ਵਾਸ਼ਿੰਗਟਨ- ਅਮਰੀਕਾ ਨੇ ਅੱਤਵਾਦੀ ਸੰਗਠਨ ਅਲ ਕਾਇਦਾ ਨਾਲੋਂ ਵੱਖ ਹੋਏ ਸੀਰੀਆ 'ਚ ਅਧਾਰਿਤ ਧੜੇ ਕਥਿਤ ਖੋਰਾਸਨ ਸੰਗਠਨ 'ਤੇ ਹਵਾਈ ਹਮਲੇ ਕੀਤੇ। ਅਮਰੀਕੀ ਅਧਿਕਾਰੀਆਂ ਨੇ ਨਾਂ ਨਾ ਛਾਪਣ ਦੀ ਸ਼ਰਤ 'ਤੇ ਦੱਸਿਆ ਕਿ ਇਹ ਸੰਗਠਨ ਯੂਰਪ ਅਤੇ ਅਮਰੀਕਾ 'ਚ ਹਮਲੇ ਦੀ ਸਾਜ਼ਿਸ਼ ਬਣਾ ਰਿਹਾ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਬੁੱਧਵਾਰ ਨੂੰ ਦੇਰ ਰਾਤ ਅਮਰੀਕਾ ਨੇ ਸੀਰੀਆ 'ਚ ਫਿਰ ਤੋਂ ਹਵਾਈ ਹਮਲੇ ਸ਼ੁਰੂ ਕਰ ਦਿੱਤੇ।
ਅਧਿਕਾਰੀਆਂ ਨੇ ਦੱਸਿਆ ਕਿ ਹਮਲੇ ਦਾ ਮਕਸਦ ਫਰਾਂਸ 'ਚ ਪੈਦਾ ਹੋਏ ਅੱਤਵਾਦੀ ਡੇਵਿਡ ਡੁਗਿਓਨ ਸੀ ਜਿਸ ਨੇ ਬਾਅਦ 'ਚ ਇਸਲਾਮ ਧਰਮ ਕਬੂਲ ਕਰ ਲਿਆ ਸੀ। ਅਮਰੀਕਾ ਦੀ ਫੌਜ ਦੇ ਸੈਂਟਰਲ ਕਮਾਂਡ ਦੇ ਮੁਖੀ ਜਨਰਲ ਲਾਇਡ ਆਸਟਿਨ ਨੇ ਦੱਸਿਆ ਕਿ ਡੁਗਿਓਨ ਖੋਰਾਸਨ ਸੰਗਠਨ ਦੀ ਅਗਵਾਈ ਕਰਨ ਵਾਲੇ ਅੱਤਵਾਦੀਆਂ 'ਚੋਂ ਇਕ ਸੀ ਅਤੇ ਸੰਗਠਨ ਲਈ ਬੰਬ ਬਨਾਉਣ ਦਾ ਕੰਮ ਕਰਦਾ ਸੀ। ਹਾਲਾਂਕਿ ਇਨ੍ਹਾਂ ਹਮਲਿਆਂ 'ਚ ਉਸ ਦੀ ਮੌਤ ਹੋਈ ਜਾਂ ਨਹੀਂ ਇਸ ਗੱਲ ਦੀ ਪੁਸ਼ਟੀ ਆਸਟਿਨ ਨੇ ਨਹੀਂ ਕੀਤੀ।
ਪੁਤਿਨ ਨੇ ਸੁਰੱਖਿਆ ਮੁਖੀਆਂ ਨਾਲ ਪੂਰਬੀ ਯੂਕਰੇਨ ਦੀ ਸਥਿਤੀ 'ਤੇ ਕੀਤੀ ਚਰਚਾ
NEXT STORY 
