ਨੈਸ਼ਨਲ ਡੈਸਕ - ਸੈਂਟਰਲ ਬੋਰਡ ਆਫ਼ ਸੈਕੰਡਰੀ ਐਜੂਕੇਸ਼ਨ (CBSE) ਦੇ 10ਵੀਂ ਅਤੇ 12ਵੀਂ ਜਮਾਤ ਦੇ ਬੋਰਡ ਪ੍ਰੀਖਿਆ ਨਤੀਜੇ 2025 ਦਾ ਐਲਾਨ ਇਸ ਹਫ਼ਤੇ ਹੋਣ ਦੀ ਉਮੀਦ ਹੈ। ਇਹ ਲੱਖਾਂ ਵਿਦਿਆਰਥੀਆਂ ਲਈ ਇੱਕ ਮਹੱਤਵਪੂਰਨ ਪਲ ਹੈ ਅਤੇ ਉਹ ਹੁਣ ਆਪਣੀ ਮਿਹਨਤ ਦਾ ਨਤੀਜਾ ਜਾਣਨ ਲਈ ਉਤਸੁਕਤਾ ਨਾਲ ਉਡੀਕ ਕਰ ਰਹੇ ਹਨ। ਨਤੀਜਾ ਐਲਾਨ ਹੋਣ ਤੋਂ ਬਾਅਦ, ਵਿਦਿਆਰਥੀ ਆਪਣੇ ਪ੍ਰੀਖਿਆ ਰੋਲ ਨੰਬਰ ਅਤੇ ਜਨਮ ਮਿਤੀ ਦੀ ਵਰਤੋਂ ਕਰਕੇ CBSE ਦੀ ਅਧਿਕਾਰਤ ਵੈੱਬਸਾਈਟ, cbse.gov.in 'ਤੇ ਆਪਣਾ ਨਤੀਜਾ ਦੇਖ ਸਕਦੇ ਹਨ।
ਕਿਹੜੀ ਹੈ ਰਿਜ਼ਲਟ ਦੀ ਮਿਤੀ?
ਪਿਛਲੇ ਸਾਲ, cbse ਵੱਲੋਂ 10ਵੀਂ ਅਤੇ 12ਵੀਂ ਜਮਾਤ ਦੇ ਨਤੀਜੇ 13 ਮਈ ਨੂੰ ਐਲਾਨੇ ਗਏ ਸਨ। ਅਜਿਹੀ ਸਥਿਤੀ ’ਚ, ਆਸ ਕੀਤੀ ਜਾ ਰਹੀ ਹੈ ਕਿ ਇਸ ਵਾਰ ਵੀ ਬੋਰਡ ਅਗਲੇ ਦੋ-ਤਿੰਨ ਦਿਨਾਂ ’ਚ ਨਤੀਜਾ ਜਾਰੀ ਕਰ ਸਕਦਾ ਹੈ। ਵਿਦਿਆਰਥੀਆਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਆਪਣਾ ਐਡਮਿਟ ਕਾਰਡ ਤਿਆਰ ਰੱਖਣ ਕਿਉਂਕਿ ਇਹ ਨਤੀਜਾ ਡਾਊਨਲੋਡ ਕਰਨ ’ਚ ਮਦਦਗਾਰ ਹੋਵੇਗਾ।
ਸੀਬੀਐਸਈ ਨੇ ਪਾਰਦਰਸ਼ਤਾ ਨੂੰ ਉਤਸ਼ਾਹਿਤ ਕਰਨ ਲਈ ਕਈ ਨਵੀਆਂ ਪ੍ਰਕਿਰਿਆਵਾਂ ਸ਼ੁਰੂ ਕੀਤੀਆਂ ਹਨ। ਹੁਣ ਵਿਦਿਆਰਥੀ ਆਪਣੀ ਮੁਲਾਂਕਣ ਕੀਤੀ ਉੱਤਰ ਪੱਤਰੀ ਦੀ ਫੋਟੋਕਾਪੀ ਲਈ ਅਰਜ਼ੀ ਦੇ ਸਕਦੇ ਹਨ। ਇਹ ਕਦਮ ਖਾਸ ਤੌਰ 'ਤੇ ਉਨ੍ਹਾਂ ਵਿਦਿਆਰਥੀਆਂ ਲਈ ਹੈ ਜੋ ਅੰਕਾਂ ਦੀ ਤਸਦੀਕ ਜਾਂ ਮੁੜ-ਮੁਲਾਂਕਣ ਦੀ ਪ੍ਰਕਿਰਿਆ ’ਚੋਂ ਗੁਜ਼ਰਨਾ ਚਾਹੁੰਦੇ ਹਨ, ਤਾਂ ਜੋ ਨਤੀਜੇ ਤੋਂ ਬਾਅਦ ਦੀ ਪ੍ਰਕਿਰਿਆ ’ਚ ਪਾਰਦਰਸ਼ਤਾ ਬਣਾਈ ਰੱਖੀ ਜਾ ਸਕੇ।
ਮਹੱਤਵਪੂਰਨ ਅਪਡੇਟਸ :-
ਫੇਲ ਹੋਣ ਵਾਲੇ ਵਿਦਿਆਰਥੀਆਂ ਲਈ ਹੁਕਮ
- ਜੇਕਰ 12ਵੀਂ ਜਮਾਤ ਦਾ ਵਿਦਿਆਰਥੀ ਦੋ ਤੋਂ ਵੱਧ ਵਿਸ਼ਿਆਂ ’ਚ ਫੇਲ ਹੋ ਜਾਂਦਾ ਹੈ, ਤਾਂ ਉਸਨੂੰ ਕੰਪਾਰਟਮੈਂਟ ਪ੍ਰੀਖਿਆ ’ਚ ਬੈਠਣ ਦਾ ਮੌਕਾ ਨਹੀਂ ਮਿਲੇਗਾ ਅਤੇ ਉਸ ਨੂੰ ਆਪਣੀ ਕਲਾਸ ਦੁਹਰਾਉਣੀ ਪਵੇਗੀ।
ਪ੍ਰੈਕਟੀਕਲ ਪ੍ਰੀਖਿਆ ਦੀ ਅਹਿਮੀਅਤ
- 12ਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਵੱਖਰੇ ਤੌਰ 'ਤੇ ਪ੍ਰੈਕਟੀਕਲ ਪ੍ਰੀਖਿਆ ਪਾਸ ਕਰਨ ਦੀ ਲੋੜ ਹੋਵੇਗੀ। ਜੇਕਰ ਪ੍ਰੈਕਟੀਕਲ ’ਚ ਅੰਕ ਘੱਟ ਹਨ, ਤਾਂ ਸਿਰਫ਼ ਥਿਊਰੀ ’ਚ 33% ਅੰਕ ਪ੍ਰਾਪਤ ਕਰਨ ਦਾ ਕੋਈ ਫਾਇਦਾ ਨਹੀਂ ਹੋਵੇਗਾ।
ਮੌਜੂਦਾ ਸਾਲ ’ਚ ਪ੍ਰੀਖਿਆਵਾਂ ਦੀ ਸਖਤੀ
- ਸੀਬੀਐਸਈ ਨੇ ਇਹ ਯਕੀਨੀ ਬਣਾਇਆ ਕਿ ਪ੍ਰੀਖਿਆ 2025 ’ਚ ਕਰਵਾਈ ਜਾਵੇ, 26 ਦੇਸ਼ਾਂ ਅਤੇ 7,842 ਕੇਂਦਰਾਂ ’ਚ ਪ੍ਰੀਖਿਆ 'ਤੇ ਸਖ਼ਤ ਨਜ਼ਰ ਰੱਖੀ ਜਾਵੇ, ਜਿਸ ਨਾਲ ਇਹ ਦੁਨੀਆ ਦੇ ਸਭ ਤੋਂ ਵੱਡੇ ਸਿੱਖਿਆ ਬੋਰਡਾਂ ’ਚੋਂ ਇਕ ਬਣ ਗਿਆ।
ਮਾਰਕਸ ਵੈਰੀਫਿਕੇਸ਼ਨਜ਼ ਲਈ ਅਰਜ਼ੀਆਂ
- ਜੇਕਰ ਵਿਦਿਆਰਥੀਆਂ ਨੂੰ ਆਪਣੇ ਅੰਕਾਂ ਬਾਰੇ ਕੋਈ ਸ਼ੱਕ ਹੈ, ਤਾਂ ਉਹ ਅਰਜ਼ੀ ਦੇ ਸਕਦੇ ਹਨ ਅਤੇ ਆਪਣੀ ਉੱਤਰ ਪੱਤਰੀ ਦੀ ਫੋਟੋਕਾਪੀ ਪ੍ਰਾਪਤ ਕਰ ਸਕਦੇ ਹਨ। ਇਸ ਤੋਂ ਬਾਅਦ, ਉਹ ਤਸਦੀਕ ਲਈ ਬੇਨਤੀ ਕਰ ਸਕਦੇ ਹਨ।
DigiLocker ਤੋਂ ਕਰੋ ਰਿਜ਼ਲਟ ਡਾਊਨਲੋਡ
- ਨਤੀਜਾ ਐਲਾਨ ਹੋਣ ਤੋਂ ਬਾਅਦ, ਵਿਦਿਆਰਥੀ ਡਿਜੀਲਾਕਰ ਰਾਹੀਂ ਆਪਣਾ ਨਤੀਜਾ ਆਸਾਨੀ ਨਾਲ ਡਾਊਨਲੋਡ ਕਰ ਸਕਦੇ ਹਨ। ਇਸ ’ਚ, ਉਨ੍ਹਾਂ ਨੂੰ ਆਪਣੇ ਆਧਾਰ ਨੰਬਰ ਜਾਂ ਮੋਬਾਈਲ ਨੰਬਰ ਨਾਲ ਲੌਗਇਨ ਕਰਨਾ ਪਵੇਗਾ ਅਤੇ ਤੁਰੰਤ ਆਪਣੀ ਮਾਰਕਸ਼ੀਟ ਪ੍ਰਾਪਤ ਕਰ ਸਕਦੇ ਹਨ।
ਕੀ ਹੋਵੇਗਾ ਇਸ ਸਾਲ ਦੇ ਰਿਜ਼ਲਟ ਦਾ ਟ੍ਰੈਂਡ?
ਪਿਛਲੇ ਸਾਲ, 12ਵੀਂ ਜਮਾਤ ਦੀ ਪਾਸ ਪ੍ਰਤੀਸ਼ਤਤਾ 87.98% ਸੀ ਅਤੇ ਇਸ ਵਾਰ ਵੀ ਇਸੇ ਤਰ੍ਹਾਂ ਦੇ ਨਤੀਜੇ ਆਉਣ ਦੀ ਉਮੀਦ ਹੈ। ਚੰਗਾ ਪ੍ਰਦਰਸ਼ਨ ਖਾਸ ਕਰਕੇ ਤ੍ਰਿਵੇਂਦਰਮ ਅਤੇ ਦਿੱਲੀ ਵਰਗੇ ਖੇਤਰਾਂ ’ਚ ਦੇਖਿਆ ਜਾ ਸਕਦਾ ਹੈ। ਬੋਰਡ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਪ੍ਰੀਖਿਆ ਦਾ ਮੁਸ਼ਕਲ ਪੱਧਰ ਆਮ ਨਾਲੋਂ ਵੱਧ ਸੀ ਅਤੇ ਇਸ ਲਈ ਵਿਦਿਆਰਥੀ ਇਸ ਸਾਲ ਦੇ ਨਤੀਜੇ ’ਚ ਸਥਿਰਤਾ ਦੀ ਉਮੀਦ ਕਰ ਸਕਦੇ ਹਨ।
ਹਵਾਈ ਅੱਡਾ ਬੰਦ ਹੋਣ ਕਾਰਨ ਯਾਤਰੀ ਪ੍ਰੇਸ਼ਾਨ, ਐਕਸ਼ਨ 'ਚ ਰੇਲਵੇ ਵਿਭਾਗ , ਤੁਰੰਤ ਚੁੱਕੇ ਇਹ ਕਦਮ
NEXT STORY 
