ਨਵੀਂ ਦਿੱਲੀ- ਦੇਸ਼ ’ਚ ਸਟੇਨਲੈੱਸ ਸਟੀਲ ਦੇ ਉਤਪਾਦਾਂ ਅਤੇ ਇਸ ਨਾਲ ਜੁੜੇ ਸੰਗਠਨ ਨੇ ਸਰਕਾਰ ਤੋਂ ਸਸਤੇ ਦਰਾਮਦ ਕੀਤੇ ਖਾਸ ਕਰਕੇ ਚੀਨੀ ਸਟੇਨਲੈੱਸ ਸਟੀਲ ਤੋਂ ਭਾਰਤੀ ਉਦਯੋਗ ਨੂੰ ਬਚਾਉਣ ਦੀ ਅਪੀਲ ਕਰਦੇ ਹੋਏ ਕਿਹਾ ਕਿ ਜੇਕਰ ਅਜਿਹਾ ਨਹੀਂ ਹੋਇਆ ਤਾਂ ਇਨ੍ਹਾਂ ਕੰਪਨੀਆਂ ਵੱਲੋਂ ਬੈਂਕਾਂ ਤੋਂ ਲਇਆ ਗਿਆ 35 ਹਜ਼ਾਰ ਕਰੋੜ ਰੁਪਏ ਦਾ ਕਰਜ਼ਾ ਗੈਰ ਕਾਰਗੁਜ਼ਾਰੀ ਯੋਗ ਸੰਪਤੀ (ਐੱਨ.ਪੀ.ਏ.) ਬਣ ਜਾਵੇਗਾ। ਇਸ ਉਦਯੋਗ ਦੇ ਪ੍ਰਮੁੱਖ ਸੰਗਠਨ ਇੰਡੀਅਨ ਸਟੇਨਲੈੱਸ ਸਟੀਲ ਡਵੈਲਪਮੈਂਟ ਐਸੋਸੀਏਸ਼ਨ ਨੇ ਸਰਕਾਰ ਤੋਂ ਸਸਤੇ ਸਟੇਨਲੈੱਸ ਸਟੀਲ ਦੀ ਦਰਾਮਦ ਨਾਲ ਭਾਰਤੀ ਉਦਯੋਗ ਨੂੰ ਬਚਾਉਣ ਦੀ ਅਪੀਲ ਕਰਦੇ ਹੋਏ ਵੱਖ-ਵੱਖ ਤਰ੍ਹਾਂ ਦੇ ਟੈੱਕਸਾਂ ਨੂੰ ਤਰਕ ਸੰਗਤ ਬਣਾਉਣ ਦੀ ਮੰਗ ਕੀਤੀ ਹੈ। ਉਸ ਨੇ ਕਿਹਾ ਕਿ ਮੰਗ ਘੱਟਣ ਦੀ ਵਜ੍ਹਾ ਨਾਲ ਘਰੇਲੂ ਕੰਪਨੀਆਂ ਆਪਣੀਆਂ ਪੂਰੀ ਸਮਰਥਾਵਾਂ ਦੀ ਵਰਤੋਂ ਨਹੀਂ ਰਹੀਆਂ ਹਨ ਜਿਸ ਨਾਲ ਉਨ੍ਹਾਂ ਦੇ ਸਾਹਮਣੇ ਵਿੱਤੀ ਸੰਕਟ ਪੈਦਾ ਹੁੰਦਾ ਜਾ ਰਿਹਾ ਹੈ। ਇਸ ਖੇਤਰ ਦੀ ਪ੍ਰਮੁੱਖ ਕੰਪਨੀ ਜਿੰਦਲ ਸਟੇਨਲੈੱਸ ਸਟੀਲ ਦੇ ਪ੍ਰਧਾਨ ਅਤੇ ਪ੍ਰਬੰਧ ਨਿਰਦੇਸ਼ਕ ਰਤਨ ਜਿੰਦਲ ਨੇ ਕਿਹਾ ਕਿ ਸਾਲ 1978 ’ਚ ਦੇਸ਼ ਵਿਚ ਸਟੇਨਲੈੱਸ ਸਟੀਲ ਦੀ ਉਤਪਾਦਨ ਸਮਰਥਾ 18 ਹਜ਼ਾਰ ਟਨ ਸੀ ਜੋ ਹੁਣ ਵਧ ਕੇ 45 ਲੱਖ ਟਨ ’ਤੇ ਅਜੇ ਪਹੁੰਚ ਚੁੱਕੀ ਹੈ ਪਰ ਬਦਕਿਸਮਤੀ ਨਾਲ ਇਹ ਉਦਯੋਗ ਆਪਣੀ ਸਥਾਪਤ ਸਮਰਥਾ ਦੀ ਪੂਰਨ ਵਰਤੋਂ ਨਹੀਂ ਕਰ ਰਿਹਾ ਹੈ। ਸਿਰਫ 55 ਫੀਸਦੀ ਸਮਰਥਾ ਦੀ ਵਰਤੋਂ ਅਜੇ ਹੋ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਘਰੇਲੂ ਕੰਪਨੀਆਂ ਨੇ ਸਮਰਥਾ ਵਿਸਥਾਰ ਅਤੇ ਤਕਨੀਕ ਦੇ ਵਿਕਾਸ ’ਤੇ 35 ਹਜ਼ਾਰ ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ ਹੈ ਜੋ ਬੈਂਕਾਂ ਤੋਂ ਕਰਜ਼ਾ ਲੈ ਕੇ ਕੀਤਾ ਗਿਆ ਹੈ। ਜੇਕਰ ਘਰੇਲੂ ਕੰਪਨੀਆਂ ਦੀ ਅਜਿਹੀ ਸਥਿਤੀ ਬਣੀ ਰਹੀ ਤਾਂ ਆਉਣ ਵਾਲੇ ਸਾਲਾਂ ਵਿਚ ਇਹ ਰਕਮ ਐੱਨ.ਪੀ.ਏ. ਵਿਚ ਤਬਦੀਲ ਹੋ ਸਕਦੀ ਹੈ।
ਨਿਜੀ ਬੈਂਕਾਂ ਤੋਂ ਪੱਛੜ ਰਹੇ ਹਨ ਸਰਕਾਰੀ ਬੈਂਕ
NEXT STORY 
