ਦੇਹਰਾਦੂਨ- ਇਰਾਦੇ ਮਜ਼ਬੂਤ ਹੋਣ ਤਾਂ ਸਾਹਮਣੇ ਆਉਂਦੀਆਂ ਪਰੇਸ਼ਾਨੀਆਂ ਖੁਦ ਹੀ ਦੂਰ ਹੋ ਜਾਂਦੀਆਂ ਹਨ। ਆਫਤ ਪੀੜਤ ਉਤਰਾਖੰਡ ਦੇ ਇਕ ਪਿੰਡ ਭੰਕੋਲੀ ਦੀ ਮਮਤਾ ਨੇ ਵੀ ਇਸ ਨੂੰ ਸਾਬਤ ਕੀਤਾ ਹੈ। ਆਫਤ ਦੀਆਂ ਚੁਣੌਤੀਆਂ ਨਾਲ ਲੜ ਕੇ ਮਮਤਾ ‘ਐਵਰੇਸਟ’ ਤੱਕ ਪੁੱਜ ਗਈ। ਐਵਰੇਸਟ ਸੀਰੀਅਲ ਬਣਾਉਣ ਵਾਲੇ ਆਸ਼ੂਤੋਸ਼ ਗੋਵਾਰੀਕਰ ਜਦੋਂ ਉਤਰਕਾਸ਼ੀ ਆਏ ਤਾਂ ਉਹ ਮਮਤਾ ਦੀ ਹਿੰਮਤ ਅਤੇ ਜਜ਼ਬੇ ਨੂੰ ਦੇਖ ਕੇ ਕਾਫੀ ਪ੍ਰਭਾਵਿਤ ਹੋਏ। ਉਨ੍ਹਾਂ ਨੇ ਸੀਰੀਅਲ ’ਚ ਇੰਸਟ੍ਰਕਚਰ ਦੀ ਭੂਮਿਕਾ ਲਈ ਮਮਤਾ ਨੂੰ ਚੁਣਿਆ। ਉਤਰਕਾਸ਼ੀ ਤੋਂ ਕਰੀਬ 19 ਕਿਲੋਮੀਟਰ ਦੂਰ ਅਸੀ ਘਾਟੀ ’ਚ ਇਕ ਛੋਟਾ ਜਿਹਾ ਪਿੰਡ ਹੈ ਭੰਕੋਲੀ। 2012 ’ਚ ਮਮਤਾ ਦੇ ਸਿਰ ਤੋਂ ਪਿਤਾ ਦਾ ਸਾਇਆ ਉੱਠ ਗਿਆ। ਤਿੰਨ ਭੈਣਾਂ ’ਚ ਸਭ ਤੋਂ ਵੱਡੀ ਹੋਣ ਕਾਰਨ ਪੂਰੇ ਘਰ ਦੀ ਜ਼ਿੰਮੇਵਾਰੀ ਮਮਤਾ ’ਤੇ ਆ ਗਈ। ਇਹ ਮਮਤਾ ਦੀ ਜ਼ਿੰਦਗੀ ਦੀ ਪਹਿਲੀ ਪ੍ਰੀਖਿਆ ਸੀ। ਇਸ ਤੋਂ ਉਭਰਨ ਲਈ ਮਮਤਾ ਨੇ ਅਸੀ ਗੰਗਾ ਦੇ ਕਿਨਾਰੇ ਸਥਿਤ ਟਾਟਾ ਐਂਡਵੇਚਰ ਕੰਪਨੀ ’ਚ ਨੌਕਰੀ ਕੀਤੀ। ਉਹ ਆਪਣੇ ਪਰਿਵਾਰ ਵਾਲਿਆਂ ਨੂੰ ਪਿਤਾ ਦੀ ਕਮੀ ਖਲਣ ਨਹੀਂ ਦੇਣਾ ਚਾਹੁੰਦੀ ਸੀ। ਇਸ ਨੌਕਰੀ ਦੇ ਸਹਾਰੇ ਉਹ ਪਰਿਵਾਰ ਨੂੰ ਸੰਭਾਲਣ ਦੀ ਕੋਸ਼ਿਸ਼ ’ਚ ਜੁਟ ਗਈ।
ਅਜੇ ਉਹ ਠੀਕ ਨਾਲ ਸੰਭਲੀ ਵੀ ਨਹੀਂ ਸੀ ਕਿ ਕੁਦਰਤ ਨੇ ਇਕ ਹੋਰ ਕਹਿਰ ਬਰਪਾਇਆ। ਅਗਸਤ 2012 ’ਚ ਅਸੀ ਗੰਗਾ ’ਚ ਅਜਿਹਾ ਸੈਲਾਬ ਆਇਆ ਕਿ ਵੱਡੇ-ਵੱਡ ਦਰੱਖਤ ਰੁੜ੍ਹ ਗਏ। ਸੈਰ-ਸਪਾਟਾ ਗਤੀਵਿਧੀਆਂ ਨਾਲ ਗੁਲਜਾਰ ਰਹਿਣ ਵਾਲੀ ਇਹ ਘਾਟੀ ਬੇਜਾਨ ਹੋ ਗਈ। ਘਾਟੀ ਦਾ ਬਾਜ਼ਾਰ ਸੰਗਮਚੱਟੀ ਅਸੀ ਗੰਗਾ ਦੇ ਹੜ੍ਹ ’ਚ ਰੁੜ੍ਹ ਗਿਆ। ਕਰੀਬ 400 ਪਰਿਵਾਰ ਵਾਲਾ ਭੰਕੋਲੀ ਪਿੰਡ ਪੂਰੀ ਤਰ੍ਹਾਂ ਆਫਤ ਪੀੜਤ ਹੋ ਗਿਆ।
ਟਾਟਾ ਐਂਜਵੇਚਰ ਕੰਪਨੀ ਦਾ ਕੰਪਲੈਕਸ ਵੀ ਹੜ੍ਹ ’ਚ ਰੁੜ੍ਹ ਗਿਆ। ਮਮਤਾ ਇਸੇ ਕੰਪਨੀ ਦੇ ਸਹਾਰੇ ਘਰ ਚਲਾ ਰਹੀ ਸ। ਉਧੇੜਬੁਨ ’ਚ ਫੱਸੀ ਮਮਤਾ ਨੇ ਨਹਿਰੂ ਪਰਬਤਰੋਹਨ ਸੰਸਥਾ (ਨਿਮ) ਨਾਲ ਸੰਪਰਕ ਕੀਤਾ। ਮਮਤਾ ਨਿਮ ਤੋਂ ਪਰਬਤਰੋਹਨ ਦਾ ਕੋਰਸ ਕਰ ਚੁਕੀ ਸੀ। ਨਿਮ ਨੇ ਮਮਤਾ ਦੀ ਕਹਾਣੀ ਸੁਣੀ ਤਾਂ ਉਸ ਨੂੰ ਆਪਣੇ ਅਨੁਭਵਾਂ ਨੂੰ ਟਰੇਨਿੰਗ ’ਚ ਢਾਲਣ ਦਾ ਮੌਕਾ ਦਿੱਤਾ ਪਰ ਇਸ ’ਚ ਵੀ ਇਕ ਪਰੇਸ਼ਾਨੀ ਸੀ। ਨਿਮ ਦਾ ਦਫਤਰ ਉਤਰਕਾਸ਼ੀ ’ਚ ਸੀ ਅਤੇ ਮਮਤਾ ਭੰਕੋਲੀ ’ਚ ਰਹਿੰਦੀ ਸੀ। 19 ਕਿਲੋਮੀਟਰ ਦਾ ਔਖਾ ਰਸਤਾ ਪਾਰ ਕਰ ਕੇ ਉਤਰਕਾਸ਼ੀ ਪਹੁੰਚਣਾ ਕਿਸੇ ਲੜਕੀ ਲਈ ਸੌਖਾ ਨਹੀਂ ਸੀ। ਮਮਤਾ ਨੇ ਹਾਰ ਨਹੀਂ ਮੰਨੀ। ਉਸ ਨੇ ਨਿਮ ਦਾ ਪ੍ਰਸਤਾਵ ਸਵੀਕਾਰ ਕਰ ਲਿਆ। ਹਰ ਹਫਤੇ ਉਹ ਉਤਰਕਾਸ਼ੀ ਪੁੱਜ ਕੇ ਟਰੇਨਿੰਗ ਦੇਣ ਲੱਗੀ। ਮਮਤਾ ਦੇ ਹੌਂਸਲੇ ਨੇ ਆਫਤ ਨੂੰ ਹਾਰਨ ’ਤੇ ਮਜ਼ਬੂਰ ਕਰ ਦਿੱਤਾ।
ਨਿਮ ਦੇ ਪ੍ਰਿੰਸੀਪਲ ਕਰਨਲ ਅਜੇ ਕੋਟਿਆਲ ਦੀ ਮਦਦ ਨਾਲ ਮਮਤਾ ਨੇ ਭੰਕੋਲੀ ’ਚ ਹੀ ਆਪਣਾ ਨਵਾਂ ਮਕਾਨ ਬਣਵਾਇਆ। ਇਸ ਦੌਰਾਨ ਐਵਰੇਸਟ ’ਤੇ ਟੀ. ਵੀ. ਸੀਰੀਅਲ ਬਣਾਉਣ ਲਈ ਆਸ਼ੂਤੋਸ਼ ਗੋਵਾਰੀਕਰ ਉਤਰਕਾਸ਼ੀ ਪੁੱਜੇ। ਉਨ੍ਹਾਂ ਨੇ ਜਾਣਿਆ ਕਿ ਮਮਤਾ ਆਫਤ ਪੀੜਤਾ ਹੈ ਅਤੇ ਆਪਣੀ ਹਿੰਮਤ ਅਤੇ ਜਜ਼ਬੇ ਨਾਲ ਇੱਥੋਂ ਤੱਕ ਪੁੱਜੀ ਹੈ ਤਾਂ ਕਾਫੀ ਪ੍ਰਭਾਵਿਤ ਹੋਏ। ਉਨ੍ਹਾਂ ਨੇ ਲੀਡ ਰੋਲ ਦਾ ਬਾਡੀ ਡਬਲ (ਸਟੰਟ) ਵੀ ਮਮਤਾ ਤੋਂ ਹੀ ਕਰਵਾਇਆ। ਐਵਰੇਸਟ ’ਤੇ ਚੜ੍ਹਨ ਤੋਂ ਲੈ ਕੇ ਖਤਰਨਾਕ ਦਰਰਾਂ ਨੂੰ ਪਾਰ ਕਰਨ ’ਚ ਮਮਤਾ ਨੇ ਲੀਡ ਰੋਲ ਦਾ ਬਾਡੀ ਡਬਲ ਕੀਤਾ ਹੈ। ਖੁਦ ਮਮਤਾ ਮੰਨ ਰਹੀ ਹੈ ਕਿ ਇਹ ਰੋਲ ਉਸ ਲਈ ਕਿਸੇ ਚੁਣੌਤੀ ਤੋਂ ਘੱਟ ਨਹੀਂ ਸੀ। 3 ਨਵੰਬਰ ਰਾਤ 10 ਵਜੇ ਸਟਾਰ ਪਲੱਸ ’ਤੇ ਐਵਰੇਸਟ ਦਾ ਪ੍ਰਸਾਰਣ ਹੋਣਾ ਹੈ। ਇਸ ਸੀਰੀਅਲ ’ਚ ਆਫਤ ਪੀੜਤ ਮਮਤਾ ਨਿਮ ’ਚ ਇੰਸਟ੍ਰਕਚਰ ਦੀ ਭੂਮਿਕਾ ’ਚ ਨਜ਼ਰ ਆਏਗੀ।
ਸੋਸ਼ਲ ਸਾਈਟ 'ਤੇ ਪਰਵਾਨ ਚੜ੍ਹੇ ਪਿਆਰ ਦਾ ਅੰਤ ਦਰਦਨਾਕ
NEXT STORY 
