ਨੈਸ਼ਨਲ ਡੈਸਕ- ਉੱਤਰ ਪ੍ਰਦੇਸ਼ ਦੇ ਕਾਨਪੁਰ ਤੋਂ ਇਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇੱਥੇ 12ਵੀਂ ਕਲਾਸ 'ਚ ਪੜ੍ਹਦੇ ਇਕ ਮੁੰਡੇ ਆਪਣੀ ਮਾਂ ਦਾ ਕਤਲ ਕਰ ਦਿੱਤਾ। ਮੁੰਡੇ ਨੇ ਮਾਂ ਨੂੰ ਮੌਤ ਦੇ ਘਾਟ ਉਤਾਰਨ ਤੋਂ ਬਾਅਦ ਉਸ ਦੀ ਲਾਸ਼ ਨੂੰ ਘਰ ਦੇ ਬੈੱਡ 'ਚ ਲੁਕਾ ਦਿੱਤਾ। ਘਟਨਾ ਦਾ ਖ਼ੁਲਾਸਾ ਛੋਟੇ ਬੇਟੇ ਦੇ ਸਕੂਲ ਤੋਂ ਘਰ ਆਉਣ 'ਤੇ ਹੋਇਆ। ਜਾਣਕਾਰੀ ਅਨੁਸਾਰ ਔਰਤ ਉਰਮਿਲਾ ਰਾਜਪੂਤ ਨੂੰ ਪੁਲਸ ਨੇ ਜਦੋਂ ਬੈੱਡ 'ਚੋਂ ਕੱਢਿਆ, ਉਦੋਂ ਉਸ ਦੇ ਸਾਹ ਚੱਲ ਰਹੇ ਸਨ ਪਰ ਹਸਪਤਾਲ ਪਹੁੰਚਣ ਤੱਕ ਉਸ ਦੀ ਮੌਤ ਹੋ ਗਈ।
ਛੋਟੇ ਬੇਟੇ ਨੇ ਮਾਮਾ ਤੇ ਪੁਲਸ ਨੂੰ ਦਿੱਤੀ ਸੂਚਨਾ
ਜਾਣਕਾਰੀ ਅਨੁਸਾਰ ਕਾਨਪੁਰ 'ਚ ਵੱਡੇ ਬੇਟੇ ਨੇ ਮਾਂ ਦਾ ਚੁੰਨੀ ਨਾਲ ਗਲ਼ਾ ਘੁੱਟ ਕੇ ਕਤਲ ਕਰ ਦਿੱਤਾ। ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਮਰਿਆ ਹੋਇਆ ਸਮਝ ਕੇ ਲਾਸ਼ ਬੈੱਡ 'ਚ ਲੁਕਾ ਦਿੱਤੀ। ਛੋਟਾ ਬੇਟਾ ਸਕੂਲ ਤੋਂ ਆਇਆ ਤਾਂ ਉਸ ਨੇ ਵੱਡੇ ਭਰਾ ਤੋਂ ਪੁੱਛਿਆ ਕਿ ਮਾਂ ਕਿੱਥੇ ਹੈ। ਵੱਡੇ ਭਰਾ ਕੁਝ ਨਹੀਂ ਬੋਲਿਆ। ਉੱਥੇ ਹੀ ਛੋਟਾ ਭਰਾ ਕਾਫ਼ੀ ਦੇਰ ਤੱਕ ਮਾਂ ਨੂੰ ਲੱਭਦਾ ਰਿਹਾ। ਜਦੋਂ ਉਹ ਕਮਰੇ 'ਚ ਪਹੁੰਚਿਆ ਤਾਂ ਬੈੱਡ 'ਚੋਂ ਚੁੰਨੀ ਬਾਹਰ ਨਿਕਲੀ ਦੇਖੀ, ਉਸ ਨੇ ਬੈੱਡ ਖੋਲ੍ਹਿਆ ਤਾਂ ਦੇਖਿਆ ਕਿ ਮਾਂ ਬੇਹੋਸ਼ ਪਈ ਹੈ। ਇਸ ਤੋਂ ਬਾਅਦ ਛੋਟੇ ਬੇਟੇ ਨੇ ਘਟਨਾ ਦੀ ਸੂਚਨਾ ਮਾਮਾ ਅਤੇ ਪੁਲਸ ਨੂੰ ਦਿੱਤੀ।
ਲਿਵ ਇਨ ਰਿਲੇਸ਼ਨਸ਼ਿਪ 'ਚ ਰਹਿ ਰਹੀ ਸੀ ਉਰਮਿਲਾ
ਪੁਲਸ ਜਦੋਂ ਹਾਦਸੇ ਵਾਲੀ ਜਗ੍ਹਾ ਪਹੁੰਚੀ ਤਾਂ ਉਸ ਨੇ ਦੇਖਿਆ ਕਿ ਔਰਤ ਦੇ ਸਾਹ ਚੱਲ ਰਹੇ ਸਨ। ਪੁਲਸ ਨੇ ਔਰਤ ਨੂੰ ਤੁਰੰਤ ਹਸਪਤਾਲ 'ਚ ਦਾਖ਼ਲ ਕਰਵਾਇਆ। ਇਲਾਜ ਦੌਰਾਨ ਔਰਤ ਦੀ ਮੌਤ ਹੋ ਗਈ। ਕਾਨਪੁਰ ਪੁਲਸ ਨੇ 12ਵੀਂ ਜਮਾਤ 'ਚ ਪੜ੍ਹਨ ਵਾਲੇ ਪੁੱਤ ਨੂੰ ਹਿਰਾਸਤ 'ਚ ਲਿਆ ਹੈ। ਰਾਵਤਪੁਰ ਥਾਣਾ ਖੇਤਰ ਸਥਿਤ ਗੁਪਤਾ ਕਾਲੋਨੀ 'ਚ ਰਹਿਣ ਵਾਲੀ ਉਰਮਿਲਾ ਕਟਿਆਰ (35) ਰਣਜੀਤ ਸਚਾਨ ਨਾਲ ਪਿਛਲੇ ਕਈ ਸਾਲਾਂ ਤੋਂ ਲਿਵ ਇਨ ਰਿਲੇਸ਼ਨਸ਼ਿਪ 'ਚ ਰਹਿ ਰਹੀ ਸੀ। ਉਰਮਿਲਾ ਦੇ ਪਤੀ ਜਗਦੀਸ਼ ਕਟਿਆਰ ਦੀ 18 ਸਾਲ ਪਹਿਲਾਂ ਮੌਤ ਹੋ ਗਈ ਸੀ। ਇਸ ਦੇ ਬਾਅਦ ਤੋਂ ਉਰਮੀਲਾ 17 ਸਾਲਾਂ ਤੋਂ ਰਣਜੀਤ ਨਾਲ ਰਹਿ ਰਹੀ ਸੀ, ਉਨ੍ਹਾਂ ਦੇ 2 ਨਾਬਾਲਗ ਪੁੱਤ ਹਨ। ਵੱਡਾ ਬੇਟਾ 17 ਸਾਲ ਦਾ ਹੈ, ਜੋ 12ਵੀਂ ਦਾ ਵਿਦਿਆਰਥੀ ਹੈ ਅਤੇ ਛੋਟਾ ਬੇਟਾ 15 ਸਾਲ ਦਾ ਹੈ। ਮੰਗਲਵਾਰ ਨੂੰ ਪੁਲਸ ਨੂੰ ਔਰਤ ਦੀ ਮੌਤ ਦੀ ਸੂਚਨਾ ਮਿਲੀ ਸੀ। ਜਦੋਂ ਪੁਲਸ ਪਹੁੰਚੀ ਤਾਂ ਖੇਤਰ 'ਚ ਸਨਸਨੀ ਫੈਲ ਗਈ। ਰਣਜੀਤ ਮਾਰਕੀਟਿੰਗ ਦਾ ਕੰਮ ਕਰਦਾ ਹੈ, ਜਿਸ ਕਾਰਨ ਜ਼ਿਆਦਾਤਰ ਸਮੇਂ ਬਾਹਰ ਰਹਿੰਦਾ ਹੈ।
ਭਾਂਡੇ ਸਾਫ਼ ਕਰਨ ਨੂੰ ਲੈ ਕੇ ਹੋਇਆ ਸੀ ਵਿਵਾਦ
ਛੋਟੇ ਪੁੱਤ ਨੇ ਦੱਸਿਆ ਕਿ ਮੰਗਲਵਾਰ ਸਵੇਰੇ ਸਕੂਲ ਗਿਆ ਸੀ ਅਤੇ ਵੱਡਾ ਭਰਾ ਸਕੂਲ ਨਹੀਂ ਗਿਆ ਸੀ। ਮੇਰੀ ਡਿਊਟੀ ਸਵੇਰੇ ਭਾਂਡੇ ਸਾਫ਼ ਕਰਨ ਦੀ ਸੀ। ਉੱਥੇ ਹੀ ਵੱਡੇ ਭਰਾ ਦਾ ਕੰਮ ਝਾੜੂ ਲਗਾਉਣਾ ਸੀ। ਮੈਂ ਲੇਟ ਹੋ ਰਿਹਾ ਸੀ, ਇਸ ਲਈ ਬਿਨਾਂ ਭਾਂਡੇ ਸਾਫ਼ ਕੀਤੇ ਹੀ ਸਕੂਲ ਚਲਾ ਗਿਆ ਸੀ। ਇਸ 'ਤੇ ਮਾਂ ਨੇ ਵੱਡੇ ਭਰਾ ਨੂੰ ਕਿਹਾ ਕਿ ਉਹ ਭਾਂਡੇ ਸਾਫ਼ ਕਰ ਦੇਵੇ। ਇਸ ਗੱਲ 'ਤੇ ਦੋਵਾਂ ਵਿਚਾਲੇ ਝਗੜਾ ਹੋ ਗਿਆ ਅਤੇ ਵੱਡੇ ਨੇ ਮਾਂ ਦਾ ਚੁੰਨੀ ਨਾਲ ਗੱਲ ਘੁੱਟ ਦਿੱਤਾ। ਇਸ ਤੋਂ ਬਾਅਦ ਮਾਂ ਦੀ ਲਾਸ਼ ਬੈੱਡ 'ਚ ਲੁਕਾ ਦਿੱਤੀ। ਮੈਂ ਮਾਂ ਨੂੰ ਬੈੱਡ 'ਚੋਂ ਬਾਹਰ ਕੱਢਿਆ ਅਤੇ ਮਾਮਾ ਨੰਦ ਕਿਸ਼ੋਰ ਤੇ ਪੁਲਸ ਨੂੰ ਸੂਚਨਾ ਦਿੱਤੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Honeymoon Case: ਰਾਜਾ ਰਘੂਵੰਸ਼ੀ ਮਾਮਲੇ 'ਚ ਸੋਨਮ ਦਾ ਇਕ ਹੋਰ ਹੈਰਾਨੀਜਨਕ ਖ਼ੁਲਾਸਾ, ਕੰਬ ਜਾਵੇਗੀ ਰੂਹ
NEXT STORY 
