕਾਰਨ ਕਰਕੇ, ਅਸੀਂ ਟਾਵਰ ਬ੍ਰਿਜ ਦੇ ਨੇੜੇ ਪਲਾਜ਼ਾ ਵਿੱਚ ਹਨੇਰੇ ਵਿੱਚ ਉਨ੍ਹਾਂ ਦੇ ਸਮਰਥਕਾਂ ਦੀ ਭੀੜ ਦੇ ਸਾਹਮਣੇ ਖੜੇ ਹੋ ਗਏ। ਉਨ੍ਹਾਂ ਨੇ ਮੇਰਾ ਹੱਥ ਚੁੱਕਿਆ ਅਤੇ ਹਿੰਦੀ ਵਿੱਚ ਕੁਝ ਕਿਹਾ, ਅਤੇ ਹਾਲਾਂਕਿ ਮੈਂ ਇਸਨੂੰ ਸਮਝ ਨਹੀਂ ਸਕਿਆ, ਮੈਂ ਉਨ੍ਹਾਂ ਦੀ ਅਨੌਖੀ ਅਲੌਕਿਕ ਊਰਜਾ ਮਹਿਸੂਸ ਕੀਤੀ। ਉਦੋਂ ਤੋਂ ਮੈਂ ਉਨ੍ਹਾਂ ਦੀ ਕੰਪਨੀ ਦਾ ਆਨੰਦ ਮਾਣ ਰਿਹਾ ਹਾਂ - ਕਿਉਂਕਿ ਮੈਨੂੰ ਲੱਗਦਾ ਹੈ ਕਿ ਉਹ ਸਾਡੇ ਰਿਸ਼ਤੇ ਲਈ ਇੱਕ ਗੇਮ-ਚੇਂਜਰ ਹਨ। ਮੋਦੀ ਨਾਲ, ਮੈਨੂੰ ਭਰੋਸਾ ਸੀ ਕਿ ਅਸੀਂ ਨਾ ਸਿਰਫ਼ ਇੱਕ ਸ਼ਾਨਦਾਰ ਮੁਕਤ ਵਪਾਰ ਸਮਝੌਤਾ ਕਰ ਸਕਦੇ ਹਾਂ, ਸਗੋਂ ਦੋਸਤਾਂ ਅਤੇ ਬਰਾਬਰੀ ਦੇ ਤੌਰ 'ਤੇ ਇੱਕ ਲੰਬੀ ਮਿਆਦ ਦੀ ਭਾਈਵਾਲੀ ਵੀ ਬਣਾ ਸਕਦੇ ਹਾਂ।"
ਇਹ ਵੀ ਪੜ੍ਹੋ: ਧੀ ਨੇ ਮਾਪਿਆਂ ਦਾ ਕਤਲ ਕਰ 4 ਸਾਲਾਂ ਤੱਕ ਘਰ 'ਚ ਲੁਕਾ ਕੇ ਰੱਖੀਆਂ ਲਾਸ਼ਾਂ, ਅਦਾਲਤ ਨੇ ਸੁਣਾਈ ਵੱਡੀ ਸਜ਼ਾ
ਜਾਨਸਨ (60) ਨੇ ਖੁਲਾਸਾ ਕੀਤਾ ਕਿ ਕਿਵੇਂ ਯੂਕੇ ਦੇ ਵਿਦੇਸ਼ ਮੰਤਰਾਲਾ ਨੇ 2012 ਵਿੱਚ ਭਾਰਤ ਦੇ ਇੱਕ ਮੇਅਰਲ ਵਪਾਰਕ ਵਫ਼ਦ ਦੌਰਾਨ ਉਨ੍ਹਾਂ ਨੂੰ ਹਿੰਦੂ ਰਾਸ਼ਟਰਵਾਦੀ ਨੇਤਾ ਨੂੰ ਮਿਲਣ ਤੋਂ ਰੋਕਿਆ ਸੀ, ਪਰ ਜਲਦੀ ਹੀ ਇਹ ਸਮੱਸਿਆ ਹੱਲ ਹੋ ਗਈ ਅਤੇ ਦੋਵਾਂ ਦੇਸ਼ਾਂ ਦੇ ਸਬੰਧਾਂ ਦਾ ਵਿਸਤਾਰ ਹੋਇਆ ਜੋ ਹੁਣ ਤੱਕ ਸਭ ਤੋਂ ਉੱਚੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਸਿਆਸਤਦਾਨ-ਲੇਖਕ ਨੇ ਸੰਸਕਰਨ ਵਿਚ ਇਸ ਗੱਲ 'ਤੇ ਜ਼ੋਰ ਦਿੱਤਾ ਹੈ ਕਿ ਉਹ ਭਾਰਤ ਨੂੰ ਕਿੰਨਾ ਪਿਆਰ ਕਰਦੇ ਹਨ।
ਇਹ ਵੀ ਪੜ੍ਹੋ: ਪ੍ਰਵਾਸੀਆਂ ਨੂੰ ਲੈ ਕੇ ਡੋਨਾਲਡ ਟਰੰਪ ਨੇ ਦਿੱਤਾ ਵੱਡਾ ਬਿਆਨ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਰਾਮਲੀਲਾ ਮੈਦਾਨ 'ਚ ਰਾਸ਼ਟਰਪਤੀ-PM ਮੋਦੀ ਨੇ ਕੀਤਾ ਰਾਵਨ ਦਾ ਦਹਿਨ
NEXT STORY 
