ਨਵੀਂ ਦਿੱਲੀ- ਵਿੱਤ ਮੰਤਰੀ ਅਰੁਣ ਜੇਤਲੀ ਨੇ ਅੱਜ ਕਿਹਾ ਕਿ ਨਿਰਮਾਣ ਖੇਤਰ 'ਚ ਨਿਵੇਸ਼ ਆਕਰਸ਼ਿਤ ਕਰਨ ਅਤੇ ਇਸ ਨੂੰ ਤੇਜ਼ ਰਫ਼ਤਾਰ ਦੇਣ ਦੇ ਲਈ ਭਾਰਤੀ ਟੈਕਸ ਤੰਤਰ ਅੰਤਰਰਾਸ਼ਟਰੀ ਮੁਕਾਬਲੇਬਾਜ਼ੀ ਅਤੇ ਭੂਮੀ ਕਾਨੂੰਨ ਘੱਟ ਮੁਸ਼ਕਲ ਹੋਣਾ ਚਾਹੀਦਾ ਹੈ।
ਜੇਤਲੀ ਨੇ ਉਦਯੋਗਿਕ ਨੀਤੀ ਅਤੇ ਸਵੰਰਧਨ ਵਿਭਾਗ ਦੁਆਰਾ ਮੇਕ ਇਨ ਇੰਡੀਆ 'ਤੇ ਆਯੋਜਿਤ ਵਰਕਸ਼ਾਪ ਦਾ ਉਦਘਾਟਨ ਕਰਦੇ ਹੋਏ ਕਿਹਾ ਕਿ ਨਿਰਮਾਣ ਖੇਤਰ ਕਦੀ ਭਾਰਤੀ ਅਰਥਵਿਵਸਥਾ ਦੀ ਰੀੜ ਦੀ ਹੱਡੀ ਸੀ ਪਰ ਪਿਛਲੇ ਕੁੱਝ ਸਾਲਾਂ ਵਿਚ ਇਹ ਚੁਣੌਤੀ ਭਰਪੂਰ ਹਾਲਤ 'ਚ ਪਹੁੰਚ ਗਿਆ ਹੈ, ਜਿਸ ਦੇ ਮੱਦੇਨਜ਼ਰ ਇਸ 'ਚ ਪ੍ਰਵੇਸ਼ ਨੂੰ ਸਰਲ ਬਣਾਉਣ ਦੀ ਜ਼ਰੂਰਤ ਹੈ। ਉਨ੍ਹਾਂ ਮਾਲੀ ਹਾਲਤ ਦੀ ਬਿਹਤਰੀ ਲਈ ਨਿਰਮਾਣ 'ਤੇ ਜ਼ੋਰ ਦੇਣ ਦੀ ਪੁਰਜ਼ੋਰ ਵਕਾਲਤ ਕਰਦੇ ਹੋਏ ਕਿਹਾ ਕਿ ਇਸ ਖੇਤਰ 'ਚ ਪ੍ਰਵੇਸ਼ ਸਰਲ ਹੋਣਾ ਚਾਹੀਦਾ ਹੈ ਅਤੇ ਰੁਕਾਵਟਾਂ ਘੱਟ ਕੀਤੀਆਂ ਜਾਣੀਆਂ ਚਾਹੀਦੀਆਂ ਹਨ।
ਅਰਥਵਿਵਸਥਾ ਨੂੰ ਪਿਛਲੇ ਦੋ ਸਾਲਾਂ ਤੋਂ ਮੰਦੀ ਦੀ ਚਪੇਟ 'ਚ ਹੋਣ ਦੀ ਚਰਚਾ ਕਰਦੇ ਹੋਏ ਉਨ੍ਹਾਂ ਵਿਸ਼ਵਾਸ ਜਤਾਇਆ ਕਿ ਚਾਲੂ ਵਿੱਤ ਸਾਲ ਦੇ ਮੁਕਾਬਲੇ 'ਚ ਸਾਲ 2015-16 'ਚ ਵਿਕਾਸ ਦਰ ਬਿਹਤਰ ਰਹੇਗੀ।
ਨਵੇਂ ਸਾਲ 'ਚ ਭਾਰੀ ਨਿਵੇਸ਼ ਦੀ ਉਮੀਦ
NEXT STORY 
