ਇੰਟਰਨੈਸ਼ਨਲ ਡੈਸਕ- ਅਮਰੀਕੀ ਪਾਬੰਦੀਆਂ ਤੇ ਤੇਲ ਨਾਕਾਬੰਦੀ ਕਾਰਨ ਗੰਭੀਰ ਭੋਜਨ ਅਤੇ ਊਰਜਾ ਸੰਕਟ ਨਾਲ ਜੂਝ ਰਹੇ ਕਿਊਬਾ ਨੇ ਭਾਰਤ ਵੱਲ ਮਦਦ ਅਤੇ ਸਾਂਝੇਦਾਰੀ ਦਾ ਹੱਥ ਵਧਾਇਆ ਹੈ। ਭਾਰਤ 'ਚ ਕਿਊਬਾ ਦੇ ਰਾਜਦੂਤ ਹੁਆਨ ਕਾਰਲੋਸ ਮਾਰਸਾਨ ਅਗੁਈਲੇਰਾ ਨੇ ਇੱਕ ਇੰਟਰਵਿਊ ਦੌਰਾਨ ਕਿਹਾ ਕਿ ਕਿਊਬਾ ਭਾਰਤੀ ਕੰਪਨੀਆਂ ਨੂੰ ਖੇਤੀਬਾੜੀ ਲਈ ਜ਼ਮੀਨ ਮੁਹੱਈਆ ਕਰਵਾਉਣ ਲਈ ਤਿਆਰ ਹੈ, ਤਾਂ ਜੋ ਉੱਥੇ ਮਿਲ ਕੇ ਅਨਾਜ ਦਾ ਉਤਪਾਦਨ ਕੀਤਾ ਜਾ ਸਕੇ।
ਕਿਊਬਾ ਦੇ ਰਾਜਦੂਤ ਨੇ ਕਿਹਾ ਕਿ ਜੇਕਰ ਕਿਊਬਾ ਕੋਲ ਭਾਰਤ ਤੋਂ ਖਾਣ-ਪੀਣ ਵਾਲੀਆਂ ਵਸਤੂਆਂ ਖ਼ਰੀਦਣ ਲਈ ਵਿੱਤੀ ਸਮਰੱਥਾ ਘੱਟ ਹੈ, ਤਾਂ ਦੋਵੇਂ ਦੇਸ਼ ਸਾਂਝੇ ਉਤਪਾਦਨ ਦਾ ਰਸਤਾ ਅਪਣਾ ਸਕਦੇ ਹਨ। ਕਿਊਬਾ ਭਾਰਤੀ ਕੰਪਨੀਆਂ ਨੂੰ ਚੌਲ, ਦਾਲਾਂ ਅਤੇ ਗੰਨੇ ਦੀ ਖੇਤੀ ਲਈ ਜ਼ਮੀਨ ਦੇਣ ਦੀ ਪੇਸ਼ਕਸ਼ ਕਰ ਰਿਹਾ ਹੈ। ਇਸ ਨਾਲ ਤਿਆਰ ਫ਼ਸਲ ਦੀ ਵਰਤੋਂ ਕਿਊਬਾ ਦੀਆਂ ਲੋੜਾਂ ਪੂਰੀਆਂ ਕਰਨ ਦੇ ਨਾਲ-ਨਾਲ ਹੋਰਾਂ ਦੇਸ਼ਾਂ ਨੂੰ ਨਿਰਯਾਤ ਕਰਨ ਲਈ ਵੀ ਕੀਤੀ ਜਾ ਸਕਦੀ ਹੈ।
ਜ਼ਿਕਰਯੋਗ ਹੈ ਕਿ ਜਨਵਰੀ 2026 'ਚ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੁਆਰਾ ਲਗਾਈਆਂ ਗਈਆਂ ਨਵੀਆਂ ਪਾਬੰਦੀਆਂ ਤੋਂ ਬਾਅਦ ਵੈਨੇਜ਼ੁਏਲਾ ਅਤੇ ਮੈਕਸੀਕੋ ਤੋਂ ਕਿਊਬਾ ਨੂੰ ਹੋਣ ਵਾਲੀ ਤੇਲ ਦੀ ਸਪਲਾਈ ਬੰਦ ਹੋ ਗਈ ਹੈ। ਸੰਯੁਕਤ ਰਾਸ਼ਟਰ ਮਹਾਸਭਾ (UNGA) ਦੇ 81ਵੇਂ ਸੈਸ਼ਨ ਦੌਰਾਨ ਟਰੰਪ ਨੇ ਕਿਊਬਾ ਨੂੰ ਇੱਕ ਨਾਕਾਮ ਦੇਸ਼ ਕਰਾਰ ਦਿੱਤਾ ਸੀ। ਰਾਜਦੂਤ ਅਗੁਈਲੇਰਾ ਅਨੁਸਾਰ, ਪਾਬੰਦੀਆਂ ਤੋਂ ਪਹਿਲਾਂ ਕਿਊਬਾ ਵਿੱਚ ਨਵਜੰਮੇ ਬੱਚਿਆਂ ਦੀ ਮੌਤ ਦਰ ਪ੍ਰਤੀ 100 ਜਨਮਾਂ 'ਤੇ 4 ਸੀ, ਜੋ ਹੁਣ ਵਧ ਕੇ 10 ਤੱਕ ਪਹੁੰਚ ਗਈ ਹੈ। ਦਵਾਈਆਂ ਅਤੇ ਡਾਕਟਰੀ ਉਪਕਰਣਾਂ ਦੀ ਘਾਟ ਕਾਰਨ ਲੋਕ ਜਾਨਾਂ ਗੁਆ ਰਹੇ ਹਨ।
ਇਹ ਵੀ ਪੜ੍ਹੋ- 'ਨਮਾਜ਼ ਪੜ੍ਹਨ ਦੇ ਬਹਾਨੇ ਉੱਠਿਆ ਤੇ..!' 174 ਲੋਕਾਂ ਦੀ ਜਾਨ ਬਚਾਉਣ ਵਾਲੇ ਸਮਿਤ ਮਛਾਰ ਨੇ ਕੀਤੇ ਸਨਸਨੀਖੇਜ਼ ਖੁਲਾਸੇ
ਕਿਊਬਾ, ਜੋ ਕਿ ਪਹਿਲਾਂ ਆਪਣੀਆਂ 80 ਫ਼ੀਸਦੀ ਤੋਂ ਵੱਧ ਊਰਜਾ ਲੋੜਾਂ ਲਈ ਦਰਾਮਦ ਕੀਤੇ ਤੇਲ 'ਤੇ ਨਿਰਭਰ ਸੀ, ਹੁਣ 2030 ਤੱਕ ਆਪਣੀ 30 ਫ਼ੀਸਦੀ ਊਰਜਾ ਗ੍ਰੀਨ ਐਨਰਜੀ ਤੋਂ ਪ੍ਰਾਪਤ ਕਰਨ ਦਾ ਟੀਚਾ ਰੱਖ ਰਿਹਾ ਹੈ। ਕਿਊਬਾ 'ਇੰਟਰਨੈਸ਼ਨਲ ਸੋਲਰ ਅਲਾਇੰਸ' ਦਾ ਮੈਂਬਰ ਹੈ। ਭਾਰਤੀ ਕੰਪਨੀ NTPC ਲਿਮਟਿਡ ਵੀ ਕਿਊਬਾ ਵਿੱਚ 900 ਮੈਗਾਵਾਟ ਦੇ ਸੋਲਰ ਪ੍ਰੋਜੈਕਟਾਂ 'ਤੇ ਕੰਮ ਕਰ ਰਹੀ ਹੈ। ਕਿਊਬਾ ਹੁਣ ਭਾਰਤ ਤੋਂ ਸੂਰਜੀ, ਪੌਣ ਅਤੇ ਹਾਈਡ੍ਰੋਜਨ ਊਰਜਾ ਦੇ ਖੇਤਰ ਵਿੱਚ ਵਧੇਰੇ ਨਿਵੇਸ਼ ਦੀ ਮੰਗ ਕਰ ਰਿਹਾ ਹੈ।
ਵਿੱਤੀ ਸਾਲ 2025-26 'ਚ ਭਾਰਤ ਅਤੇ ਕਿਊਬਾ ਵਿਚਾਲੇ ਦੁਵੱਲਾ ਵਪਾਰ 31 ਫ਼ੀਸਦੀ ਵਧ ਕੇ 24.31 ਮਿਲੀਅਨ ਡਾਲਰ ਤੱਕ ਪਹੁੰਚ ਗਿਆ ਹੈ, ਜੋ ਕਿ ਪਿਛਲੇ ਸਾਲ 18.46 ਮਿਲੀਅਨ ਡਾਲਰ ਸੀ। ਮਾਹਿਰਾਂ ਅਨੁਸਾਰ, ਅਮਰੀਕੀ ਨਾਕਾਬੰਦੀ ਦੇ ਵਿਚਕਾਰ ਭਾਰਤ ਨਾਲ ਇਹ ਸਾਂਝੇਦਾਰੀ ਦੋਵਾਂ ਦੇਸ਼ਾਂ ਲਈ ਨਵੇਂ ਰਾਹ ਖੋਲ੍ਹ ਸਕਦੀ ਹੈ ਅਤੇ 'ਗਲੋਬਲ ਸਾਊਥ' 'ਚ ਭਾਰਤ ਦੇ ਕੂਟਨੀਤਕ ਪ੍ਰਭਾਵ ਨੂੰ ਹੋਰ ਮਜ਼ਬੂਤ ਕਰੇਗੀ।
ਇਹ ਵੀ ਪੜ੍ਹੋ- ਹੁਣ ਫਰਾਂਸ ਦੀਆਂ ਸੜਕਾਂ 'ਤੇ ਉਤਰੇ GenZ ! ਪ੍ਰਦਰਸ਼ਨਕਾਰੀਆਂ ਨੇ ਕਈ ਥਾਂਂਈਂ ਲਾਈ ਅੱਗ, ਸਕੂਲ ਵੀ ਬੰਦ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਸੂਬੇ 'ਚ ਅਗਲੇ 3 ਸਾਲਾਂ 'ਚ ਨਹੀਂ ਖੁੱਲ੍ਹੇਗਾ ਇਕ ਵੀ ਠੇਕਾ ! CM ਮੋਹਨ ਯਾਦਵ ਨੇ ਕੀਤਾ ਵੱਡਾ ਐਲਾਨ
NEXT STORY 
