ਨਵੀਂ ਦਿੱਲੀ- ਕੋਰੀਆਈ ਕੰਪਨੀ ਹੁੰਡਈ ਦੀ ਲੋਕਪ੍ਰਿਯ ਕਾਰ ਸੈਂਟਰੋ ਦਾ ਉਤਪਾਦਨ ਬੰਦ ਹੋਣ ਜਾ ਰਿਹਾ ਹੈ। ਅਗਲੇ ਮਹੀਨੇ ਇਸ ਦਮਦਾਰ ਕਾਰ ਦੀ ਵਿਕਰੀ ਦੀ ਆਖਰੀ ਖੇਪ ਤਿਆਰ ਹੋਵੇਗੀ ਅਤੇ ਉਸ ਦੇ ਬਾਅਦ ਇਸ ਦਾ ਨਿਰਮਾਣ ਬੰਦ ਹੋ ਜਾਵੇਗਾ। ਸੈਂਟਰੋ ਨੇ ਇਕ ਸਮੇਂ ਛੋਟੀ ਕਾਰਾਂ ਦੇ ਬਾਜ਼ਾਰਾਂ 'ਚ ਧੂਮ ਮਚਾ ਦਿੱਤੀ ਸੀ ਅਤੇ ਉਸ ਸਮੇਂ ਮਾਰੂਤੀ ਨੂੰ ਜ਼ਬਰਦਸਤ ਟੱਕਰ ਦਿੱਤੀ। ਇਸ ਕਾਰ ਦੀ ਸਫਲਤਾ ਦੀ ਬਦੌਲਤ ਹੀ ਹੁੰਡਈ ਦੇਸ਼ 'ਚ ਦੂਜੇ ਨੰਬਰ ਦੀ ਕਾਰ ਨਿਰਮਾਤਾ ਕੰਪਨੀ ਬਣ ਗਈ ਸੀ।
ਇਸ ਕਾਰ ਨੇ ਉਸ ਸਮੇਂ ਇਕ ਹੋਰ ਕੋਰੀਆਈ ਕੰਪਨੀ ਦੇਵੂ ਮੋਟਰਸ ਦੀ ਮਾਟਿਜ਼ ਨੂੰ ਵੀ ਟੱਕਰ ਦਿੱਤੀ ਸੀ। ਸੈਂਟਰੋ ਆਪਣੀ ਘੱਟ ਕੀਮਤ ਅਤੇ ਛੋਟੇ ਆਕਾਰ ਅਤੇ ਵਧੀਆ ਸਪੀਡ ਦੇ ਕਾਰਨ ਬੇਹਦ ਸਫਲ ਰਹੀ। 1998 'ਚ ਕੰਪਨੀ ਨੇ ਤਾਮਿਲਨਾਡੂ ਦੇ ਤ੍ਰਿਪੇਰੰਬੁਦੁਰ 'ਚ ਇਸ ਦਾ ਉਤਪਾਦਨ ਸ਼ੁਰੂ ਕੀਤਾ ਸੀ। ਉਸ ਸਮੇਂ ਤੋਂ ਹੁਣ ਤਕ ਕੰਪਨੀ ਨੇ 13 ਲੱਖ 60 ਹਜ਼ਾਰ ਕਾਰਾਂ ਬਣਾ ਕੇ ਵੇਚਿਆਂ। ਇਸ ਕਾਰ ਦਾ ਐਕਸਪੋਰਟ ਵੀ ਕਾਫੀ ਹੋਇਆ ਅਤੇ ਲੱਗਭਗ ਸਾਢੇ ਪੰਜ ਲੱਖ ਕਾਰ ਐਕਸਪੋਰਟ ਕੀਤੀਆਂ ਗਈਆਂ। ਇਸ ਕਾਰ ਦੀ ਵਜ੍ਹਾ ਨਾਲ ਹੀ ਹੁੰਡਈ ਸਿਰਫ ਸੱਤ ਮਹੀਨਿਆਂ 'ਚ ਲੱਗਭਗ ਲਾਭ ਕਮਾਉਣ ਲੱਗੀ। ਕਾਰ ਦਾ ਉਤਪਾਦਨ ਬੰਦ ਕਰਨ ਦੇ ਬਾਰੇ 'ਚ ਕੰਪਨੀ ਨੇ ਅਜੇ ਕੁਝ ਨਹੀਂ ਕਿਹਾ ਹੈ ਉਸ ਦਾ ਕਹਿਣਾ ਹੈ ਕਿ ਇਹ ਉਸ ਦੇ ਪੋਰਟਫੋਲਿਓ 'ਚ ਅਜੇ ਹੈ ਅਤੇ ਜਨਤਾ 'ਚ ਲੋਕਪ੍ਰਿਯ ਹੈ।
ਵੱਡੇ-ਛੋਟੇ ਸਾਰੇ ਦੋਸ਼ੀਆਂ ਨੂੰ ਫੜੇਗਾ ਕਾਲੇਧਨ ’ਤੇ ਵਿਸ਼ੇਸ਼ ਜਾਂਚ ਦਲ : ਅਰਿਜਿਤ ਪਸਾਇਤ
NEXT STORY 
