ਮੋਗਾ(ਪਵਨ ਗਰੋਵਰ) - ਪੰਜਾਬ ਦੇ ਪ੍ਰਸਿੱਧ ਗਾਇਕ ਸਿੱਪੀ ਗਿੱਲ ਨੇ ਆਪਣੀ ਨਵੀਂ ਐਲਬਮ 'ਚ ਗਾਏ ਇਕ ਗੀਤ ਕਾਰਨ ਵਿਵਾਦ ਖੜ੍ਹਾ ਹੋਣ 'ਤੇ ਉਨ੍ਹਾਂ ਮੋਗਾ ਵਿਖੇ ਸਮੁੱਚੇ ਬ੍ਰਾਹਮਣ ਸਮਾਜ ਤੋਂ ਮੁਆਫੀ ਮੰਗੀ ਹੈ। ਮੋਗਾ ਸ਼ਹਿਰ 'ਚ ਗੱਲਬਾਤ ਕਰਦਿਆਂ ਗਾਇਕ ਸਿੱਪੀ ਗਿੱਲ ਨੇ ਕਿਹਾ ਕਿ ਉਨ੍ਹਾਂ ਦੀ ਕਦੇ ਵੀ ਅਜਿਹੀ ਭਾਵਨਾ ਨਹੀਂ ਰਹੀ ਕਿ ਕਿਸੇ ਧਰਮ ਜਾਂ ਸਮੁਦਾਇ ਨੂੰ ਨਿਸ਼ਾਨਾ ਬਣਾਇਆ ਜਾਵੇ। ਉਨ੍ਹਾਂ ਕਿਹਾ ਕਿ ਉਹ ਸਾਰੇ ਹੀ ਧਰਮਾਂ ਦਾ ਸਤਿਕਾਰ ਕਰਦੇ ਹਨ ਕਿਉਂਕਿ ਇਕ ਗਾਇਕ ਲਈ ਸਰੋਤੇ ਹੀ ਉਸ ਦਾ ਸਭ ਕੁੱਝ ਹੁੰਦੇ ਹਨ ਅਤੇ ਉਨ੍ਹਾਂ ਨਾਲ ਦੇਸ਼ ਅਤੇ ਵਿਦੇਸ਼ 'ਚੋਂ ਹਰੇਕ ਧਰਮ ਨਾਲ ਸੰਬੰਧਤ ਸਰੋਤੇ ਜੁੜੇ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਨਵੀਂ ਐਲਬਮ 'ਚ ਗਾਏ, ਜਿਸ ਗੀਤ 'ਤੇ ਬ੍ਰਾਹਮਣ ਭਾਈਚਾਰੇ ਨੂੰ ਇਤਰਾਜ਼ ਹੈ, ਉਹ ਹੁਣ ਅਗਲੀਆਂ ਸੀ. ਡੀਜ਼ 'ਚੋਂ ਹਟਾ ਲਿਆ ਜਾਵੇਗਾ। ਇਥੇ ਇਹ ਦੱਸਣਯੋਗ ਹੈ ਕਿ ਗਾਇਕ ਸਿੱਪੀ ਗਿੱਲ ਨੇ ਆਪਣੀ ਨਵੀਂ ਐਲਬਮ 'ਦਸ ਮਿੰਟ' 'ਚ ਇਕ ਗੀਤ 'ਕੁੜਮਾਈ ਨਾਰ ਦੀ' ਗਾਇਆ ਸੀ, ਜਿਸ ਦੇ ਪਹਿਲੇ ਟੱਪੇ 'ਚ ਬ੍ਰਾਹਮਣ ਸਮਾਜ ਪ੍ਰਤੀ ਕੁਝ ਸ਼ਬਦ ਬੋਲੇ ਗਏ ਸਨ ਅਤੇ ਇਸ ਮਾਮਲੇ 'ਤੇ ਅਖਿਲ ਭਾਰਤੀ ਪਰਸ਼ੂਰਾਮ ਸੈਨਾ ਯੂਥ ਅਤੇ ਵਿਸ਼ਵ ਹਿੰਦੂ ਸ਼ਕਤੀ ਦੇ ਪ੍ਰਧਾਨ ਰਾਹੁਲ ਸ਼ਰਮਾ ਦੇ ਸਮੇਤ ਹੋਰਨਾਂ ਬ੍ਰਾਹਮਣ ਆਗੂਆਂ ਅਤੇ ਭਾਈਚਾਰੇ ਵਲੋਂ ਇਤਰਾਜ਼ ਲਗਾਕੇ, ਗਾਇਕ ਖਿਲਾਫ ਕਾਰਵਾਈ ਦੀ ਮੰਗ ਕੀਤੀ ਗਈ ਸੀ, ਜਿਸ ਨੂੰ 'ਜਗ ਬਾਣੀ' ਅਤੇ 'ਪੰਜਾਬ ਕੇਸਰੀ' ਵਲੋਂ ਪ੍ਰਮੁੱਖਤਾ ਨਾਲ ਪ੍ਰਕਾਸ਼ਿਤ ਕੀਤਾ ਗਿਆ ਸੀ। ਅੱਜ ਸਿੱਪੀ ਗਿੱਲ ਵਲੋਂ ਮੁਆਫੀ ਮੰਗਣ 'ਤੇ ਖੁਸ਼ੀ ਪ੍ਰਗਟਾਉਂਦਿਆਂ ਰਾਹੁਲ ਸ਼ਰਮਾ ਅਤੇ ਹੋਰਨਾਂ ਆਗੂਆਂ ਨੇ ਕਿਹਾ ਕਿ ਉਨ੍ਹਾਂ ਵਲੋਂ ਭਵਿੱਖ ਦਾ ਸੰਘਰਸ਼ ਵਾਪਸ ਲਿਆ ਜਾਂਦਾ ਹੈ।
ਆਖਰ ਝੁਕ ਗਈਆਂ ਜੋਤੀ ਨੂਰਾਂ ਦੀਆਂ ਨਜ਼ਰਾਂ! (ਵੀਡੀਓ)
NEXT STORY 
