ਓਟਾਵਾ— ਪਾਰਲੀਮੈਂਟ ਹਿੱਲ ਵਿਖੇ ਸੁਰੱਖਿਆ ਇੰਤਜ਼ਾਮ ਹੁਣ ਹੋਰ ਵੀ ਸਖਤ ਕਰ ਦਿੱਤੇ ਗਏ ਹਨ। ਹਾਲ ਹੀ ਵਿਚ ਲਏ ਗਏ ਫ਼ੈਸਲੇ ਅਨੁਸਾਰ ਇੱਥੇ ਸੁਰੱਖਿਆ ਗਾਰਡਾਂ ਦੀ ਗਿਣਤੀ ਵਿਚ ਵਾਧਾ ਕੀਤਾ ਗਿਆ ਹੈ ਅਤੇ ਇਸ ਦੇ ਨਾਲ ਹੀ ਕਾਕਸ ਦੀਆਂ ਮੀਟਿੰਗਜ਼ ਦੌਰਾਨ ਪਬਲਿਕ ਟੂਅਰਾਂ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਹਾਊਸ ਆਫ ਕਾਮਨਜ਼ ਦੇ ਸਪੀਕਰ ਐਂਡਰੀਊ ਸਕੀਅਰ ਨੇ ਕਿਹਾ ਕਿ ਇਸ ਮਾਮਲੇ ਵਿਚ ਹਲੇ ਹੋਰ ਵੀ ਬਦਲਾਅ ਕੀਤੇ ਜਾਣੇ ਬਾਕੀ ਹਨ। ਸੁਰੱਖਿਆ ਇੰਤਜ਼ਾਮਾਂ ਨੂੰ ਵਧੇਰੇ ਸਖਤ ਅਤੇ ਦਰੁਸਤ ਬਣਾਉਣ ਲਈ ਹਰ ਲੋੜੀਂਦਾ ਕਦਮ ਚੁੱਕਿਆ ਜਾਵੇਗਾ। 22 ਅਕਤੂਬਰ ਨੂੰ ਪਾਰਲੀਮੈਂਟ ਹਿੱਲ 'ਤੇ ਹੋਏ ਹਮਲੇ ਤੋਂ ਬਾਅਦ ਆਰੰਭੀ ਗਈ ਜਾਂਚ ਵਿਚ ਇਹ ਸਪੱਸ਼ਟ ਹੋਇਆ ਸੀ ਕਿ ਉਸ ਦਿਨ ਵਾਪਰੀ ਘਟਨਾ ਵਿਚ ਸੁਰੱਖਿਆ ਨਿਯਮਾਂ ਵਿਚ ਬਹੁਤ ਵੱਡੀਆਂ ਕਮੀਆਂ ਸਾਹਮਣੇ ਆਈਆਂ ਸਨ। ਇਸੇ ਹਫਤੇ ਪਹਿਲਾਂ ਸਕੀਅਰ ਅਤੇ ਸੈਨੇਟਰ ਵੈੱਨ ਵਾਈਟ ਵੱਲੋਂ ਇਹ ਘੋਸ਼ਣਾ ਵੀ ਕੀਤੀ ਗਈ ਸੀ ਕਿ ਸੈਨੇਟ ਸਕਿਓਰਿਟੀ ਫੌਜ ਅਤੇ ਹਾਊਸ ਆਫ ਕਾਮਨਜ਼ ਦੀਆਂ ਸੁਰੱਖਿਆ ਫੌਜਾਂ ਨੂੰ ਇਕ ਕਰ ਦਿੱਤਾ ਜਾਵੇਗਾ।
ਚੋਰੀ ਕਰਨ 'ਤੇ ਲੋਕਾਂ ਨੇ ਦਿੱਤੀ ਅਜਿਹੀ ਸ਼ਰਮਨਾਕ ਸਜ਼ਾ ਕਿ ਪੁਲਸ ਵੀ ਹੋ ਗਈ ਹੈਰਾਨ (ਦੇਖੋ ਤਸਵੀਰਾਂ)
NEXT STORY 
