ਨਵੀਂ ਦਿੱਲੀ- ਦੇਸ਼ 'ਚ 2014 ਦੇ ਦੌਰਾਨ ਲਗਭਗ 25 ਅਰਬ ਡਾਲਰ ਦਾ ਪ੍ਰਤੱਖ ਵਿਦੇਸ਼ੀ ਨਿਵੇਸ਼ (ਐੱਫ.ਡੀ.ਆਈ.) ਆਇਆ ਅਤੇ ਨਵੇਂ ਸਾਲ 'ਚ ਨਵੀਂ ਸਰਕਾਰ ਦੇਸ਼ 'ਚ ਆਉਣ ਵਾਲੀ ਪੂੰਜੀ 'ਚ ਕਈ ਵੱਡੇ ਇਜ਼ਾਫੇ ਦੀ ਉਮੀਦ ਕਰ ਰਹੀ ਹੈ। ਸਰਕਾਰ ਨੂੰ ਉਮੀਦ ਹੈ ਕਿ ਰੱਖਿਆ, ਰੇਲਵੇ ਅਤੇ ਬੀਮਾ ਖੇਤਰਾਂ 'ਚ ਐੱਫ.ਡੀ.ਆਈ. ਨੂੰ ਉਦਾਰ ਬਣਾਉਣ ਨਾਲ 2015 'ਚ ਦੇਸ਼ 'ਚ ਵਿਦੇਸ਼ੀ ਨਿਵੇਸ਼ 'ਚ ਕਾਫੀ ਚੰਗਾ ਵਾਧਾ ਹੋਵੇਗਾ।
ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਵੱਲੋਂ ਪੇਸ਼ 'ਮੇਕ ਇਨ ਇੰਡੀਆ' ਪ੍ਰੋਗਰਾਮ ਇਕ ਹੋਰ ਅਜਿਹਾ ਮਹੱਤਵਪੂਰਨ ਪ੍ਰੋਗਰਾਮ ਹੈ ਜਿਸ ਦੇ ਜ਼ਰੀਏ ਸਰਕਾਰ ਨੂੰ ਨਵੇਂ ਸਾਲ 'ਚ ਅਰਬਾਂ ਡਾਲਰ ਦਾ ਵਿਦੇਸ਼ੀ ਨਿਵੇਸ਼ ਆਉਣ ਦੀ ਉਮੀਦ ਹੈ। ਸੁਧਾਰਾਂ ਦੀ ਪ੍ਰਕਿਰਿਆ ਦੇ ਪ੍ਰਤੀ ਆਪਣੀ ਵਚਨਬੱਧਤਾ ਦਰਸਾਉਂਦੇ ਹੋਏ ਸਰਕਾਰ ਨੇ ਬੀਮਾ ਖੇਤਰ 'ਚ ਐੱਫ.ਡੀ.ਆਈ. ਦੀ ਹੱਦ 26 ਫੀਸਦੀ ਤੋਂ ਵਧਾ ਕੇ 49 ਫੀਸਦੀ ਕਰਨ ਦੇ ਲਈ ਆਰਡੀਨੈਂਸ ਦਾ ਰਸਤਾ ਚੁਣਿਆ ਹੈ। ਇਸ ਤੋਂ ਇਲਾਵਾ ਚਿਕਿਤਸਾ ਉਪਕਰਨ ਖੇਤਰ 'ਚ ਐੱਫ.ਡੀ.ਆਈ. ਨਿਯਮਾਂ ਨੂੰ ਉਦਾਰ ਕੀਤਾ ਗਿਆ ਹੈ।
ਹਾਲਾਂਕਿ ਐੱਫ.ਡੀ .ਆਈ. ਦੀ ਧਾਰ ਬਹੁਤ ਹੱਦ ਤੱਕ ਦੇਸ਼ 'ਚ ਕਾਰੋਬਾਰ ਦੀ ਸੁਗਮਤਾ 'ਤੇ ਨਿਰਭਰ ਕਰੇਗੀ। ਹਾਲਾਂਕਿ ਐੱਫ.ਡੀ.ਆਈ. ਦੇ ਮਾਮਲੇ ਵਿਚ ਭਾਰਤ ਦਾ ਅਕਸ ਠੀਕ ਨਹੀਂ ਹੈ ਅਤੇ ਵਿਸ਼ਵ ਬੈਂਕ ਦੀ ਤਾਜ਼ਾ ਸੂਚੀ ਵਿਚ ਭਾਰਤ ਇਸ ਮਾਮਲੇ 'ਚ 142ਵੇਂ ਸਥਾਨ 'ਤੇ ਹੈ। ਇਹ ਸੂਚੀ ਸਾਲ 2013 ਦੀਆਂ ਪਰਿਸਥਿਤੀਆਂ 'ਤੇ ਅਧਾਰਤ ਹੈ। ਪ੍ਰਧਾਨਮੰਤਰੀ ਨੇ ਇਸ ਸੂਚੀ 'ਚ ਭਾਰਤ ਨੂੰ ਪਹਿਲੇ 50 ਦੇਸ਼ਾਂ ਵਿਚ ਲਿਆਉਣ ਦਾ ਟੀਚਾ ਰੱਖਿਆ ਹੈ।
ਮਾਹਰਾਂ ਅਤੇ ਸਰਕਾਰੀ ਅਧਿਕਾਰੀਆਂ ਨੂੰ ਉਮੀਦ ਹੈ ਕਿ ਸਰਕਾਰ ਦੀਆਂ ਵੱਖ-ਵੱਖ ਪਹਿਲਾਂ ਦੇ ਨਤੀਜੇ 2015 'ਚ ਦਿਖਾਈ ਦੇਣਗੇ। ਮਾਹਰਾਂ ਦਾ ਇਹ ਵੀ ਕਹਿਣਾ ਹੈ ਕਿ ਭਾਰਤ ਦੇ ਪ੍ਰਤੀ ਸੰਸਾਰਕ ਧਾਰਨਾ ਸੁਧਰੀ ਹੈ। ਕਾਰਪੋਰੇਟ ਲਾਅ ਕੰਪਨੀ ਅਰਮਚੰਦ ਐਂਡ ਮੰਗਲਦਾਸ ਦੇ ਟੈਕਸ ਪ੍ਰਮੁੱਖ ਅਤੇ ਐੱਫ.ਡੀ.ਆਈ. ਪ੍ਰਮੁੱਖ ਕ੍ਰਿਸ਼ਨ ਮਲਹੋਤਰਾ ਨੇ ਕਿਹਾ ਕਿ ਭਾਰਤ ਦੇ ਪ੍ਰਤੀ ਸੰਸਾਰਕ ਧਾਰਨਾ ਹਾਂ ਪੱਖੀ ਹੈ। ਵਿਦੇਸ਼ੀ ਕੰਪਨੀਆਂ ਭਾਰਤ ਵੱਲ ਦੇਖ ਰਹੀਆਂ ਹਨ। 2014 'ਚ ਐਲਾਨੇ ਉਪਾਅ ਨਾਲ 2015 ਵਿਚ ਦੇਸ਼ 'ਚ ਐੱਫ.ਡੀ.ਆਈ. 'ਚ ਭਾਰੀ ਵਾਧਾ ਹੋਵੇਗਾ।
'ਸੇਲ ਦਾ ਲਾਭ ਵਧਾਉਣ ਲਈ ਫੌਰੀ ਕਦਮ ਚੁੱਕੇ ਜਾਣ'
NEXT STORY 
