ਨਵੀਂ ਦਿੱਲੀ - ਦੇਸ਼ 'ਚ ਦਰਮਿਆਨੀ ਆਕਾਰ ਦੀਆਂ ਕੰਪਨੀਆਂ ਨੂੰ ਲੈ ਕੇ ਟੈਕਸ ਨਿਯਮਾਂ ਦੇ ਪਾਲਣ 'ਚ 1 ਸਾਲ ਵਿਚ 33 ਭੁਗਤਾਨ ਕਰਨੇ ਪੈਂਦੇ ਹਨ। ਇਨ੍ਹਾਂ ਕੰਪਨੀਆਂ ਨੂੰ ਹਰ ਮਹੀਨੇ ਇਸ 'ਤੇ 20 ਘੰਟੇ ਸਾਲ ਭਰ 'ਚ 243 ਘੰਟੇ ਦੇਣੇ ਪੈਂਦੇ ਹਨ ਅਤੇ ਆਪਣੇ ਲਾਭ ਦਾ 61.7 ਫੀਸਦੀ ਇਸ 'ਤੇ ਖਰਚ ਕਰਨਾ ਪੈਂਦਾ ਹੈ ਜਿਸ ਨੂੰ ਦੇਖਦੇ ਹੋਏ ਟੈਕਸ ਭੁਗਤਾਨ ਮਾਮਲੇ 'ਚ ਭਾਰਤ ਦੁਨੀਆ ਦੇ ਸਭ ਤੋਂ ਖਰਾਬ ਸਥਾਨਾਂ 'ਚੋਂ ਇਕ ਹੈ। ਵਿਸ਼ਵ ਬੈਂਕ ਦੀ ਕਾਰੋਬਾਰ ਰਿਪੋਰਟ 'ਚ ਭਾਰਤ ਨੂੰ ਟੈਕਸ ਭੁਗਤਾਨ 'ਤੇ 189 ਦੇਸ਼ਾਂ 'ਚ 156ਵੇਂ ਨੰਬਰ 'ਤੇ ਰੱਖਿਆ ਗਿਆ ਹੈ। ਇਸ ਮੋਰਚੇ 'ਤੇ ਭਾਰਤ ਬੀਤੇ ਸਾਲ ਦੀ ਤੁਲਨਾ 'ਚ 2 ਸਥਾਨ ਫਿਸਲ ਗਿਆ ਹੈ। ਭਾਰਤ 'ਚ ਕੁੱਲ ਦਰ 61.7 ਫੀਸਦੀ ਦੇ ਉੱਚ ਪੱਧਰ ਤਕ ਹੋ ਸਕਦੀ ਹੈ। ਰਿਪੋਰਟ ਮੁਤਾਬਕ ਟੈਕਸ ਸਬੰਧੀ ਮਾਮਲਿਆਂ 'ਚ ਖਰਚ ਹੋਣ ਵਾਲੇ ਸਮੇਂ ਦੀ ਦ੍ਰਿਸ਼ਟੀ ਰਾਹੀਂ ਭਾਰਤ ਦਾ ਔਸਤ ਦੱਖਣੀ ਏਸ਼ੀਆ ਤੋਂ ਬਿਹਤਰ ਹੈ। ਦੱਖਣੀ ਏਸ਼ੀਆ 'ਚ ਇਨ੍ਹਾਂ ਕੰਮਾਂ 'ਤੇ 325.5 ਘੰਟੇ ਖਰਚ ਕਰਨੇ ਪੈਂਦੇ ਹਨ। ਚੀਨ 'ਚ ਟੈਕਸ ਨਿਯਮਾਂ ਦੇ ਪਾਲਣ 'ਤੇ 261 ਘੰਟੇ ਖਰਚ ਹੁੰਦੇ ਹਨ।
ਭਾਰਤ 156ਵੇਂ ਨੰਬਰ 'ਤੇ
ਟੈਕਸ ਭੁਗਤਾਨ ਸਬੰਧੀ ਸੂਚੀ 'ਚ ਭਾਰਤ 156ਵੇਂ ਨੰਬਰ 'ਤੇ ਹੈ। ਬ੍ਰਾਜੀਲ ਇਸ ਮਾਮਲੇ 'ਚ ਭਾਰਤ ਤੋਂ ਹੇਠਾਂ 177ਵੇਂ ਨੰਬਰ 'ਤੇ ਹੈ। ਉਥੇ ਹੀ ਰੂਸ 49ਵੇਂ ਅਤੇ ਚੀਨ 120ਵੇਂ ਨੰਬਰ 'ਤੇ ਹਨ। ਇਸ ਸੂਚੀ 'ਚ ਯੂ. ਐੱਸ. ਏ. ਅਤੇ ਕਤਰ ਪਹਿਲੇ ਨੰਬਰ 'ਤੇ ਹਨ। ਸਾਊਦੀ ਅਰਬ ਤੀਜੇ ਨੰਬਰ 'ਤੇ ਹੈ।
ਪ੍ਰਮਾਣੂ ਦੀ ਥਾਂ ਸੌਰ ਊਰਜਾ ਅਪਣਾਏ ਭਾਰਤ
NEXT STORY 
