ਨਵੀਂ ਦਿੱਲੀ- ਰਿਜ਼ਰਵ ਬੈਂਕ ਆਫ ਇੰਡੀਆ ਨੇ ਇਹ ਜ਼ਰੂਰੀ ਕੀਤਾ ਹੈ ਕਿ ਤੁਹਾਡਾ ਬੈਂਕ ਤੁਹਾਨੂੰ ਹਰ ਚੈੱਕ ਬਾਰੇ ਐੱਸ. ਐੱਮ. ਐੱਸ. ਭੇਜੇਗਾ। ਇਸ ਦੇ ਅਧੀਨ ਉਸ ਹਰ ਚੈੱਕ ਬਾਰੇ ਐੱਸ. ਐੱਮ. ਐੱਸ. ਭੇਜੇਗਾ ਜੋ ਤੁਸੀਂ ਜਮ੍ਹਾ ਕੀਤਾ ਹੈ ਜਾਂ ਦੂਜੇ ਦੇ ਖਾਤੇ ’ਚ ਪਾਇਆ ਹੈ। ਇਸ ਵਿਵਸਥਾ ਦੇ ਅਧੀਨ ਜਿਵੇਂ ਹੀ ਤੁਹਾਡੇ ਵੱਲੋਂ ਪਾਇਆ ਗਿਆ ਚੈੱਕ ਬੈਂਕ ’ਚ ਜਮ੍ਹਾ ਹੋਵੇਗਾ, ਤੁਹਾਨੂੰ ਅਲਰਟ ਕਰਨ ਵਾਲਾ ਇਕ ਐੱਸ. ਐੱਮ. ਐੱਸ. ਆਏਗਾ ਫਿਰ ਚੈੱਕ ਦੇ ਕਲੀਅਰ ਹੁੰਦੇ ਹੀ ਇਕ ਹੋਰ ਐੱਸ. ਐੱਮ. ਐੱਸ. ਆਏਗਾ। ਇਸੇ ਤਰ੍ਹਾਂ ਜਿਸ ਨੇ ਤੁਹਾਨੂੰ ਚੈੱਕ ਦਿੱਤਾ ਹੈ, ਉਸ ਨੂੰ ਵੀ ਇਕ ਅਲਰਟ ਐੱਸ. ਐੱਮ. ਐੱਸ. ਆਏਗਾ। ਰਿਜ਼ਰਵ ਬੈਂਕ ਦਾ ਕਹਿਣਾ ਹੈ ਕਿ ਬੈਂਕਾਂ ’ਚ ਵਧਦੇ ਧੋਖੇ ਨੂੰ ਰੋਕਣ ਲਈ ਇਹ ਕਦਮ ਉਠਾਇਆ ਗਿਆ ਹੈ। ਇਸ ਨਾਲ ਖਾਤਾਧਾਰਕਾਂ ਨੂੰ ਪਤਾ ਲੱਗ ਜਾਵੇਗਾ ਕਿ ਉਸ ਦੇ ਨਾਂ ਨਾਲ ਕਟਿਆ ਇਕ ਚੈੱਕ ਕਿਤੇ ਜਮ੍ਹਾ ਹੋਇਆ ਹੈ। ਜੇਕਰ ਉਸ ਨੇ ਇਹ ਚੈੱਕ ਨਹੀਂ ਦਿੱਤਾ ਤਾਂ ਉਹ ਤੁਰੰਤ ਕਾਰਵਾਈ ਕਰ ਸਕਦਾ ਹੈ।
ਰਿਜ਼ਰਵ ਬੈਂਕ ਦਾ ਕਹਿਣਾ ਹੈ ਕਿ ਜੇਕਰ ਖਾਤਾਧਾਰਕ ਨੂੰ ਸਮੇਂ ’ਤੇ ਪਤਾ ਲੱਗ ਜਾਵੇ ਤਾਂ ਧੋਖਾ ਨਹੀਂ ਹੋ ਸਕਦਾ। ਚੈੱਕ ਦੇ ਹੈਂਡਲਿੰਗ ਅਤੇ ਪ੍ਰੋਸੈਸਿੰਗ ਦੌਰਾਨ ਜੇਕਰ ਗਾਹਕ ਨੂੰ ਅਲਰਟ ਭੇਜ ਦਿੱਤਾ ਜਾਵੇ ਤਾਂ ਕੋਈ ਧੋਖਾਧੜੀ ਨਹੀਂ ਹੋ ਸਕਦੀ। ਪਹਿਲਾਂ ਸਿਰਫ ਕ੍ਰੈਡਿਟ ਜਾਂ ਡੈਬਿਟ ਕਾਰਡ ਧਾਰਕ ਲਈ ਹੀ ਇਹ ਲਾਗੂ ਸੀ। ਅਜੇ ਕੁਝ ਬੈਂਕ ਇਹ ਸਹੂਲਤ ਦੇ ਰਹੇ ਹਨ, ਜਿਨ੍ਹਾਂ ’ਚ ਐੱਚ. ਡੀ. ਐੱਫ. ਸੀ. ਵੀ ਹੈ। ਇਹ ਬੈਂਕ ਗਾਹਕਾਂ ਨੂੰ ਇਸ ਤਰ੍ਹਾਂ ਦੇ ਅਲਰਟ ਭੇਜਦਾ ਹੈ ਅਤੇ ਇਸ ਲਈ ਹਰ ਤਿਮਾਹੀ 17 ਰੁਪਏ ਚਾਰਜ ਕਰਦਾ ਹੈ। ਇਹੀ ਨਹੀਂ, ਰਿਜ਼ਰਵ ਬੈਂਕ ਨੇ ਹਰ ਚੈੱਕ ਦੀ ਜਾਂਚ ਲਈ ਇਹ ਜ਼ਰੂਰੀ ਕਰ ਦਿੱਤਾ ਹੈ ਕਿ 2 ਲੱਖ ਰੁਪਏ ਤੋਂ ਉੱਪਰ ਦੇ ਸਾਰੇ ਚੈੱਕਾਂ ਨੂੰ ਅਲਟਰਾ ਵਾਇਲੇਟ ਲੈਂਪ ਨਾਲ ਸਕੈਨ ਕੀਤਾ ਜਾਵੇ। 5 ਲੱਖ ਰੁਪਏ ਤੋਂ ਵਧ ਦੇ ਚੈੱਕ ਨੂੰ ਕਈ ਪੱਧਰਾਂ ’ਤੇ ਜਾਂਚਿਆ ਜਾਵੇ। ਇਸ ਨਾਲ ਧੋਖੇ ਦੀ ਸੰਭਾਵਨਾ ਘੱਟ ਹੋ ਜਾਵੇਗੀ।
ਪਾਕਿਸਤਾਨ ਨੇ ਹੈਕ ਕੀਤੀਆਂ ਭਾਰਤ ਦੀਆਂ 22 ਸਰਕਾਰੀ ਵੈੱਬਸਾਈਟਾਂ
NEXT STORY 
