ਅੰਮ੍ਰਿਤਸਰ( ਸੰਜੀਵ )-ਗਿਲਵਾਲੀ ਗੇਟ ਸਥਿਤ ਗੁੱਜਰਪੁਰਾ 'ਚ ਖਤਰਨਾਕ ਗੈਂਗਸਟਰ ਸੰਗਮ ਦੀ ਕੁੱਝ ਅਣਪਛਾਤੇ ਆਦਮੀਆਂ ਨੇ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ। ਸੰਗਮ ਜਿਥੇ ਗੈਂਗਸਟਰ ਬੱਬਾ ਸ਼ਰੀਫਪੁਰੀਆਂ ਦੇ ਕਤਲ ਕੇਸ 'ਚ ਨਾਮਜ਼ਦ ਸੀ, ਉਥੇ ਹੀ ਉਹ ਪੁਲਸ ਨੂੰ ਕਈ ਅਪਰਾਧਿਕ ਮਾਮਲਿਆਂ 'ਚ 'ਵਾਂਟੇਡ' ਚੱਲ ਰਿਹਾ ਸੀ । ਸੰਗਮ ਦੀ ਲਾਸ਼ ਦੀ ਤਲਾਸ਼ੀ ਦੇ ਦੌਰਾਨ ਉਸਦੇ ਕਬਜ਼ੇ ਤੋਂ ਪੁਲਸ ਨੇ ਇਕ ਰਿਵਾਲਵਰ ਤੇ ਜਿੰਦਾ ਕਾਰਤੂਸ ਬਰਾਮਦ ਕੀਤੇ । ਪੁਲਸ ਨੇ ਅਣਪਛਾਤੇ ਆਦਮੀਆਂ ਦੇ ਵਿਰੁੱਧ ਹੱਤਿਆ ਦਾ ਕੇਸ ਦਰਜ ਕਰਕੇ ਗੈਂਗਸਟਰ ਸੰਗਮ ਦੀ ਲਾਸ਼ ਨੂੰ ਕਬਜ਼ੇ 'ਚ ਲੈ ਉਸਦਾ ਪੋਸਟਮਾਰਟਮ ਕਰਵਾ ਲਾਸ਼ ਉਸਦੇ ਪਰਿਵਾਰਕ ਮੈਂਬਰਾਂ ਨੂੰ ਸੌਂਪ ਦਿੱਤੀ। ਸੰਗਮ ਦੇ ਪਿਤਾ ਲਾਲ ਚੰਦ ਲਾਲੀ ਨੇ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਪਿਛਲੇ ਰਾਤ 10 ਵਜੇ ਦੇ ਕਰੀਬ ਸੰਗਮ ਘਰ ਤੋਂ ਮੱਥਾ ਟੇਕਣ ਲਈ ਬਾਹਰ ਗਿਆ ਸੀ। ਜਿਵੇਂ ਹੀ ਉਹ ਗੁੱਜਰਪੁਰਾ ਪਹੁੰਚਿਆ, ਚਾਰ ਹਤਿਆਰਬੰਦ ਆਦਮੀਆਂ ਨੇ ਉਸ ਨੂੰ ਘੇਰ ਲਿਆ ਅਤੇ ਗੋਲੀਆਂ ਮਾਰ ਕੇ ਮੌਤ ਦੇ ਘਾਟ ਉਤਾਰ ਦਿੱਤਾ। ਲਾਲ ਚੰਦ ਦਾ ਇਲਜ਼ਾਮ ਸੀ ਕਿ ਹੱਤਿਆਰਿਆਂ ਵਿਚ ਅਕਾਲੀ ਨੇਤਾ ਜੋਗਿੰਦਰ ਸਿੰਘ ਗਿੰਦਾ ਅਤੇ ਉਸਦੇ ਸਾਥੀ ਸ਼ਾਮਲ ਸਨ, ਜਿਨ੍ਹਾਂ ਨੇ ਉਸ ਦੇ ਮੁੰਡੇ ਦੀ ਹੱਤਿਆ ਕੀਤੀ ਹੈ। ਪੁਲਸ ਇਸ ਸੰਬੰਧ 'ਚ ਗੰਭੀਰਤਾ ਦੇ ਨਾਲ ਜਾਂਚ ਕਰ ਰਹੀ ਹੈ। ਖਤਰਨਾਕ ਗੈਂਗਸਟਰ ਸੰਗਮ ਦੇ ਵਿਰੁੱਧ ਥਾਣਾ ਸੀ ਡਵੀਜ਼ਨ, ਥਾਣਾ ਸੁਲਤਾਨਵਿੰਡ ਦੇ ਇਲਾਵਾ ਬਟਾਲਾ ਅਤੇ ਕੁੱਝ ਹੋਰ ਥਾਣਿਆਂ 'ਚ ਕਈ ਅਪਰਾਧਿਕ ਮਾਮਲੇ ਦਰਜ ਸਨ। ਹਾਲ ਹੀ 'ਚ ਬਾਈਪਾਸ 'ਤੇ ਸਥਿਤ ਸ਼ੈਮਰਾਕ ਰਿਜੋਰਟ ਦੇ ਬਾਹਰ ਗੋਲੀਆਂ ਮਾਰ ਕੇ ਮੌਤ ਦੇ ਘਾਟ ਉਤਾਰੇ ਗਏ ਗੈਂਗਸਟਰ ਸੰਜੀਵ ਨਈਅਰ ਉਰਫ ਬੱਬਾ ਸ਼ਰੀਫਪੁਰੀਆ ਦੇ ਮਾਮਲੇ 'ਚ ਪੁਲਸ ਨੇ ਸੰਗਮ ਦੇ ਵਿਰੁੱਧ ਹੱਤਿਆ ਦਾ ਕੇਸ ਦਰਜ ਕੀਤਾ ਸੀ । ਸੰਗਮ ਜੱਗੂ ਭਗਵਾਨਪੁਰੀਆਂ ਦਾ ਕਰੀਬੀ ਦੱਸਿਆ ਜਾਂਦਾ ਹੈ ਜੋ ਉਸਦੇ ਨਾਲ ਮਿਲ ਕੇ ਵਾਰਦਾਤਾਂ ਨੂੰ ਅੰਜਾਮ ਦਿੰਦਾ ਸੀ। ਸੰਗਮ ਦੇ ਵਿਰੁੱਧ ਥਾਣਾ ਰਾਮਬਾਗ 'ਚ ਵੀ ਹੱਤਿਆ ਦਾ ਕੇਸ ਦਰਜ ਹੈ। ਹਾਲ ਹੀ 'ਚ ਵੇਰਕਾ ਸਥਿਤ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਕਾਲਜ 'ਚ ਪ੍ਰਧਾਨਗੀ ਦੇ ਅਹੁਦੇ ਨੂੰ ਲੈ ਕੇ ਚਲਾਈਆਂ ਗਈਆਂ ਗੋਲੀਆਂ 'ਚ ਵੀ ਸੰਗਮ ਦੇ ਵਿਰੁੱਧ ਹੱਤਿਆ ਕਰਨ ਦੀ ਕੋਸ਼ਿਸ਼ ਦਾ ਕੇਸ ਦਰਜ ਕੀਤਾ ਗਿਆ ਸੀ। ਪੁਲਸ ਜਿੱਥੇ ਉਕਤ ਗੈਂਗਸਟਰ ਦੇ ਹੱਤਿਆਰਿਆਂ ਦੀ ਪਛਾਣ ਲਈ ਜਾਂਚ ਕਰ ਰਹੀ ਹੈ, ਉਥੇ ਹੀ ਸੰਗਮ ਦੇ ਵਿਰੁੱਧ ਦਰਜ ਅਪਰਾਧਿਕ ਮਾਮਲਿਆਂ ਦੀ ਵੀ ਫੇਰ ਲਿਸਟ ਤਿਆਰ ਕੀਤੀ ਜਾ ਰਹੀ ਹੈ। ਏ. ਸੀ. ਪੀ. ਸਾਊਥ ਬਾਲਕ੍ਰਿਸ਼ਨ ਸਿੰਗਲਾ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਮਾਮਲੇ ਦੀ ਗੰਭੀਰਤਾ ਦੇ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਛੇਤੀ ਹੀ ਗੈਂਗਸਟਰ ਸੰਗਮ ਦੇ ਹੱਤਿਆਰਿਆਂ ਨੂੰ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।
ਸਰਕਾਰੀ ਹਸਪਤਾਲ 'ਚ ਪਾਣੀ ਦੀ ਬੂੰਦ-ਬੂੰਦ ਲਈ ਤਰਸੇ ਜੱਚਾ-ਬੱਚਾ
NEXT STORY 
