ਨੰਗਲ(ਰਾਜਵੀਰ)-ਅੱਤਵਾਦ ਪੀੜਤ ਹਿੰਦੂਆਂ ਲਈ ਇਨਸਾਫ ਦੀ ਮੰਗ ਕਰਨ ਨੂੰ ਲੈ ਕੇ ਸ਼ਿਵ ਸੈਨਾ ਪੰਜਾਬ ਦੇ ਪ੍ਰਦੇਸ਼ ਪ੍ਰਧਾਨ ਨੂੰ ਹੁਣ ਇੰਟਰਨੈੱਟ ਦੇ ਰਾਹੀਂ ਕੀਤੀ ਗਈ ਇਕ ਫੋਨ ਕਾਲ ਤੋਂ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ ਗਈ ਹੈ। ਧਮਕੀ ਦੇਣ ਵਾਲੇ ਨੇ ਆਪਣੇ ਆਪ ਨੂੰ ਜ਼ਿਲਾ ਰੂਪਨਗਰ ਅਤੇ ਉਨ੍ਹਾਂ ਦੇ ਕਰੀਬ ਦੇ ਹੀ ਇਕ ਪਿੰਡ ਦਾ ਨਿਵਾਸੀ ਐੱਨ. ਆਰ. ਆਈ. ਦੱਸਦੇ ਹੋਏ 4 ਦਿਨ ਦੇ ਅੰਦਰ 'ਨਿਪਟਾ' ਦੇਣ ਦੀ ਚਿਤਾਵਨੀ ਦਿੱਤੀ ਹੈ। ਫੋਨ 'ਤੇ ਧਮਕੀ ਦੇਣ ਵਾਲੇ ਨੇ ਦਿਵਿਆ ਜਯੋਤੀ ਸੰਸਥਾਨ ਨੂੰ ਲੈ ਕੇ ਵੀ ਅਪਸ਼ਬਦ ਕਹੇ। ਇਸ ਮਾਮਲੇ ਵਿਚ ਪ੍ਰਧਾਨ ਸੰਜੀਵ ਘਨੌਲੀ ਦਾ ਕਹਿਣਾ ਹੈ ਕਿ ਇਸ ਤੋਂ ਪਹਿਲਾਂ ਵੀ ਉਨ੍ਹਾਂ ਨੂੰ ਅਜਿਹੀਆਂ ਧਮਕੀਆਂ ਮਿਲਦੀਆਂ ਰਹੀਆਂ ਹਨ ਪਰ ਉਹ ਡਰਨ ਵਾਲੇ ਨਹੀਂ ਹਨ ਅਤੇ ਹਿੰਦੂ ਸਮਾਜ ਲਈ ਉਨ੍ਹਾਂ ਦਾ ਸੰਘਰਸ਼ ਜਾਰੀ ਰਹੇਗਾ । ਪ੍ਰਧਾਨ ਸੰਜੀਵ ਘਨੌਲੀ ਨੂੰ ਇਕ ਵਾਰ ਫਿਰ ਇੰਟਰਨੈੱਟ ਕਾਲ ਦੇ ਰਾਹੀਂ ਉਨ੍ਹਾਂ ਨੂੰ ਜਾਨੋਂ ਮਾਰਨ ਦੀ ਧਮਕੀ ਮਿਲੀ ਹੈ। ਫੋਨ ਕਰਨ ਵਾਲੇ ਨੇ ਅੱਜ ਸਵੇਰੇ ਕਰੀਬ 12 ਮਿੰਟ ਤਕ ਉਨ੍ਹਾਂ ਨੂੰ ਧਮਕਾਇਆ।
ਬਾਅਦ ਦੁਪਹਿਰ ਨੰਗਲ ਪੁੱਜੇ ਸ਼ਿਵ ਸੈਨਾ ਦੇ ਪੰਜਾਬ ਪ੍ਰਧਾਨ ਸੰਜੀਵ ਘਨੌਲੀ ਨੇ ਉਕਤ ਮਾਮਲੇ ਦਾ ਖੁਲਾਸਾ ਕਰਦੇ ਦੱਸਿਆ ਕਿ ਜਿਸ ਨੰਬਰ ਤੋਂ ਉਨ੍ਹਾਂ ਨੂੰ ਫੋਨ ਕੀਤਾ ਗਿਆ, ਜਦੋਂ ਉਸਦੀ ਜਾਂਚ ਕੀਤੀ ਗਈ ਤਾਂ ਉਹ ਇੰਟਰਨੈੱਟ ਕਾਲ ਨਾਲ ਜੁੜਿਆ ਮਾਮਲਾ ਨਿਕਲਿਆ । ਉਨ੍ਹਾਂ ਦੱਸਿਆ ਕਿ ਧਮਕੀ ਦੇਣ ਵਾਲੇ ਨੇ ਕਰੀਬ 12 ਮਿੰਟ ਤਕ ਉਨ੍ਹਾਂ ਨੂੰ ਨਾ ਕੇਵਲ ਇਤਰਾਜ਼ਯੋਗ ਸ਼ਬਦਾਂ ਨਾਲ ਧਮਕਾਇਆ, ਸਗੋਂ ਉਸਦੇ ਵਲੋਂ ਦਿਵਿਆ ਜਯੋਤੀ ਸੰਸਥਾਨ ਦੇ ਮਾਮਲੇ ਵਿਚ ਵੀ ਕਾਫ਼ੀ ਬੁਰਾ-ਭਲਾ ਕਿਹਾ ਗਿਆ। ਉਧਰ ਇਸ ਸੰਬੰਧ ਵਿਚ ਸੰਜੀਵ ਘਨੌਲੀ ਦਾ ਇਹ ਵੀ ਕਹਿਣਾ ਸੀ ਕਿ ਹਿੰਦੂ ਸਮਾਜ ਲਈ ਉਨ੍ਹਾਂ ਵਲੋਂ ਹਰ ਉਹ ਸੰਭਵ ਕੋਸ਼ਿਸ਼ ਨੂੰ ਜਾਰੀ ਰੱਖਿਆ ਜਾਵੇਗਾ, ਜਿਸਦੀ ਜ਼ਰੂਰਤ ਹੈ। ਇਸ ਤੋਂ ਇਲਾਵਾ ਸ਼ਿਵ ਸੈਨਾ ਦੇ ਪ੍ਰਦੇਸ਼ ਚੇਅਰਮੈਨ ਰਾਜੀਵ ਟੰਡਨ ਨੂੰ ਵੀ ਇਸੇ ਤਰ੍ਹਾਂ ਦੀ ਇਕ ਹੋਰ ਫੋਨ ਕਾਲ 'ਤੇ ਕਿਸੇ ਅਨਜਾਣ ਵਿਅਕਤੀ ਵਲੋਂ ਧਮਕਾਇਆ ਗਿਆ ਹੈ ।
17 ਗ੍ਰਾਮ ਹੈਰੋਇਨ ਸਮੇਤ ਕਾਰ ਸਵਾਰ 3 ਕਾਬੂ
NEXT STORY 
