ਨਵੀਂ ਦਿੱਲੀ- ਕਹਿੰਦੇ ਨੇ ਜੇਕਰ ਇਨਸਾਨ ਵਿਚ ਹੌਸਲਾ ਅਤੇ ਲਗਨ ਹੋਵੇ ਤਾਂ ਵੱਡੀ ਤੋਂ ਵੱਡੀ ਮੁਸ਼ਕਲ ਵੀ ਉਸ ਦਾ ਵਾਲ ਵਿੰਗਾ ਨਹੀਂ ਕਰ ਸਕਦੀ। ਕੁਝ ਅਜਿਹਾ ਹੀ ਕਰ ਦਿਖਾਇਆ ਹੈ, ਇਸ ਸ਼ਖਸ ਨੇ। ਜਿਸ ਨੂੰ ਕਦੇ ਸਿਰਫ ਢਾਈ ਸੌ ਰੁਪਏ ਦੇ ਕੇ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਸੀ। ਉਸ ਠੋਕਰ ਤੋਂ ਇਸ ਸ਼ਖਸ ਅੰਦਰ ਕੁਝ ਕਰਨ ਦਾ ਜਜ਼ਬਾ ਆਇਆ ਅਤੇ ਉਸ ਨੇ ਉਨ੍ਹਾਂ ਪੈਸਿਆਂ ਤੋਂ ਇਕ ਵੱਡਾ ਕਾਰੋਬਾਰ ਖੜ੍ਹਾ ਕਰ ਲਿਆ। ਜੋ ਕਿ ਅੱਜ ਚੇਅਰਮੈਨ ਹੈ ਅਤੇ ਉਨ੍ਹਾਂ ਅੱਗੇ ਵੱਡੀ ਗਿਣਤੀ ਵਿਚ ਕਰਮਚਾਰੀ ਕੰਮ ਕਰਦੇ ਹਨ।
ਜੀ ਹਾਂ, ਅਸੀਂ ਗੱਲ ਕਰ ਰਹੇ ਹਾਂ ਸਕਿਓਰਿਟੀ ਐਂਡ ਇੰਟੇਲੀਜੈਂਸ ਸਰਵਿਸ (ਐਸ. ਆਈ. ਐਸ.) ਦੇ ਚੇਅਰਮੈਨ ਰਵਿੰਦਰ ਕਿਸ਼ੋਰ ਸਿਨਹਾ ਦੀ। ਆਪਣੀ ਮਿਹਨਤ ਨਾਲ ਕਿਰਾਏ ਦੇ ਗੈਰਾਜ ਵਿਚ ਦਫਤਰ ਖੋਲਿਆ ਸੀ। ਇਸ ਤਰੱਕੀ ਦੇ ਪਿਛੇ ਸਿਨਹਾ ਦੀ ਕਿਸਮਤ ਨਹੀਂ ਸਗੋਂ ਦੂਰਦਰਸ਼ੀ ਸੋਚ ਦੇ ਨਾਲ-ਨਾਲ ਉਨ੍ਹਾਂ ਦੀ ਸਖਤ ਮਿਹਨਤ ਵੀ ਹੈ। ਅੱਜ ਐਸ. ਆਈ. ਐਸ. ਗਰੁੱਪ ਏਸ਼ੀਆ ਦੀ ਸਭ ਤੋਂ ਵੱਡੀ ਮੈਨਪਾਵਰ ਕੰਪਨੀ ਹੈ।
ਆਓ ਜਾਣਦੇ ਹਾਂ ਉਨ੍ਹਾਂ ਦੀ ਜ਼ਿੰਦਗੀ ਅਤੇ ਸਖਤ ਮਿਹਨਤ ਬਾਰੇ-
ਅੱਜ ਇਕ ਵੱਡੀ ਕੁਰਸੀ 'ਤੇ ਬੈਠੇ ਸਿਨਹਾ ਕਦੇ ਇਕ ਅਖਬਾਰ ਵਿਚ ਪੱਤਰਕਾਰ ਦੇ ਰੂਪ ਵਿਚ ਨੌਕਰੀ ਕਦੇ ਸਨ। ਉਸ ਸਮੇਂ ਉਨ੍ਹਾਂ ਨੂੰ ਸਿਰਫ ਸਵਾ ਸੌਂ ਰੁਪਏ ਮਹੀਨਾ ਤਨਖਾਹ ਮਿਲਦੀ ਸੀ। ਇਸ ਦੌਰਾਨ ਰਵਿੰਦਰ ਨੇ ਕੁਝ ਸਮਾਂ ਬਿਹਾਰ ਰੈਜੀਮੈਂਟਟ ਨਾਲ ਬਾਰਡਰ 'ਤੇ ਵੀ ਗੁਜਾਰਿਆ। ਫੌਜੀਆਂ ਨਾਲ ਸਮਾਂ ਗੁਜਾਰਨਾ ਹੀ ਰਵਿੰਦਰ ਸਿਨਹਾ ਲਈ ਚਮਤਕਾਰੀ ਸਾਬਤ ਹੋਇਆ। ਫੌਜੀਆਂ ਨੇ ਸਿਨਹਾ ਨੂੰ ਸਕਿਓਰਟੀ ਖੋਲਣ ਦੀ ਸਲਾਹ ਦਿੱਤੀ ਤਾਂ ਕਿ ਰਿਟਾਇਰਡ ਹੋ ਚੁੱਕੇ ਫੌਜੀ ਆਪਣੀ ਰੋਜ਼ੀ-ਰੋਟੀ ਚਲਾ ਸਕਣ।
ਨੌਕਰੀ ਤੋਂ ਕੱਢ ਦਿੱਤੇ ਜਾਣ ਤੋਂ ਬਾਅਦ ਉਨ੍ਹਾਂ ਨੂੰ ਢਾਈ ਸੌਂ ਰੁਪਏ ਦਿੱਤੇ ਗਏ। ਜਿਸ ਕਾਰਨ ਉਹ ਬੇਰੋਜ਼ਗਾਰ ਹੋ ਗਏ। ਉਨ੍ਹਾਂ ਪੈਸਿਆਂ ਨਾਲ ਹੀ ਇਕ ਛੋਟਾ ਜਿਹਾ ਦਫਤਰ ਖੋਲਿਆ। ਜਿਸ ਨੂੰ ਨਾਂ ਦਿੱਤਾ ਐਸ. ਆਈ. ਐਸ. ਕੰਪਨੀ। ਪਹਿਲੀ ਵਾਰ ਸਿਨਹਾ ਨੇ ਇਕ ਫੌਜੀ ਨੂੰ ਆਪਣੇ ਦੋਸਤ ਦੇ ਦਫਤਰ 'ਤੇ ਸਕਿਓਰਿਟੀ ਗਾਰਡ ਦੇ ਰੂਪ ਵਿਚ ਲਾਇਆ ਅਤੇ 400 ਰੁਪਏ ਦਾ ਕਮੀਸ਼ਨ ਲਿਆ। ਇਸ ਕੰਮ ਨੂੰ ਅੱਗੇ ਵਧਾਉਣ ਲਈ ਸਿਨਹਾ ਨੇ ਵੱਡੀ ਗਿਣਤੀ ਵਿਚ ਸਕਿਓਰਿਟੀ ਗਾਰਡ ਕੰਪਨੀਆਂ ਨੂੰ ਦਿੱਤਾ। ਜਿਸ ਤੋਂ ਉਨ੍ਹਾਂ ਦੀ ਕੰਪਨੀ ਨੂੰ ਇਕ ਲੱਖ ਦਾ ਫਾਇੰਦਾ ਹੋਇਆ।
ਜਿਸ ਤੋਂ ਬਾਅਦ ਸਿਨਹਾ ਨੇ ਕਾਰੋਬਾਰ ਨੂੰ ਵਧਾਉਣ ਲਈ ਫੌਜੀਆਂ ਨੂੰ ਸਕਿਓਰਿਟੀ ਗਾਰਡ ਦੇ ਰੂਪ ਵਿਚ ਟਰੇਂਡ ਕਰਨ ਵਾਲੀ ਅਕੈਡਮੀ ਖੋਲੀ। ਇਸ ਨਾਲ ਸਿਨਹਾ ਦਾ ਬਿਜ਼ਨੈੱਸ ਚਲ ਪਿਆ ਅਤੇ ਉਨ੍ਹਾਂ ਨੇ ਤਿੰਨ ਹੋਰ ਕੰਪਨੀਆਂ ਖੋਲੀਆਂ। ਅੱਜ ਇਹ ਸ਼ਖਸ ਕਰੋੜਾਂ ਦਾ ਮਾਲਕ ਹੈ ਅਤੇ ਅੱਜ ਐਸ. ਆਈ. ਐਸ. ਕੰਪਨੀ ਟਾਟਾ ਸਟੀਲ ਮੋਟਰਸ, ਆਈ. ਸੀ. ਆਈ. ਸੀ. ਆਈ. ਬੈਂਕ, ਆਇਡੀਆ ਸੇਲੁਲਰ ਵਰਗੀਆਂ ਕੰਪਨੀਆਂ ਨੂੰ ਮੈਨਪਾਵਰ ਉਪਲੱਬਧ ਕਰਵਾ ਰਹੀ ਹੈ।
ਹੁਣ ਏ.ਟੀ.ਐੱਮ. ਤੋਂ ਦਰਜ ਕਰਾਓ ਪੁਲਸ ਕੰਪਲੇਂਟ
NEXT STORY 
