ਯੂ.ਪੀ— ਇਕ ਤਰਫਾ ਪਿਆਰ 'ਚ ਯੂ.ਪੀ ਹੈਵਾਨੀਅਤ ਦੇਖਣ ਨੂੰ ਮਿਲੀ ਹੈ। ਇਕ ਪਾਗਲ ਆਸ਼ਿਕ ਨੇ ਸ਼ਰੇਆਮ ਲੜਕੀ ਨੂੰ ਤਲਵਾਰਾਂ ਨਾਲ ਕੱਟ ਦਿੱਤਾ। ਬਚਾਅ ਕਰਦੇ ਹੋਏ ਲੜਕੀ ਦਾ ਇਕ ਹੱਥ ਕੱਟ ਗਿਆ ਅਤੇ ਪਿੱਠ 'ਤੇ ਡੂੰਘੇ ਜ਼ਖਮ ਦੇ ਨਿਸ਼ਾਨ ਹਨ।
ਸਦਰ ਕੋਤਵਾਲੀ ਦੇ ਮਹੇਵਾਗੰਜ ਚੌਕੀ ਖੇਤਰ ਦੇ ਮੁੱਹਲਾ ਬਾਬੂਰਾਮ ਸਰਾਫਨਗਰ 'ਚ ਕਿਸ਼ੋਰੀ ਨੂੰ ਇਕ ਲੜਕੇ ਨੇ ਘਰ ਬੁਲਾਇਆ ਅਤੇ ਸ਼ਰੇਆਮ ਉਸ 'ਤੇ ਤਲਵਾਰ ਨਾਲ ਜਾਨਲੇਵਾ ਹਮਲਾ ਕਰ ਦਿੱਤਾ। ਕਿਸ਼ੋਰੀ ਦੇ ਖੱਬੇ ਹੱਥ ਦੀ ਕਲਾਈ ਕੱਟ ਕੇ ਵੱਖ ਹੋ ਗਈ। ਸੱਜੇ ਹੱਥ, ਸਿਰ ਅਤੇ ਪਿੱਠ 'ਤੇ ਡੂੰਘੇ ਜ਼ਖਮ ਹਨ। ਇਹ ਖੌਫਨਾਕ ਮੰਜਰ ਦੇਖ ਕੇ ਕੁਝ ਲੋਕਾਂ ਨੇ ਹਿੰਮਤ ਦਿਖਾਉਂਦੇ ਹੋਏ ਵਿਅਕਤੀ ਨੂੰ ਫੜ ਲਿਆ ਅਤੇ ਉਸ ਦੀ ਕੁੱਟਮਾਰ ਕੀਤੀ। ਗੰਭੀਰ ਰੂਪ ਨਾਲ ਜ਼ਖਮੀ ਕਿਸ਼ੋਰੀ ਨੂੰ ਜ਼ਿਲਾ ਹਸਪਤਾਲ 'ਚ ਇਲਾਜ ਦੇ ਬਾਅਦ ਲਖਨਊ ਰੈਫਰ ਕਰ ਦਿੱਤਾ ਗਿਆ ਹੈ। ਪੁਲਸ ਨੇ ਦੋਸ਼ੀ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਜ਼ਖਮੀ ਕਿਸ਼ੋਰੀ ਲੋਕਾਂ ਦੇ ਘਰਾਂ 'ਚ ਕੰਮ ਕਰਕੇ ਅੰਨ੍ਹੀ ਮਾਂ ਅਤੇ ਭਰਾ ਦਾ ਪਾਲਣ ਪੋਸ਼ਣ ਕਰਦੀ ਹੈ। ਬੁੱਧਵਾਰ ਦੀ ਸ਼ਾਮ ਨੂੰ ਉਹ 'ਤੇ ਹੀ ਸੀ। ਕਰੀਬ 4 ਵਜੇ ਗੁਆਂਢ ਦੇ ਪਿੰਫ ਫਤੇਪੁਰ ਵਾਸੀ ਰੋਹਿਤ ਚੌਰਸੀਆ ਨੇ ਉਸ ਨੂੰ ਘਰ ਤੋਂ ਬਾਹਰ ਬੁਲਾਇਆ, ਫਿਰ ਸੜਕ ਕਿਨਾਰੇ ਹੀ ਉਸ 'ਤੇ ਤਲਵਾਰ ਨਾਲ ਗਰਦਨ 'ਤੇ ਹਮਲਾ ਕਰ ਦਿੱਤਾ। ਵਾਰ ਇੰਨਾ ਜ਼ੋਰਦਾਰ ਸੀ ਕਿ ਬਚਾਅ 'ਚ ਸ਼ਿਵਾਨੀ ਦੇ ਦੋਹੇਂ ਹੱਥ ਜ਼ਖਮੀ ਹੋ ਗਏ। ਇਸ ਦੇ ਬਾਅਦ ਵਿਅਕਤੀ ਨੇ ਕਈ ਵਾਰ ਕੀਤੇ, ਜਿਸ ਨਾਲ ਹੱਥ, ਪਿੱਠ ਅਤੇ ਸਿਰ 'ਤੇ ਗੰਭੀਰ ਸੱਟਾਂ ਲੱਗੀਆਂ ਹਨ। ਵਾਰਦਾਤ ਦੇ ਸਮੇਂ ਮੌਜੂਦ ਲੋਕਾਂ ਨੇ ਦੋਸ਼ੀ ਵਿਅਕਤੀ ਨੂੰ ਦਬੋਚ ਲਿਆ ਅਤੇ ਉਸ ਦੀ ਕੁੱਟਮਾਰ ਕੀਤੀ। ਸੂਚਨਾ ਪਾ ਕੇ ਪੁਲਸ ਮੌਕੇ 'ਤੇ ਪੁੱਜੀ ਅਤੇ ਜ਼ਖਮੀ ਕਿਸ਼ੋਰੀ ਨੂੰ ਜ਼ਿਲਾ ਹਸਪਤਾਲ ਭੇਜਿਆ। ਦੋਸ਼ੀ ਰੋਹਿਤ ਨੂੰ ਗ੍ਰਿਫਤਾਰ ਕਰਕੇ ਪੁਲਸ ਕੋਤਵਾਲੀ ਲੈ ਗਈ। ਦੋਸ਼ੀ ਨੇ ਦੱਸਿਆ ਿਕ ਉਹ ਡਾਟਾ ਕੇਬਲ ਮੰਗਣ ਗਿਆਸੀ, ਜੋ ਨਾ ਦੇਣ 'ਤੇ ਕਿਸ਼ੋਰੀ 'ਤੇ ਤਲਵਾਰ ਨਾਲ ਹਮਲਾ ਕੀਤਾ ਹੈ। ਐਸ.ਪੀ ਡਾ.ਐਸ ਚੰਨੱਪਾ ਨੇ ਕਿਹਾ ਹੈ ਕਿ ਸ਼ਰੇਆਮ ਤਲਵਾਰ ਨਾਲ ਕਿਸ਼ੋਰੀ 'ਤੇ ਹਮਲਾ ਬੋਲਣ ਦੀ ਘਟਨਾ ਇਕ ਅਪਰਾਧ ਹੈ। ਦੋਸ਼ੀ 'ਤੇ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ।
ਹੁਣ ਬਿਨਾਂ 'ਆਧਾਰ ਕਾਰਡ' ਦੇ ਪ੍ਰੀਖਿਆ 'ਚ ਨਹੀਂ ਬੈਠ ਸਕਦੇ ਹਨ ਇਹ ਵਿਦਿਆਰਥੀ
NEXT STORY 
