ਨਵੀਂ ਦਿੱਲੀ- ਯੌਨ ਸ਼ੋਸ਼ਣ ਦੇ ਦੋਸ਼ਾਂ ਵਿਚ ਫਸੇ ਕਥਾਵਾਚਕ ਆਸਾ ਰਾਮ ਅਤੇ ਉਨ੍ਹਾਂ ਦੇ ਬੇਟੇ ਨਾਰਾਇਣ ਨੇ ਇਕ ਨਵਾਂ ਪੈਂਤੜਾ ਅਪਣਾਇਆ ਹੈ। ਆਸਾ ਰਾਮ ਨੇ ਦਿੱਲੀ ਵਿਚ ਚੋਣਾਂ ਲੜਨ ਲਈ ਉੱਥੇ 70 ਸੀਟਾਂ 'ਤੇ ਆਪਣੇ ਉਮੀਦਵਾਰ ਉਤਾਰਨ ਦਾ ਫੈਸਲਾ ਲਿਆ ਹੈ। ਖੁਦ ਮੁਸ਼ਕਲ ਵਿਚ ਫਸੇ ਹਨ ਪਰ ਹੁਣ ਉਹ ਜਨਤਾ ਦਾ ਭਵਿੱਖ ਸੰਵਾਰਨ ਦਾ ਦਾਅਵਾ ਕਰ ਰਹੇ ਹਨ। ਆਸਾ ਰਾਮ ਦੇ ਬੇਟੇ ਨਾਰਾਇਣ ਵਲੋਂ ਸ਼ੁਰੂ ਕੀਤੀ ਗਈ ਪਾਰਟੀ ਇਸ ਵਾਰ ਦਿੱਲੀ ਵਿਚ ਹੋਣ ਜਾ ਰਹੇ ਵਿਧਾਨ ਸਭਾ ਚੋਣਾਂ ਵਿਚ ਉਮੀਦਵਾਰ ਉਤਾਰੇਗੀ। ਇਸ ਪਾਰਟੀ ਦੇ ਪ੍ਰਧਾਨ ਓਮ ਨੇ ਜੇਲ ਵਿਚ ਆਸਾ ਰਾਮ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਨੇ ਦਿੱਲੀ ਚੋਣਾਂ ਵਿਚ ਉਮੀਦਵਾਰ ਉਤਾਰਨ ਲਈ ਹਾਮੀ ਭਰੀ ਹੈ। ਆਸਾ ਰਾਮ ਦੀ ਇਸ ਪਾਰਟੀ ਦਾ ਨਾਂ 'ਓਜਸਵੀ' ਹੈ। ਪਾਰਟੀ ਦਿੱਲੀ ਵਿਚ 70 ਸੀਟਾਂ 'ਤੇ ਆਪਣੇ ਉਮੀਦਵਾਰਾਂ ਨੂੰ ਉਤਾਰੇਗੀ। ਪਾਰਟੀ ਦੇ ਰਾਸ਼ਟਰੀ ਰਾਜਨੀਤਕ ਸਲਾਹਕਾਰ ਮੁਕੇਸ਼ ਜੈਨ ਨੇ ਦੱਸਿਆ ਕਿ ਜੇਲ ਵਿਚ ਆਸਾ ਰਾਮ ਨਾਲ ਹੋਈ ਬੈਠਕ ਦੌਰਾਨ ਵਿਧਾਨ ਸਭਾ ਚੋਣਾਂ ਲੜਨ ਦਾ ਫੈਸਲਾ ਕੀਤਾ ਗਿਆ।
ਜ਼ਿਕਰਯੋਗ ਹੈ ਕਿ ਆਪਣੇ ਆਸ਼ਰਮ ਵਿਚ ਇਕ ਨਾਬਾਲਗ ਲੜਕੀ ਦਾ ਯੌਨ ਸ਼ੋਸ਼ਣ ਕਰਨ ਦੇ ਦੋਸ਼ ਵਿਚ ਪਿਛਲੇ ਸਾਲ ਗ੍ਰਿਫਤਾਰ ਕੀਤੇ ਗਏ ਆਸਾ ਰਾਮ ਉਸ ਸਮੇਂ ਤੋਂ ਜੋਧਪੁਰ ਦੀ ਸੈਂਟਰਲ ਜੇਲ ਵਿਚ ਬੰਦ ਹਨ।
ਪਤਨੀ, ਮਾਂ ਨੂੰ ਗੋਲੀ ਮਾਰਨ ਤੋਂ ਬਾਅਦ ਖੁਦ ਨੂੰ ਵੀ ਗੋਲੀ ਮਾਰ ਕੀਤੀ ਖੁਦਕੁਸ਼ੀ
NEXT STORY 
