ਜਾਰਜੀਆ— ਪੁਲਸ ਨੇ ਸ਼ਨੀਵਾਰ ਨੂੰ ਜਾਰਜੀਆ ਸ਼ਹਿਰ ਦੇ ਇਕ 13 ਸਾਲਾ ਦੇ ਬੱਚੇ ਨੂੰ ਲੱਭ ਲਿਆ ਹੈ। ਇਸ ਬੱਚੇ ਨੂੰ ਉਸ ਦੇ ਪਿਤਾ ਨੇ ਆਪਣੇ ਘਰ ਵਿਚ ਇਕ ਨਕਲੀ ਕੰਧ ਦੇ ਪਿੱਛੇ ਲਕੋ ਕੇ ਰੱਖਿਆ ਸੀ। ਇਸ ਮਾਮਲੇ ਵਿਚ ਪੁਲਸ ਨੇ 5 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ, ਜਿਸ ਵਿਚ ਤਿੰਨ ਨਾਬਾਲਗ ਹਨ।
ਅਟਲਾਟਾਂ ਦੀ ਇਕ ਨਿਊਜ਼ ਚੈਨਲ ਦੇ ਮੁਤਾਬਕ ਸਾਲ 2010 ਵਿਚ ਉਸ ਦੇ ਪਿਤਾ ਨੇ ਬੱਚੇ ਨੂੰ ਉਸ ਦੀ ਮਾਂ ਨੂੰ ਵਾਪਸ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਬੱਚੇ ਨੇ ਆਪਣੇ ਫੋਨ 'ਤੇ ਐਪ ਡਾਊਨਲੋਡ ਕਰਕੇ ਆਪਣੀ ਮਾਂ ਨੂੰ ਮੈਸੇਜ ਕੀਤਾ ਤਾਂ ਜਾ ਕੇ ਉਸ ਦੀ ਮਾਂ ਨੂੰ ਪਤਾ ਲੱਗਿਆ ਕਿ ਬੱਚਾ ਉਸ ਦੇ ਪਤੀ ਦੇ ਘਰ ਵਿਚ ਹੀ ਇਕ ਨਕਲੀ ਕੰਧ ਦੇ ਪਿੱਛੇ ਪਿਛਲੇ 4 ਸਾਲਾਂ ਤੋਂ ਰਹਿ ਰਿਹਾ ਸੀ। ਪੁਲਸ ਨੇ ਕਿਹਾ ਕਿ ਬੱਚੇ ਨੂੰ ਉਸ ਦੇ ਪਿਤਾ ਨੇ ਲਕੋ ਕੇ ਰੱਖਿਆ ਸੀ। ਜਦੋਂ ਪੁਲਸ ਕੰਪਾਰਟਮੈਂਟ ਵਿਚ ਪਹੁੰਚੀ ਤਾਂ ਉਨ੍ਹਾਂ ਨੇ ਬੱਚੇ ਨੂੰ ਬਾਹਰ ਕੱਢਿਆ। ਉਹ ਠੰਡ ਨਾਲ ਕੰਬ ਰਿਹਾ ਸੀ।
ਇਸ ਵਾਰਦਾਤ ਵਿਚ ਉਸ ਦੀ ਮਤਰੇਈ ਮਾਂ ਵੀ ਸ਼ਾਮਲ ਸੀ।
ਪਾਕਿਸਤਾਨੀ ਹਵਾਈ ਫੌਜ ਦਾ ਜਹਾਜ਼ ਹਾਦਸਾਗ੍ਰਸਤ
NEXT STORY 
