ਨਵੀਂ ਦਿੱਲੀ - ਜੀ-20 ਸਿਖਰ ਸੰਮੇਲਨ ਤੋਂ ਪਹਿਲਾਂ ਭਾਰਤ ਨੇ 20 ਦੇਸ਼ਾਂ ਦਰਮਿਆਨ ਸੇਵਾਵਾਂ ਦੀ ਆਵਾਜਾਈ ਦੇ ਰਸਤੇ ਦੀਆਂ ਰੁਕਾਵਟਾਂ ਖ਼ਤਮ ਕਰਨ ਦੀ ਅੱਜ ਵਕਾਲਤ ਕੀਤੀ । ਇਹ ਸਮੂਹ ਸੰਸਾਰ ਦੇ ਤੇਜ਼ੀ ਨਾਲ ਵਿਕਸਤ ਹੋ ਰਹੇ ਦੇਸ਼ਾਂ ਦਾ ਮੰਚ ਹੈ । ਆਸਟਰੇਲੀਆ ਦੀ ਮੇਜ਼ਬਾਨੀ ਵਿਚ ਬ੍ਰਿਸਬੇਨ ਵਿਚ ਆਯੋਜਿਤ ਜੀ-20 ਸਿਖਰ ਸੰਮੇਲਨ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ 'ਸ਼ੇਰਪਾ' ਬਣਾਏ ਗਏ ਸੁਰੇਸ਼ ਪ੍ਰਭੂ ਨੇ ਕੈਬਨਿਟ ਮੰਤਰੀ ਦੀ ਸਹੁੰ ਲੈਣ ਤੋਂ ਕੁਝ ਘੰਟੇ ਪਹਿਲਾਂ ਹੀ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਅਗਲੇ 5 ਸਾਲਾਂ 'ਚ ਸਮੂਹ ਦੀਆਂ ਅਰਥਵਿਵਸਥਾਵਾਂ ਤੋਂ ਇਲਾਵਾ 2 ਫ਼ੀਸਦੀ ਦੇ ਵਾਧੇ ਲਈ ਬੁਨਿਆਦੀ ਢਾਂਚੇ 'ਤੇ ਖਰਚ ਵਧਾਉਣ ਅਤੇ ਸੇਵਾਵਾਂ ਦੇ ਵਪਾਰ ਵਿਚ ਵਿਸਥਾਰ ਦੀ ਜ਼ਰੂਰਤ ਹੈ । ਓਧਰ ਆਸਟਰੇਲੀਆ ਦੇ ਪ੍ਰਧਾਨ ਮੰਤਰੀ ਟੋਨੀ ਏਬਾਟ ਨੇ ਅੱਜ ਕਿਹਾ ਕਿ ਆਉਂਦੇ ਜੀ-20 ਸਿਖਰ ਸੰਮੇਲਨ ਗਾਣ ਵਜਾਉਣ ਦਾ ਮੰਚ ਨਹੀਂ ਬਣੇਗਾ ਬਲਕਿ ਉਥੇ ਰੋਜ਼ਗਾਰ ਪੈਦਾ ਕਰਨ, ਟੈਕਸ ਚੋਰੀ ਫੜਣ, ਸੰਸਾਰਿਕ ਮਾਲੀ ਹਾਲਤ ਵਿਚ 2 ਫ਼ੀਸਦੀ ਵੱਧ ਮਜ਼ਬੂਤੀ ਦੇਣ ਤੇ ਲੋਕਾਂ ਲਈ ਵਾਸਤਵਿਕ ਬਦਲਾਅ ਲਿਆਉਣ ਦੇ ਸਪੱਸ਼ਟ ਟੀਚਿਆਂ 'ਤੇ ਧਿਆਨ ਦਿੱਤਾ ਜਾਵੇਗਾ । ਬ੍ਰਿਸਬੇਨ ਵਿਚ 15-16 ਨਵੰਬਰ ਨੂੰ ਹੋਣ ਵਾਲੇ ਜੀ-20 ਸਿਖਰ ਸੰਮੇਲਨ ਨੂੰ ਆਸਟਰੇਲੀਆ ਵਿਚ ਹੋਏ ਹੁਣ ਤੱਕ ਦਾ ਸਭ ਤੋਂ ਮਹੱਤਵਪੂਰਣ ਸੰਮੇਲਨ ਕਰਾਰ ਦਿੰਦੇ ਹੋਏ ਏਬਾਟ ਨੇ ਕਿਹਾ ਕਿ ਆਸਟਰੇਲੀਆ ਨੇ 3 ਵਿਸ਼ਾ ਵਸਤੂਆਂ 'ਤੇ ਆਧਾਰਿਤ ਏਜੰਡਾ ਤੈਅ ਕੀਤਾ ਹੈ । ਉਹ ਇਸ ਸਾਲ ਜੀ-20 ਦੇ ਪ੍ਰਧਾਨ ਹਨ ।
ਐੱਨ.ਆਰ.ਆਈ. ਰੇਮਿਟੇਂਸ ’ਤੇ ਸਰਵਿਸ ਟੈਕਸ ਲਗਾਉਣਾ ਅਨਿਆਪੂਰਨ : ਭੱਠਲ
NEXT STORY 
