ਨਵੀਂ ਦਿੱਲੀ- ਮਾਰੂਤੀ ਸੁਜ਼ੁਕੀ ਅਤੇ ਆਈ.ਸੀ.ਆਈ.ਸੀ.ਆਈ. ਬੈਂਕ ਸਮੇਤ ਹੋਰ ਵੱਡੀਆਂ ਕੰਪਨੀਆਂ ਦੇ ਦੂਜੀ ਤਿਮਾਹੀ ਦੇ ਨਤੀਜੇ ਇਸ ਹਫਤੇ ਸ਼ੇਅਰ ਬਾਜ਼ਾਰ ਦੀ ਦਿਸ਼ਾ ਤੈਅ ਕਰਨਗੇ। ਸ਼ੇਅਰ ਬਾਜ਼ਾਰ ਵਿਸ਼ਲੇਸ਼ਕਾਂ ਨੇ ਇਹ ਰਾਏ ਜ਼ਾਹਰ ਕੀਤੀ ਹੈ।
ਇਸ ਤੋਂ ਇਲਾਵਾ ਸੰਸਾਰਕ ਬਾਜ਼ਾਰ ਦੇ ਰੁਖ, ਵਿਦੇਸ਼ੀ ਨਿਵੇਸ਼ਕਾਂ ਦੇ ਨਿਵੇਸ਼ ਦੀ ਦਿਸ਼ਾ, ਡਾਲਰ ਦੇ ਮੁਕਾਬਲੇ ਰੁਪਏ ਦਾ ਉਤਰਾਅ-ਚੜ੍ਹਾਅ ਅਤੇ ਕੱਚੇ ਤੇਲ ਦੀਆਂ ਕੀਮਤਾਂ ਵੀ ਬਾਜ਼ਾਰ ਦੇ ਰੁਖ ’ਤੇ ਅਸਰ ਕਰਨਗੀਆਂ। ਰੇਲੀਗੇਅਰ ਸਕਿਓਰਿਟੀਜ਼ ਦੇ ਪ੍ਰਧਾਨ (ਪ੍ਰਚੂਨ ਵੰਡ) ਜਯੰਤ ਮਾਂਗਲਿਕ ਨੇ ਕਿਹਾ ਕਿ ਆਉਣ ਵਾਲੇ ਦਿਨਾਂ ਵਿਚ ਹਾਂ ਪੱਖੀ ਧਾਰਨਾ ਕਾਇਮ ਹੋਵੇਗੀ। ਹਾਲਾਂਕਿ ਮੌਜੂਦਾ ਨਤੀਜਿਆਂ ਦੇ ਐਲਾਨਾਂ ਦੇ ਦੌਰ ’ਚ ਕਾਰੋਬਾਰੀਆਂ ਨੂੰ ਸ਼ੇਅਰਾਂ ਦੀ ਚੋਣ ਵਿਚ ਸਾਵਧਾਨੀ ਨਾਲ ਕੰਮ ਲੈਣਾ ਹੋਵੇਗਾ। ਇਸ ਹਫਤੇ ਜਿਨ੍ਹਾਂ ਪ੍ਰਮੁੱਖ ਕੰਪਨੀਆਂ ਦੇ ਨਤੀਜੇ ਆਉਣੇ ਹਨ ਉਨ੍ਹਾਂ ’ਚ ਹਿੰਦੁੂਸਤਾਨ ਯੂਨੀਲੀਵਰ, ਲਿਊਪਿਨ, ਡਾ. ਰੈਡੀਜ਼ ਲੈਬੋਰਟਰੀਜ਼, ਸੇਸਾ ਸਟਰਲਾਈਟ, ਟੈੱਕ ਮਹਿੰਦਰਾ, ਏ.ਸੀ.ਸੀ., ਅੰਬੂਜਾ ਸੀਮੰਟ, ਭਾਰਤੀ ਏਅਟਟੈੱਲ, ਆਈ.ਸੀ.ਆਈ.ਸੀ.ਆਈ. ਬੈਂਕ, ਮਾਰੂਤੀ ਸੁਜ਼ੂਕੀ ਅਤੇ ਸੁਜਲਾਨ ਐਨਰਜੀ ਸ਼ਾਮਲ ਹਨ। ਸੰਸਾਰਕ ਮੋਰਚੇ ’ਤੇ ਮੰਗਲਵਾਰ ਅਤੇ ਬੁੱਧਵਾਰ ਨੂੰ ਫੈਡਰਲ ਓਪਨ ਮਾਰਕਿਟ ਕਮੇਟੀ (ਐੱਮ.ਓ.ਐੱਮ.ਸੀ.) ਦੀ ਦੋ ਰੋਜ਼ਾ ਮੌਦ੍ਰਿਕ ਨੀਤੀ ਸਮੀਖਿਆ ਬੈਠਕ ਹੋਵੇਗੀ।
ਸੂਚਨਾ ਤਕਨੀਕੀ ਸ਼ੇਅਰਾਂ ’ਚ ਮਿਊਚੁਅਲ ਫੰਡ ਨਿਵੇਸ਼ ਸਤੰਬਰ ’ਚ ਸਭ ਤੋਂ ਉੱਚੇ ਪੱਧਰ ’ਤੇ
NEXT STORY 
