ਚੰਡੀਗੜ੍ਹ (ਅਸ਼ਵਨੀ) : ਇਕ ਵਾਰ ਫਿਰ ਪੰਜਾਬ ਵਿਚ ਡੀਜ਼ਲ ਮਹਿੰਗਾ ਹੋ ਸਕਦਾ ਹੈ। ਪੰਜਾਬ ਸਰਕਾਰ ਡੀਜ਼ਲ 'ਤੇ ਵੈਡਿਊ ਐਡਿਡ ਟੈਕਸ ਵਿਚ ਵਾਧਾ ਕਰਨ 'ਤੇ ਵਿਚਾਰ ਕਰ ਰਹੀ ਹੈ। ਬਕਾਇਦਾ ਇਸ ਸਬੰਧ ਵਿਚ ਪੰਜਾਬ ਐਕਸਾਈਜ਼ ਤੇ ਟੈਕਸੇਸ਼ਨ ਵਿਭਾਗ ਦੇ ਅਧਿਕਾਰੀਆਂ ਦੀਆਂ ਉੱਚ ਪੱਧਰੀ ਬੈਠਕਾਂ ਦਾ ਦੌਰ ਜਾਰੀ ਹੈ। ਅਧਿਕਾਰੀਆਂ ਦੀ ਮੰਨੀਏ ਤਾਂ ਉੱਚ ਅਧਿਕਾਰੀਆਂ ਦੇ ਅਪਰੂਵਲ ਮਿਲਦੇ ਹੀ ਨਵੀਆਂ ਦਰਾਂ ਦਾ ਖੁਲਾਸਾ ਕਰ ਦਿੱਤਾ ਜਾਵੇਗਾ। ਪੰਜਾਬ ਨੇ ਹਾਲ ਹੀ ਵਿਚ ਡੀਜ਼ਲ 'ਤੇ ਵੈਟ ਵਿਚ ਵਾਧਾ ਕੀਤਾ ਸੀ। 1 ਅਕਤੂਬਰ, 2014 ਨੂੰ ਜਾਰੀ ਨੋਟੀਫਿਕੇਸ਼ਨ ਦੇ ਤਹਿਤ ਡੀਜ਼ਲ 'ਤੇ 9.75 ਫੀਸਦੀ ਵੈਟ ਵਸੂਲਣ ਦੇ ਹੁਕਮ ਜਾਰੀ ਕਰ ਦਿੱਤੇ ਗਏ ਸਨ।
ਇਸੇ ਦੌਰਾਨ ਕੇਂਦਰ ਸਰਕਾਰ ਨੇ ਡੀਜ਼ਲ ਦੀ ਕੀਮਤ ਵਿਚ ਕਟੌਤੀ ਦਾ ਐਲਾਨ ਕਰ ਦਿੱਤਾ, ਜਿਸ ਦੇ ਚਲਦੇ ਪੰਜਾਬ ਸਰਕਾਰ ਨੂੰ ਟੈਕਸ ਵਿਚ ਵਾਧੇ ਦਾ ਕੋਈ ਖਾਸ ਫਾਇਦਾ ਨਹੀਂ ਮਿਲ ਸਕਿਆ। ਇਸੇ ਕਾਰਨ ਇਸ ਕਟੋਤੀ ਦੇ ਚਲਦੇ ਡੀਜ਼ਲ 'ਤੇ ਜੋ ਰੈਵਿਨਿਊ ਮਿਲ ਰਿਹਾ ਸੀ, ਉਹ ਵੀ ਘੱਟ ਹੋ ਗਿਆ ਹੈ। ਇਹੀ ਕਾਰਨ ਹੈ ਕਿ ਹੁਣ ਪੰਜਾਬ ਸਰਕਾਰ ਫਿਰ ਤੋਂ ਟੈਕਸ ਵਸੂਲ ਦੇ ਮਾਮਲੇ ਵਿਚ ਸਮੀਖਿਆ ਕਰ ਰਹੀ ਹੈ। ਪੰਜਾਬ ਐਕਸਾਈਜ਼ ਐਂਡ ਟੈਕਸੇਸ਼ਨ ਵਿਭਾਗ ਦੇ ਅਧਿਕਾਰੀਆਂ ਦੀ ਮੰਨੀਏ ਤਾਂ ਪੰਜਾਬ ਸਰਕਾਰ ਡੀਜ਼ਲ 'ਤੇ ਵੈਟ ਵਿਚ ਕਰੀਬ 3 ਫੀਸਦੀ ਦਾ ਵਾਧਾ ਕਰਨ 'ਤੇ ਵਿਚਾਰ ਕਰ ਰਹੀ ਹੈ। ਪੰਜਾਬ ਸਰਕਾਰ ਦੀ ਇਸ ਇੱਛਾ ਨੂੰ ਦੇਖਦਿਆਂ ਚੰਡੀਗੜ੍ਹ ਪ੍ਰਸ਼ਾਸਨ ਡੀਜ਼ਲ 'ਤੇ ਵੈਟ ਵਿਚ ਕਟੌਤੀ ਦੇ ਫੈਸਲੇ ਨੂੰ ਫਿਲਹਾਲ ਟਾਲ ਦਿੱਤਾ ਹੈ। ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਅਧਿਕਾਰੀਆਂ ਦੀ ਮੰਨੀਏ ਤਾਂ ਚੰਡੀਗੜ੍ਹ ਪ੍ਰਸ਼ਾਸਨ 1 ਨਵੰਬਰ, 2014 ਡੀਜ਼ਲ 'ਤੇ ਵੈਟ ਵਿਚ ਕਟੌਤੀ ਨੂੰ ਤਿਆਰੀ ਵਿਚ ਸੀ, ਪਰ ਪੰਜਾਬ ਐਕਸਾਈਜ਼ ਐਂਡ ਟੈਕਸੇਸ਼ਨ ਵਿਭਾਗ ਨੇ ਹਾਲ ਹੀ ਵਿਚ ਬੈਠਕ ਕਰਕੇ ਪੰਜਾਬ ਵਿਚ ਡੀਜ਼ਲ 'ਤੇ ਵੈਟ ਵਿਚ ਵਾਧੇ 'ਤੇ ਵਿਚਾਰ ਕੀਤੇ ਜਾਣ ਸਬੰਧੀ ਜਾਣਕਾਰੀ ਦਿੱਤੀ।
ਚੰਡੀਗੜ੍ਹ ਵਿਚ ਡੀਜ਼ਲ 'ਤੇ ਵੈਟ 12.50 ਫੀਸਦੀ ਹੈ। ਚੰਡੀਗੜ੍ਹ ਪ੍ਰਸ਼ਾਸਨ ਦਾ ਵਿਚਾਰ ਹੈ ਕਿ ਇਸ ਟੈਕਸ ਵਿਚ ਕਰੀਬ 3 ਫੀਸਦੀ ਦੀ ਕਟੌਤੀ ਕਰਨ ਦਾ ਸੀ ਤਾਂ ਕਿ ਚੰਡੀਗੜ੍ਹ ਤੇ ਪੰਜਾਬ ਵਿਚ ਡੀਜ਼ਲ 'ਤੇ ਵੈਟ ਸਮਾਨ ਹੋ ਸਕੇ। ਇਹ ਅਲੱਗ ਗੱਲ ਹੈ ਕਿ ਹੁਣ ਪੰਜਾਬ ਐਕਸਾਈਜ਼ ਐਂਡ ਟੈਕਸੇਸ਼ਨ ਵਿਭਾਗ ਵੈਟ ਵਿਚ ਇੰਨਾ ਵਾਧਾ ਕਰਨ ਦੀ ਤਿਆਰੀ ਵਿਚ ਹੈ ਕਿ ਡੀਜ਼ਲ 'ਤੇ ਵੈਟ ਚੰਡੀਗੜ੍ਹ ਦੇ ਸਮਾਨ ਹੋ ਜਾਵੇ।
ਕਾਗਜ਼ੀ ਵਿਆਹ : ਵਿਦੇਸ਼ ਭੇਜਣ ਦੇ ਨਾਂ 'ਤੇ 15 ਲੱਖ ਦੀ ਠੱਗੀ
NEXT STORY 
