ਹੈਦਰਾਬਾਦ- ਸੀ.ਬੀ.ਆਈ. ਜਾਂਚ ਦੇ ਮਾਮਲਿਆਂ ਦੀ ਸੁਣਵਾਈ ਕਰਨ ਵਾਲੀ ਇਕ ਵਿਸ਼ੇਸ਼ ਅਦਾਲਤ ਸਾਬਕਾ ਕੰਪਿਊਟਰ ਸਰਵਿਸਿਜ਼ ’ਚ ਹੋਏ ਆਡਿਟ ਸਬੰਧੀ ਫਰਜ਼ੀਵਾੜੇ ਦੇ ਮਾਮਲੇ ’ਤੇ 23 ਦਸੰਬਰ ਨੂੰ ਫੈਸਲਾ ਸੁਣਾ ਸਕਦੀ ਹੈ। ਜ਼ਿਕਰਯੋਗ ਹੈ ਕਿ ਲਗਭਗ 6 ਸਾਲ ਪਹਿਲੇ ਸਤਿਅਮ ਕੰਪਿਊਟਰ ’ਚ ਅਰਬਾਂ ਰੁਪਏ ਦੇ ਕਾਰਪੋਰੇਟ ਦਾ ਪਰਦਾਫਾਸ਼ ਹੋਣ ਨਾਲ ਕੰਪਨੀ ਜਗਤ ਹੈਰਾਨ ਹੋ ਗਿਆ ਸੀ। ਵਿਸ਼ੇਸ਼ ਜੱਜ ਬੀ.ਵੀ.ਐੱਲ.ਐੱਨ. ਚੱਕਰਵਰਤੀ ਨੇ ਕਾਫੀ ਸਮੇਂ ਤੋਂ ਉਡੀਕੇ ਜਾ ਰਹੇ ਫੈਸਲੇ ਨੂੰ ਸੁਣਾਉਣ ਦੇ ਲਈ 23 ਦਸੰਬਰ ਦੀ ਮਿਤੀ ਤੈਅ ਕੀਤੀ ਹੈ। ਅਦਾਲਤ ਦੇ ਨਿਰਦੇਸ਼ ਦੇ ਮੁਤਾਬਕ ਸਤਿਅਮ ਕੰਪਿਊਟਰ ਦੇ ਸੰਸਥਾਪਕ ਅਤੇ ਸਾਬਕਾ ਚੇਅਰਮੈਨ ਬੀ. ਰਾਮਲਿੰਗ ਰਾਜੂ ਅਤੇ ਉਨ੍ਹਾਂ ਦੇ ਭਰਾ ਸਤਿਅਮ ਕੰਪਿਊਟਰ ਦੇ ਸਾਬਕਾ ਐੱਮ.ਡੀ. ਬੀ. ਰਾਮ ਰਾਜੂ ਸਮੇਤ ਸਾਰੇ 10 ਦੋਸ਼ੀ ਵੀਰਵਾਰ ਨੂੰ ਅਦਾਲਤ ’ਚ ਪੇਸ਼ ਹੋਏ। ਮੀਡੀਆ ਨੂੰ ਅਦਾਲਤ ਦੇ ਅੰਦਰ ਜਾਣ ਦੀ ਇਜਾਜ਼ਤ ਨਹੀਂ ਸੀ।
ਜ਼ਿਕਰਯੋਗ ਹੈ ਕਿ ਰਾਮਲਿੰਗ ਰਾਜੂ ਵੱਲੋਂ ਕੰਪਨੀ ਦੇ ਬਹੀ ਖਾਤਿਆਂ ’ਚ ਗੜਬੜੀ ਅਤੇ ਮੁਨਾਫੇ ਨੂੰ ਵਧਾ-ਚੜ੍ਹਾ ਕੇ ਦਿਖਾਉਣ ਦੀ ਗੱਲ ਨੂੰ ਕਬੂਲ ਕੀਤੇ ਜਾਣ ਤੋਂ ਬਾਅਦ 7 ਜਨਵਰੀ, 2009 ਨੂੰ ਇਹ ਘੋਟਾਲਾ ਸਾਹਮਣੇ ਆਇਆ। ਇਸ ਤੋਂ ਦੋ ਦਿਨ ਬਾਅਦ ਰਾਜੂ ਅਤੇ ਉਸ ਦੇ ਭਰਾ ਰਾਮ ਰਾਜੂ ਨੂੰ ਆਂਧਰ ਪ੍ਰਦੇਸ਼ ਪੁਲਸ ਦੇ ਅਪਰਾਧ ਜਾਂਚ ਵਿਭਾਗ ਵੱਲੋਂ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
ਹੁਣ ਸੜਕਾਂ 'ਤੇ ਨਹੀਂ ਦਿਖਾਈ ਦੇਵੇਗੀ ਹੁੰਡਈ ਦੀ ਇਹ ਕਾਰ!
NEXT STORY 
