ਨਿਊਯਾਰਕ— 70-80 ਸਾਲ ਦੀ ਉਮਰ ਵਿਚ ਜਿੱਥੇ ਬੀਬੀਆਂ ਦੇ ਗੋਡੇ-ਮੋਢੇ ਜਵਾਬ ਦੇ ਜਾਂਦੇ ਹਨ, ਉੱਥੇ ਇਸ 77 ਸਾਲਾ ਬੇਬੇ ਨੇ ਬਹਿਜਾ-ਬਹਿਜਾ ਕਰਵਾ ਦਿੱਤੀ। ਨਿਊਯਾਰਕ ਦੇ ਰਾਕਚੈਸਟਰ ਸ਼ਹਿਰ ਦੀ ਰਹਿਣ ਵਾਲੇ ਇਸ ਬੇਬੇ ਦਾ ਨਾਂ ਹੈ ਵਿਲੀ ਮਰਫੀ।
ਇਸ ਬੇਬੇ ਨੇ ਇਸ ਉਮਰ ਵਿਚ ਵਰਲਡ ਨੈਚੁਰਲ ਪਾਵਰਲਿਫਟਿੰਗ ਫੈਡਰੇਸ਼ਨ ਯਾਨੀ ਡਬਲਿਊ. ਐੱਨ. ਪੀ. ਐੱਫ. 2014 ਦੀ ਵਰਲਡ ਚੈਂਪੀਅਨਸ਼ਿਪ ਦਾ ਖਿਤਾਬ ਜਿੱਤ ਲਿਆ। ਇਸ ਉਮਰ ਵਿਚ ਬੇਬੇ ਵੇਟਲਿਫਟਿੰਗ ਕਰਦੀ ਹੈ ਅਤੇ 100 ਕਿਲੋ ਦਾ ਭਾਰ ਆਰਾਮ ਨਾਲ ਚੁੱਕ ਲੈਂਦੀ ਹੈ।
ਇਸ ਬੇਬੇ ਨੂੰ ਵੇਟਲਿਫਟਿੰਗ ਦਾ ਸ਼ੌਂਕ ਤਿੰਨ ਮਹੀਨੇ ਪਹਿਲਾ ਜਾਗਿਆ ਤੇ ਇਸ ਦੀ ਪ੍ਰੈਕਟਿਸ ਕਰਨ ਲਈ ਉਹ ਜਿਮ ਵਿਚ ਪਹੁੰਚ ਗਈ। ਉਥੇ ਉਸ ਨੇ ਪਾਵਰ ਕਰਲਸ, ਬੈਂਚ ਪ੍ਰੈੱਸ ਅਤੇ ਹੋਰ ਤਰੀਕੇ ਦੇ ਭਾਰ ਚੁੱਕਣ ਵਿਚ ਮੁਹਾਰਤ ਹਾਸਲ ਕੀਤੀ। ਤੁਹਾਨੂੰ ਇਹ ਜਾਣ ਕੇ ਹੋਰ ਵੀ ਹੈਰਾਨੀ ਹੋਵੇਗੀ ਕਿ ਇਸ ਉਮਰ ਵਿਚ ਆਪਣੇ ਪੋਤੇ-ਪੋਤੀਆਂ ਨੂੰ ਚੁੱਕਣ ਤੋਂ ਇਲਾਵਾ ਬੇਬੇ ਖੜ੍ਹੀ-ਖੜ੍ਹੀ ਕਾਰ ਨੂੰ ਵੀ ਹਿਲਾ ਲੈਂਦੀ ਹੈ।
ਡਾਕਟਰਾਂ ਦਾ ਕਹਿਣਾ ਹੈ ਕਿ ਬੇਬੇ ਮੈਡੀਕਲੀ ਇਕਦਮ ਫਿੱਟ ਹੈ ਅਤੇ ਹੋਰਾਂ ਨੂੰ ਵੀ ਤੰਦਰੁਸਤ ਰਹਿਣ ਦੀ ਪ੍ਰੇਰਣਾ ਦਿੰਦੀ ਹੈ।
ਹਰ ਪੁਲਸ ਵਾਲੇ ਦੇ ਸਰੀਰ 'ਤੇ ਕੈਮਰੇ ਲੱਗੇ ਹੋਣੇ ਚਾਹੀਦੇ ਹਨ : ਓਬਾਮਾ
NEXT STORY 
