ਜੀਂਦ- ਹਰਿਆਣਾ ਦੇ ਜੀਂਦ 'ਚ ਦਿੱਲੀ-ਬਠਿੰਡਾ ਰੇਲਵੇ ਲਾਈਨ ਕ੍ਰਾਸਿੰਗ 'ਤੇ 20 ਕਰੋੜ ਨਾਲ ਬਣ ਰਿਹਾ ਅੰਡਰ ਬ੍ਰਿਜ ਧੱਸ ਗਿਆ। ਇਸ ਦੀ ਲਪੇਟ ਵਿਚ ਇੱਥੋਂ ਲੰਘਦਾ ਨਾਲਾ ਅਤੇ ਸੜਕ ਵੀ ਆ ਗਏ। ਇਸ ਨਾਲ ਅੰਡਰ ਬ੍ਰਿਜ ਨਾਲ ਲੱਗਦੇ 3 ਮਕਾਨਾਂ ਦਾ ਰਾਹ ਬੰਦ ਹੋ ਗਿਆ। ਉਨ੍ਹਾਂ ਦੀ ਨੀਂਹ ਨੂੰ ਵੀ ਖ਼ਤਰਾ ਪੈਦਾ ਹੋ ਗਿਆ ਹੈ। ਘਰ ਦੇ ਅੱਗੇ 20 ਫੁੱਟ ਡੂੰਘੀ ਖੱਡ ਬਣਨ ਨਾਲ 20 ਲੋਕ ਘਰਾਂ ਵਿਚ ਫਸ ਗਏ ਹਨ। ਕੁਝ ਨੂੰ ਪੌੜੀਆਂ ਲਾ ਕੇ ਬਾਹਰ ਕੱਢਣਾ ਪਿਆ। ਹਾਦਸੇ ਮਗਰੋਂ ਹਰਿਆਣਾ ਸਟੇਟ ਰੋਡਜ਼ ਐਂਡ ਬ੍ਰਿਜ ਕਾਰਪੋਰੇਸ਼ਨ (HSRDC) ਦੇ ਡੀ. ਜੀ. ਐੱਮ. ਦਾ ਕਹਿਣਾ ਹੈ ਮੀਂਹ ਦੀ ਵਜ੍ਹਾ ਤੋਂ ਇਹ ਹਾਦਸਾ ਵਾਪਰਿਆ।
ਇਹ ਵੀ ਪੜ੍ਹੋ- 26,27,28 ਫਰਵਰੀ ਨੂੰ ਪਵੇਗਾ ਮੀਂਹ, IMD ਨੇ ਜਾਰੀ ਕੀਤਾ ਅਲਰਟ
ਸ਼ਨੀਵਾਰ ਸ਼ਾਮ ਨੂੰ ਵਾਪਰੇ ਇਸ ਹਾਦਸੇ ਮਗਰੋਂ ਚੰਡੀਗੜ੍ਹ ਤੋਂ ਤਕਨੀਕੀ ਟੀਮ ਇਸ ਦੀ ਜਾਂਚ ਕਰਨ ਪਹੁੰਚੇਗੀ। HSRDC ਦੇ ਡੀ. ਜੀ. ਐੱਮ. ਦਾ ਕਹਿਣਾ ਹੈ ਕਿ ਮੀਂਹ ਦੀ ਵਜ੍ਹਾ ਤੋਂ ਹਾਦਸਾ ਵਾਪਰਿਆ। ਜਦਕਿ ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਨਾਲੇ ਦੇ ਨਿਰਮਾਣ ਦੌਰਾਨ ਘਟੀਆ ਸਮੱਗਰੀ ਦਾ ਇਸਤੇਮਾਲ ਕੀਤਾ ਗਿਆ ਹੈ। ਨਿਯਮ ਮੁਤਾਬਕ ਜਿੰਨੀ ਨਿਰਮਾਣ ਸਮੱਗਰੀ ਇਸਤੇਮਾਲ ਹੋਣੀ ਚਾਹੀਦੀ ਸੀ, ਓਨੀਂ ਨਹੀਂ ਹੋਈ ਹੈ। ਸੀਮੈਂਟ ਕੰਕਰੀਟ ਦੀ ਜਿੰਨੀ ਲੇਅਰ ਹੋਣੀ ਚਾਹੀਦੀ ਸੀ, ਉਹ ਨਹੀਂ ਹੈ। ਨਾਲੇ ਦੇ ਹੇਠਲੇ ਹਿੱਸੇ ਦਾ ਸਹੀ ਤਰੀਕੇ ਨਾਲ ਜਮਾਅ ਨਹੀਂ ਕੀਤਾ ਗਿਆ ਹੈ। ਇਸ ਵਜ੍ਹਾ ਤੋਂ ਨਾਲਾ ਧੱਸ ਗਿਆ ਅਤੇ ਮਿੱਟੀ ਖਿਸਕ ਗਈ।
ਇਹ ਵੀ ਪੜ੍ਹੋ- ਵਿਦਿਆਰਥੀਆਂ ਲਈ ਅਹਿਮ ਖ਼ਬਰ, ਹੁਣ ਇਕ ਸਾਲ ਦੀ ਹੋਵੇਗੀ B.Ed
ਨੀਂਹ ਤੱਕ ਮਿੱਟੀ ਧੱਸਣ ਅਤੇ ਮਕਾਨ ਵਿਚ ਦਰਾਰ ਆਉਣ ਨਾਲ ਲੋਕਾਂ ਵਿਚ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ। ਨਾਲੇ ਵਿਚ ਮਲਬੇ ਵਿਚ 'ਚ ਅੰਡਰ ਬ੍ਰਿਜ ਲਈ ਬਣਾਈ ਗਈ ਕੰਧ ਵੀ ਢਹਿ ਗਈ ਹੈ। ਉੱਥੇ ਘਰ ਦੇ ਅੱਗੇ 20 ਫੁੱਟ ਡੂੰਘੀ ਖੱਡ ਬਣਨ ਨਾਲ ਲੋਕ ਆਪਣੇ ਘਰਾਂ ਵਿਚ ਕੈਦ ਹੋ ਕੇ ਰਹਿ ਗਏ ਹਨ। ਇੰਨਾ ਹੀ ਨਹੀਂ ਘਰਾਂ ਵਿਚ ਪਸ਼ੂ ਵੀ ਹਨ, ਜੋ ਬਾਹਰ ਹੀ ਨਹੀਂ ਨਿਕਲ ਪਾ ਰਹੇ ਹਨ।
ਇਹ ਵੀ ਪੜ੍ਹੋ- ਔਰਤਾਂ ਨੂੰ 2100 ਰੁਪਏ ਦੇਣ ਨੂੰ ਲੈ ਕੇ CM ਨੇ ਕਰ 'ਤਾ ਐਲਾਨ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦਿੱਲੀ ਵਿਧਾਨ ਸਭਾ ਦਾ ਸੈਸ਼ਨ ਅੱਜ ਤੋਂ ਸ਼ੁਰੂ, 27 ਸਾਲਾਂ ਬਾਅਦ ਸੱਤਾ ਪੱਖ 'ਚ ਬੈਠੇਗੀ BJP
NEXT STORY 
