ਸਪੇਨ — ਕੈਨਰੀ ਆਈਸਲੈਂਡ ਦੇ ਨਿਊਡਿਸਟ ਬੀਚ 'ਤੇ ਉਸ ਸਮੇਂ ਇਕ ਅਜੀਬ ਕਿਸਮ ਦਾ ਨਜ਼ਾਰਾ ਦੇਖਣ ਨੂੰ ਮਿਲਿਆ, ਜਦੋਂ ਉੱਥੋਂ ਨਿਊਡ ਅਵਸਥਾ ਵਿਚ ਹੀ ਸੈਲਾਨੀ ਭੱਜ ਖੜ੍ਹੇ ਹੋਏ। ਇਹ ਲੋਕ ਉੱਥੇ ਨਿਊਡ ਹੋ ਕੇ ਸਮੁੰਦਰ ਤੋਂ ਆਉਣ ਵਾਲੀਆਂ ਠੰਡੀਆਂ ਹਵਾਵਾਂ ਦਾ ਮਜ਼ਾ ਲੈ ਰਹੇ ਸਨ ਪਰ ਅਚਾਨਕ ਉੱਥੇ ਭਜ-ਦੌੜ ਮਚ ਗਈ। ਅਸਲ ਵਿਚ ਬੀਚ 'ਤੇ ਅਫਰੀਕਾ ਤੋਂ ਕੁਝ ਪ੍ਰਵਾਸੀ ਕਿਸ਼ਤੀ ਰਾਹੀਂ ਆਏ। ਅਫਰੀਕਾ ਵਿਚ ਇਬੋਲਾ ਨਾਂ ਦੀ ਭਿਆਨਕ ਬੀਮਾਰੀ ਫੈਲੀ ਹੋਣ ਕਰਕੇ ਲੋਕਾਂ ਨੂੰ ਸ਼ੱਕ ਸੀ ਕਿ ਇਹ ਵੀ ਉਸ ਬੀਮਾਰੀ ਨਾਲ ਪੀੜਤ ਹਨ। ਇਨ੍ਹਾਂ ਪ੍ਰਵਾਸੀਆਂ ਵਿਚ ਇਬੋਲਾ ਦੇ ਲੱਛਣ ਹੋਣ ਦੀ ਗੱਲ ਕਹੀ ਗਈ ਸੀ, ਜਿਸ ਕਾਰਨ ਸੈਲਾਨੀਆਂ ਵਿਚ ਡਰ ਫੈਲ ਗਿਆ ਤੇ ਉਹ ਨਿਊਡ ਹੀ ਇੱਧਰ-ਉੱਧਰ ਭੱਜਣ ਲੱਗੇ।
ਬੀਚ 'ਤੇ ਛੁੱਟੀਆਂ ਦਾ ਮਜ਼ਾ ਲੈ ਰਹੇ ਉਹ ਸੈਲੀਆ ਉਸ ਸਮੇਂ ਹੱਕੇ-ਬੱਕੇ ਰਹਿ ਗਏ ਜਦੋਂ ਮਾਸਪਲੋਸਮਾਸ ਦੇ ਗ੍ਰੇਨ ਕੈਨਰੀਆ ਬੀਚ 'ਤੇ 19 ਪ੍ਰਵਾਸੀ ਦੇਖੇ ਗਏ। ਤਕਰੀਬਨ ਸੱਤ ਘੰਟਿਆਂ ਤੱਕ ਇਹ ਲੋਕ ਇਥੇ ਰਹੇ। ਉਨ੍ਹਾਂ ਦੇ ਆਉਣ ਨਾਲ ਦੇਖਦੇ ਹੀ ਦੇਖਦੇ ਉਥੋਂ ਸਾਰੇ ਲੋਕ ਚਲੇ ਗਏ ਅਤੇ ਐਂਬੂਲੈਂਸਾਂ ਲੈ ਕੇ ਸਥਾਨਕ ਪ੍ਰਸ਼ਾਸਨ ਪਹੁੰਚ ਗਿਆ। ਇਨ੍ਹਾਂ ਅਫਰੀਕੀ ਲੋਕਾਂ ਦੀ ਜਾਂਚ ਕਰਨ ਤੋਂ ਬਾਅਦ ਕਾਫੀ ਦੇਰ ਤੱਕ ਪ੍ਰਸ਼ਾਸਨ ਇਹ ਹੀ ਸੋਚਦਾ ਰਿਹਾ ਕਿ ਇਨ੍ਹਾਂ ਪ੍ਰਵਾਸੀਆਂ ਦਾ ਕੀ ਕੀਤਾ ਜਾਵੇ ਪਰ ਸ਼ਾਮ ਹੁੰਦੇ-ਹੁੰਦੇ ਉਨ੍ਹਾਂ ਨੂੰ ਬੀਚ ਤੋਂ ਹਟਾ ਦਿੱਤਾ ਗਿਆ।
ਇਨ੍ਹਾਂ ਪ੍ਰਵਾਸੀਆਂ 'ਚੋਂ ਕਈ ਲੋਕ ਸਿਏਰਾ ਲਿਓਨ ਅਤੇ ਗੁਏਨਾ ਤੋਂ ਆਏ ਸਨ। ਜ਼ਿਕਰਯੋਗ ਹੈ ਕਿ ਇਨ੍ਹਾਂ ਦੋਹਾਂ ਦੇਸ਼ਾਂ ਵਿਚ ਇਬੋਲਾ ਸਭ ਤੋਂ ਜ਼ਿਆਦਾ ਕਹਿਰ ਢਾਅ ਰਿਹਾ ਹੈ। ਸਪੇਨ ਦੇ ਇਕ ਮੁੱਖ ਅਖਬਾਰ ਦੇ ਮੁਤਾਬਕ ਇਨ੍ਹਾਂ ਪ੍ਰਵਾਸੀਆਂ ਨੂੰ ਸਮੁੰਦਰ ਤੱਟ ਦੇ ਨੇੜੇ ਵੱਖ ਹੀ ਰੱਖਿਆ ਗਿਆ, ਜਦੋਂ ਕਿ ਇਸ ਬੀਚ 'ਤੇ ਸੈਰ-ਸਪਾਟੇ ਲਈ ਆਉਣ ਵਾਲੇ ਲੋਕਾਂ ਨੂੰ ਉਨ੍ਹਾਂ ਦੇ ਨੇੜੇ ਜਾਣ ਤੋਂ ਰੋਕ ਦਿੱਤਾ ਗਿਆ। ਬਾਅਦ ਵਿਚ ਇਨ੍ਹਾਂ ਪ੍ਰਵਾਸੀਆਂ ਨੂੰ ਇਕ ਟਰੱਕ ਭਰ ਕੇ ਹੋਲਡਿੰਗ ਕੈਂਪ ਵਿਚ ਲਿਜਾਇਆ ਗਿਆ, ਹਾਲਾਂਕਿ ਬਾਅਦ ਵਿਚ ਇਸ ਗੱਲ ਦੀ ਪੁਸ਼ਟੀ ਕਰ ਦਿੱਤੀ ਗਈ ਕਿ ਉਨ੍ਹਾਂ 'ਚੋਂ ਕਿਸੇ ਵਿਚ ਵੀ ਇਬੋਲਾ ਦੇ ਲੱਛਣ ਨਹੀਂ ਪਾਏ ਗਏ। ਇਸ ਖਤਰਨਾਕ ਬੀਮਾਰੀ ਦੇ ਵਾਇਰਸ ਕਾਰਨ ਦੁਨੀਆ ਭਰ ਵਿਚ ਹੁਣ ਤੱਕ 4800 ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਪਾਲੀ ਦੇਤਵਾਲੀਆ ਤੇ ਸਿਮਰਨ ਸਿੰਮੀ ਦਾ ਸੱਭਿਆਚਾਰਕ ਮੇਲੇ 'ਚ ਹੋਵੇਗਾ ਸਨਮਾਨ
NEXT STORY 
