ਇੰਦੌਰ- ਇੰਦੌਰ ਦੇ ਵਾਤਾਵਰਣ ਵਰਕਰ ਨੇ ਸਭ ਤੋਂ ਛੋਟਾ ਗੁਲਾਬ ਉਗਾਉਣ ਦਾ ਵਿਸ਼ਵ ਰਿਕਾਰਡ ਬਣਾਇਆ ਹੈ। ਇਸ ਕਾਰਨਾਮੇ ਨੂੰ ਗੋਲਡਨ ਬੁਕ ਆਫ ਵਰਲਡ ਰਿਕਾਰਡਸ ਨੇ ਅਧਿਕਾਰਤ ਮਾਨਤਾ ਦਿੱਤੀ ਹੈ। ਵਾਤਾਵਰਣ ਵਰਕਰ ਡਾ. ਸੁਧੀਰ ਖੇਤਾਵਤ ਨੇ ਐਤਵਾਰ ਨੂੰ ਪੱਤਰਕਾਰਾਂ ਨੂੰ ਦੱਸਿਆ ਕਿ ਇਸ ਰਿਕਾਰਡ ਦੇ ਬਾਰੇ ਵਿਚ ਗੋਲਡਨ ਬੁਕ ਆਫ ਵਰਲਡਸ ਵੱਲੋਂ ਉਨ੍ਹਾਂ ਨੂੰ ਹਾਲ ਹੀ ’ਚ ਪ੍ਰਮਾਣ ਪੱਤਰ ਵੀ ਮਿਲ ਚੁੱਕਿਆ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਵਿਕਸਿਤ ਗੁਲਾਬ ਦਾ ਵਿਆਸ ਸਿਰਫ ਇਕ ਸੈਂਟੀਮੀਟਰ ਹੈ। ਗੁਲਾਬ ਦੀ ਇਸ ਕਿਸਮ ਨੂੰ ‘ਡਾਇਮੰਡ ਰੋਜ਼’ ਦਾ ਨਾਂ ਦਿੱਤਾ ਗਿਆ ਹੈ। ਇਹ ਕਿਸਮ ਚਿੱਟੇ ਅਤੇ ਗੁਲਾਬੀ ਰੰਗਾਂ ਵਿਚ ਵਿਕਸਿਤ ਕੀਤੀ ਗਈ ਹੈ। ਖੇਤਾਵਤ ਨੇ ਦੱਸਿਆ ਕਿ ਉਨ੍ਹਾਂ ਨੇ ਵੱਖ-ਵੱਖ ਪ੍ਰਯੋਗਾਂ ਦੀ ਮਦਦ ਨਾਲ ‘ਡਾਇਮੰਡ ਰੋਜ਼’ ਵਿਕਸਿਤ ਕੀਤਾ ਹੈ ਅਤੇ ਇਸ ’ਚ ਉਨ੍ਹਾਂ ਨੂੰ ਕੋਈ 2 ਸਾਲ ਲੱਗੇ ਹਨ। ਇਨ੍ਹਾਂ ਦਿਨਾਂ ’ਚ ਉਹ ਗੁਲਾਬ ਦੀ ਇਸ ਛੋਟੀ ਕਿਸਮ ਵਿਚ ਸੁਧਾਰ ਕਰਨ ’ਚ ਲੱਗੇ ਹਨ।
ਭਾਰਤ ਦੇ ਇਸ ਵਿਦਿਆਰਥੀ ਨੂੰ ਗੂਗਲ ਦੇਵੇਗਾ ਸਾਲ ਦੇ 1.40 ਕਰੋੜ ਰੁਪਏ
NEXT STORY 
