ਜਲੰਧਰ— ਗਾਇਕੀ ਦੇ ਖੇਤਰ ਵਿਚ ਆਪਣੀ ਵਿਲੱਖਣ ਆਵਾਜ਼ ਦੇ ਨਾਲ ਸਾਰਿਆਂ ਦਾ ਮਨ ਟੁੰਬਣ ਵਾਲੀ ਗਾਇਕਾ ਜੋਤੀ ਨੂਰਾ ਦੇ ਪਿਤਾ ਗੁਲਸ਼ਨ ਕੁਮਾਰ ਨੇ ਉਸ ਦੇ ਵਿਆਹ ਨੂੰ ਸਵੀਕਾਰ ਲਿਆ ਹੈ ਅਤੇ ਕਿਹਾ ਕਿ ਉਸ ਨੂੰ ਡਰਨ ਦੀ ਕੋਈ ਲੋੜ ਨਹੀਂ ਹੈ ਕਿਉਂਕਿ ਕੋਈ ਵੀ ਪਿਤਾ ਆਪਣੀ ਧੀ ਦੇ ਖੂਨ ਨਾਲ ਹੱਥ ਨਹੀਂ ਰੰਗਣਾ ਚਾਹੁੰਦਾ। ਅਦਾਲਤ ਵਿਚ ਜੋਤੀ ਨੂਰਾਂ ਦੇ ਮਾਮਲੇ ਦੇ ਨਿਪਟਾਰੇ ਤੋਂ ਬਾਅਦ ਜੋਤੀ ਨੂਰਾਂ ਦੇ ਪਿਤਾ ਨੇ ਕਿਹਾ ਕਿ ਉਸ ਨੇ ਤਾਂ ਚਾਵਾਂ-ਲਾਡਾਂ ਨਾਲ ਆਪਣੀਆਂ ਧੀਆਂ ਨੂੰ ਪਾਲਿਆ ਅਤੇ ਉਹ ਤਾਂ ਸਿਰਫ ਆਪਣੀਆਂ ਧੀਆਂ ਨੂੰ ਗਾਇਕੀ ਦੇ ਆਸਮਾਨ 'ਤੇ ਦੇਖਣਾ ਚਾਹੁੰਦਾ ਸੀ। ਉਸ ਨੂੰ ਆਪਣੀ ਧੀ ਨਾਲ ਕੋਈ ਗਿਲਾ-ਸ਼ਿਕਵਾ ਨਹੀਂ ਹੈ ਅਤੇ ਪੂਰਾ ਪਰਿਵਾਰ ਉਸ ਦੇ ਸੁਆਗਤ ਲਈ ਤਿਆਰ ਹੈ ਪਰ ਅਦਾਲਤ ਵੱਲੋਂ ਫਟਕਾਰ ਲਗਾਏ ਜਾਣ ਦੇ ਬਾਵਜੂਦ ਵੀ ਜੋਤੀ ਆਪਣੇ ਘਰ ਦਾਨਿਸ਼ਮੰਦਾ ਵਾਪਸ ਨਹੀਂ ਪਰਤੀ।
ਜ਼ਿਕਰਯੋਗ ਹੈ ਕਿ ਜੋਤੀ ਨੂਰਾਂ ਨੇ ਆਪਣੇ ਪਰਿਵਾਰ ਦੀ ਮਰਜ਼ੀ ਤੋਂ ਬਿਨਾਂ ਮੰਦਰ ਵਿਚ ਕੁਣਾਲ ਪਾਸੀ ਨਾਂ ਦੇ ਵਿਅਕਤੀ ਨਾਲ ਗੁਪਤ ਤੌਰ 'ਤੇ ਵਿਆਹ ਕਰਵਾ ਲਿਆ ਸੀ। ਇਸ ਦਾ ਪਤਾ ਪਰਿਵਾਰ ਨੂੰ ਉਸ ਸਮੇਂ ਲੱਗਾ, ਜਦੋਂ ਉਨ੍ਹਾਂ ਨੇ ਅਖਬਾਰਾਂ ਵਿਚ ਉਸ ਦੇ ਵਿਆਹ ਦੀ ਤਸਵੀਰਾਂ ਦੇਖੀਆਂ। ਪਹਿਲਾਂ ਤਾਂ ਪਰਿਵਾਰ ਨੇ ਉਸ ਦੇ ਵਿਆਹ ਨੂੰ ਇਹ ਕਹਿ ਕੇ ਸਵੀਕਾਰ ਨਹੀਂ ਕੀਤਾ ਕਿ ਉਹ ਨਾਬਾਲਗ ਹੈ। ਪਰ 18 ਸਾਲਾਂ ਦੀ ਹੋਣ ਤੋਂ ਬਾਅਦ ਉਸ ਨੇ 2 ਅਗਸਤ ਨੂੰ ਦੁਬਾਰਾ ਕੁਣਾਲ ਨਾਲ ਵਿਆਹ ਕਰਵਾ ਲਿਆ ਸੀ।
ਪੰਜਾਬ ਹਾਈਕੋਰਟ ਵਿਚ ਜੋਤੀ ਨੇ ਆਪਣੇ ਪਿਤਾ ਦੇ ਖਿਲਾਫ ਕੇਸ ਕੀਤਾ ਸੀ ਕਿ ਉਸ ਨੂੰ ਉਨ੍ਹਾਂ ਤੋਂ ਜਾਨ ਦਾ ਖਤਰਾ ਹੈ, ਜਿਸ ਲਈ ਉਸ ਨੂੰ ਸੁਰੱਖਿਆ ਦਿੱਤੀ ਜਾਵੇ। ਇਸ ਦੇ ਜਵਾਬ ਵਿਚ ਅਦਾਲਤ ਨੇ ਉਸ ਨੂੰ ਫਟਕਾਰ ਲਗਾਈ ਅਤੇ ਕਿਹਾ ਕਿ ਤੁਸੀਂ ਜਨਮ ਦੇਣ ਵਾਲੇ ਮਾਤਾ-ਪਿਤਾ 'ਤੇ ਭਰੋਸਾ ਕਰੋ।
ਐੱਨ. ਆਰ. ਆਈ. ਨੂੰਹ ਤੋਂ ਤਲਾਕ ਲੈਣ ਲਈ ਸਹੁਰਿਆਂ ਕੀਤੀ ਗੰਦੀ ਕਰਤੂਤ
NEXT STORY