ਜਲੰਧਰ-ਨੂਰਮਹਿਲ ਸਥਿਤ ਦਿੱਵਿਆ ਜਯੋਤੀ ਜਾਗ੍ਰਿਤੀ ਸੰਸਥਾਨ ਦੇ ਸੰਸਥਾਪਕ ਆਸ਼ੂਤੋਸ਼ ਮਹਾਰਾਜ ਦੇ ਬੇਟੇ ਨੇ ਮਾਣਯੋਗ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ 'ਚ ਉਨ੍ਹਾਂ ਵਲੋਂ ਲਿਖੀ ਇਕ ਚਿੱਠੀ ਪੇਸ਼ ਕਰ ਦਿੱਤੀ ਹੈ, ਜਿਸ 'ਚ ਆਸ਼ੂਤੋਸ਼ ਮਹਾਰਾਜ ਨੇ ਲਿਖਿਆ ਸੀ ਕਿ ਉਹ ਆਪਣਾ ਪਰਿਵਾਰ ਛੱਡ ਕੇ ਹੁਣ ਪਛਤਾ ਰਹੇ ਹਨ। ਦਾਅਵਾ ਕੀਤਾ ਗਿਆ ਹੈ ਕਿ ਇਹ ਚਿੱਠੀ ਆਸ਼ੂਤੋਸ਼ ਮਹਾਰਾਜ ਨੇ 24 ਅਪ੍ਰੈਲ, 1999 'ਚ ਆਪਣੇ ਬੇਟੇ ਦਿਲੀਪ ਝਾਅ ਨੂੰ ਲਿਖੀ ਸੀ। ਇਸ ਤੋਂ ਪਹਿਲਾਂ ਹਾਈਕੋਰਟ ਨੇ ਦਿਲੀਪ ਝਾਅ ਨੂੰ ਕਿਹਾ ਸੀ ਕਿ ਉਹ ਆਸ਼ੂਤੋਸ਼ ਮਹਾਰਾਜ ਦਾ ਪੁੱਤਰ ਹੋਣ ਦਾ ਕੋਈ ਸਬੂਤ ਪੇਸ਼ ਕਰੇ।
ਸੂਤਰਾਂ ਮੁਤਾਬਕ ਇਹ ਚਿੱਠੀ ਆਸ਼ੂਤੋਸ਼ ਮਹਾਰਾਜ ਨੇ ਆਪਣੇ ਬੇਟੇ ਦਿਲੀਪ ਝਾਅ ਨੂੰ ਲਿਖੀ ਸੀ। ਇਸ ਚਿੱਠੀ 'ਚ ਆਸ਼ੂਤੋਸ਼ ਮਹਾਰਾਜ ਨੇ ਸਾਫ ਲਿਖਿਆ ਸੀ ਕਿ ਉਹ ਆਪਣਾ ਪਰਿਵਾਰ ਛੱਡ ਕੇ ਪਛਤਾ ਰਹੇ ਹਨ ਅਤੇ ਉਨ੍ਹਾਂ ਨੂੰ ਆਪਣੇ ਪਰਿਵਾਰ ਦੀ ਬਹੁਤ ਯਾਦ ਆਉਂਦੀ ਹੈ। ਆਸ਼ੂਤੋਸ਼ ਮਹਾਰਾਜ ਨੇ ਲਿਖਿਆ ਸੀ ਕਿ ਉਨ੍ਹਾਂ ਦੇ ਹਾਲਾਤ ਅਜਿਹੇ ਹਨ ਕਿ ਉਹ ਆਪਣੇ ਪਰਿਵਾਰ ਨੂੰ ਮਿਲਣ ਨਹੀਂ ਆ ਸਕਦੇ ਅਤੇ ਉਨ੍ਹਾਂ ਨੂੰ ਇਸ ਗੱਲ ਦਾ ਵੀ ਪਛਤਾਵਾ ਹੋ ਰਿਹਾ ਹੈ ਕਿ ਉਨ੍ਹਾਂ ਨੇ ਗੁੱਸੇ 'ਚ ਆ ਕੇ ਆਪਣਾ ਪਰਿਵਾਰ ਕਿਉਂ ਛੱਡ ਦਿੱਤਾ।
ਉਨ੍ਹਾਂ ਲਿਖਿਆ ਸੀ ਕਿ ਕੁਝ ਸਾਲ ਉਹ ਦਿੱਲੀ ਰਹੇ ਅਤੇ ਫਿਰ ਸਾਧੂ ਬਣ ਕੇ ਆਪਣਾ ਨਾਂ ਵੇਦਪ੍ਰਵਕਤਾਨੰਦ ਰੱਖ ਲਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਦਿੱਵਿਆ ਜਯੋਤੀ ਜਾਗ੍ਰਿਤੀ ਸੰਸਥਾ ਬਣਾਈ ਅਤੇ ਫਿਰ ਆਪਣਾ ਨਾਂ ਆਸ਼ੂਤੋਸ਼ ਮਹਾਰਾਜ ਰੱਖ ਲਿਆ। ਆਸ਼ੂਤੋਸ਼ ਮਹਾਰਾਜ ਨੇ ਚਿੱਠੀ 'ਚ ਲਿਖਿਆ ਸੀ ਕਿ ਉਨ੍ਹਾਂ ਦੇ ਪਰਿਵਾਰ ਨੂੰ ਇੱਥੇ ਆਉਣ ਲਈ ਟਰੇਨ ਪਟਨਾ ਤੋਂ ਮਿਲ ਜਾਵੇਗੀ ਅਤੇ ਉਨ੍ਹਾਂ ਦਾ ਪਰਿਵਾਰ ਉਨ੍ਹਾਂ ਕੋਲ ਆ ਜਾਵੇ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਚਿੱਠੀ ਆਪਣਾ ਫੋਨ ਨੰਬਰ ਅਤੇ ਕਈ ਪਤੇ ਵੀ ਦੱਸੇ ਸਨ।
ਇਸ ਚਿੱਠੀ ਦੇ ਮਿਲਣ ਤੋਂ ਬਾਅਦ ਹਾਈਕੋਰਟ ਨੇ ਤਸਵੀਰਾਂ ਅਤੇ ਹੋਰ ਸਬੂਤਾਂ ਲਈ ਫਿਲਹਾਲ ਸੁਣਵਾਈ ਨੂੰ ਟਾਲ ਦਿੱਤਾ ਹੈ ਅਤੇ ਹੁਣ ਇਸ ਮਾਮਲੇ ਦੀ ਸੁਣਵਾਈ ਬੁੱਧਵਾਰ ਨੂੰ ਹੋਵੇਗੀ। ਜ਼ਿਕਰਯੋਗ ਹੈ ਕਿ ਆਸ਼ੂਤੋਸ਼ ਮਹਾਰਾਜ ਦੇ ਬੇਟੇ ਦਿਲੀਪ ਝਾਅ ਨੇ ਆਪਣੇ ਪਿਤਾ ਦੀ ਮ੍ਰਿਤਕ ਦੇਹ ਲੈਣ ਲਈ ਹਾਈਕੋਰਟ 'ਚ ਪਟੀਸ਼ਨ ਦਾਇਰ ਕੀਤੀ ਹੋਈ ਹੈ।
ਤਿੰਨ ਨੀਗਰੋ ਚੌਲ ਲੈਣ ਦੇ ਬਹਾਨੇ ਆਏ ਤੇ ਕਰ ਗਏ ਅਜਿਹਾ ਕਾਂਡ! (ਵੀਡੀਓ)
NEXT STORY 
