ਨੈਸ਼ਨਲ ਡੈਸਕ- ਸੁਕੰਨਿਆ ਸਮ੍ਰਿਧੀ ਯੋਜਨਾ ਭਾਰਤ ਸਰਕਾਰ ਵਲੋਂ ਸੰਚਾਲਿਤ ਇਕ ਯੋਜਨਾ ਹੈ, ਜੋ ਕਿ ਧੀਆਂ ਦੇ ਭਵਿੱਖ ਨੂੰ ਸੰਵਾਰਣ ਅਤੇ ਆਰਥਿਕ ਰੂਪ ਨਾਲ ਮਜ਼ਬੂਤ ਬਣਾਉਣ ਲਈ ਹੈ। ਨਰਾਤਿਆਂ ਮੌਕੇ ਇਸ ਯੋਜਨਾ ਤਹਿਤ ਕੁਝ ਨਵੇਂ ਬਦਲਾਅ ਕੀਤੇ ਗਏ ਹਨ। ਹੁਣ ਧੀਆਂ ਲਈ ਇਸ ਯੋਜਨਾ ਤਹਿਤ ਖ਼ਾਤਾ ਖੋਲ੍ਹਣਾ ਹੋਰ ਵੀ ਆਸਾਨ ਹੋ ਗਿਆ ਹੈ। ਇਹ ਯੋਜਨਾ ਡਾਕਖ਼ਾਨੇ ਦੀ ਕਿਸੇ ਵੀ ਬਰਾਂਚ 'ਚ ਖੋਲ੍ਹੀ ਜਾ ਸਕਦੀ ਹੈ। ਤੁਸੀਂ 250 ਰੁਪਏ ਮਹੀਨਾ ਤੋਂ ਇਸ ਯੋਜਨਾ ਨੂੰ ਸ਼ੁਰੂ ਕਰ ਸਕਦੇ ਹੋ।
ਸੁਕੰਨਿਆ ਸਮ੍ਰਿਧੀ ਯੋਜਨਾ ਤਹਿਤ ਡਾਕ ਵਿਭਾਗ ਹੁਣ ਧੀਆਂ ਦੇ ਭਵਿੱਖ ਨੂੰ ਸੰਵਾਰਣ ਲਈ ਸੁਕੰਨਿਆ ਸਮ੍ਰਿਧੀ ਯੋਜਨਾ ਤਹਿਤ ਖ਼ਾਤਾ ਖੋਲ੍ਹਣ ਦੀ ਪ੍ਰਕਿਰਿਆ ਨੂੰ ਹੋਰ ਆਸਾਨ ਬਣਾ ਰਿਹਾ ਹੈ। ਇਸ ਮੁਹਿੰਮ ਤਹਿਤ ਹੁਣ ਸਿਰਫ਼ 250 ਦੀ ਮਾਮੂਲੀ ਰਾਸ਼ੀ ਨਾਲ ਧੀਆਂ ਦੇ ਸੁਨਹਿਰੀ ਭਵਿੱਖ ਲਈ ਸੁਰੱਖਿਅਤ ਨਿਵੇਸ਼ ਦੀ ਸ਼ੁਰੂਆਤ ਕੀਤੀ ਜਾ ਸਕਦੀ ਹੈ।
ਸੁਕੰਨਿਆ ਸਮਰਿਧੀ ਖਾਤਾ ਕਿਵੇਂ ਖੋਲ੍ਹਿਆ ਜਾਵੇ
ਸੁਕੰਨਿਆ ਸਮ੍ਰਿਧੀ ਯੋਜਨਾ ਤਹਿਤ ਖਾਤਾ ਖੋਲ੍ਹਣ ਲਈ ਕੁੜੀ ਦੇ ਜਨਮ ਸਰਟੀਫਿਕੇਟ, ਆਧਾਰ ਕਾਰਡ, ਪੈਨ ਕਾਰਡ ਅਤੇ ਕੁਝ ਫੋਟੋਆਂ ਦੇ ਨਾਲ ਨਜ਼ਦੀਕੀ ਡਾਕਖਾਨੇ ਨਾਲ ਸੰਪਰਕ ਕਰਨਾ ਹੋਵੇਗਾ। ਇਸ ਯੋਜਨਾ ਤਹਿਤ 10 ਸਾਲ ਤੱਕ ਦੀਆਂ ਕੁੜੀਆਂ ਲਈ ਖਾਤਾ ਖੋਲ੍ਹਿਆ ਜਾ ਸਕਦਾ ਹੈ ਅਤੇ 250 ਰੁਪਏ ਤੋਂ 1.5 ਲੱਖ ਰੁਪਏ ਜਮ੍ਹਾ ਕੀਤੇ ਜਾ ਸਕਦੇ ਹਨ।
ਸੁਕੰਨਿਆ ਸਮ੍ਰਿਧੀ ਯੋਜਨਾ ਕੈਲਕੁਲੇਟਰ
ਮੰਨ ਲਓ ਤੁਹਾਡੀ ਧੀ 4 ਸਾਲ ਦੀ ਹੈ ਅਤੇ ਤੁਸੀਂ 15 ਸਾਲਾਂ ਲਈ ਹਰ ਮਹੀਨੇ 10,000 ਰੁਪਏ ਦਾ ਨਿਵੇਸ਼ ਕਰਦੇ ਹੋ, ਤਾਂ ਇਸ ਯੋਜਨਾ ਤਹਿਤ ਤੁਹਾਨੂੰ ਹਰ ਸਾਲ 1,20,000 ਰੁਪਏ ਜਮ੍ਹਾ ਕਰਵਾਉਣੇ ਪੈਣਗੇ। ਜਦੋਂ ਤੁਹਾਡੀ ਧੀ 19 ਸਾਲ ਦੀ ਹੋ ਜਾਵੇਗੀ, ਤੁਹਾਡਾ ਨਿਵੇਸ਼ ਪਰਿਪੱਕ ਹੋ ਜਾਵੇਗਾ। 8 ਫ਼ੀਸਦੀ ਸਾਲਾਨਾ ਵਿਆਜ ਦਰ ਨਾਲ ਤੁਸੀਂ ਮਿਆਦ ਪੂਰੀ ਹੋਣ 'ਤੇ ਲਗਭਗ 56 ਲੱਖ ਰੁਪਏ ਪ੍ਰਾਪਤ ਕਰ ਸਕਦੇ ਹੋ। ਇਹ ਕੈਲਕੁਲੇਟਰ ਸੁਕੰਨਿਆ ਸਮ੍ਰਿਧੀ ਯੋਜਨਾ ਵਿਚ ਮਿਲਣ ਵਾਲੇ ਵਿਆਜ ਦਰ ਅਤੇ ਨਿਵੇਸ਼ ਦੇ ਸਮੇਂ ਦੇ ਆਧਾਰ 'ਤੇ ਹੈ।
ਵਿਦਿਆਰਥੀਆਂ ਦੇ ਪ੍ਰਦਰਸ਼ਨ ਤੋਂ ਬਾਅਦ ਵੀ ਨਹੀਂ ਰੁਕੀ ਸਰਕਾਰ ! 400 ਏਕੜ ਜੰਗਲ ਕਰ'ਤਾ 'ਸਾਫ਼'
NEXT STORY 
