ਬੀਜਿੰਗ- ਚੀਨ ਦੇ ਸਰਕਾਰੀ ਮੀਡੀਆ ਨੇ ਦੇਸ਼ 'ਚ ਗੂਗਲ ਦੀ ਈ-ਮੇਲ ਸੇਵਾ ਰੋਕੇ ਜਾਣ ਲਈ ਅਮਰੀਕੀ ਇੰਟਰਨੈੱਟ ਸਰਚ ਸੇਵਾ ਕੰਪਨੀ ਨੂੰ ਜ਼ਿੰਮੇਦਾਰ ਠਹਿਰਾਇਆ ਹੈ ਅਤੇ ਕਿਹਾ ਹੈ ਕਿ ਉਹ ਚੀਨ ਦੇ ਇੰਟਰਨੈੱਟ ਕਾਨੂੰਨ ਦੀ ਪਾਲਣਾ ਕਰਨ 'ਚ ਅਸਮਰਥ ਰਹੀ। ਚੀਨ ਵਿਚ ਜੀ-ਮੇਲ ਨੂੰ ਅਪ੍ਰਤੱਖ ਰੂਪ ਨਾਲ ਪ੍ਰਯੋਗ ਕਰਨ ਦਾ ਅਖਰੀ ਰਸਤਾ ਵੀ ਰੋਕ ਦਿੱਤਾ ਗਿਆ ਹੈ।
ਅਖਬਾਰ ਗਲੋਬਲ ਟਾਈਮਸ ਦੇ ਸੰਪਾਦਕੀ ਲੇਖ 'ਚ ਲਿਖਿਆ ਗਿਆ ਹੈ ਕਿ ਚੀਨ ਆਪਣੇ ਦੇਸ਼ ਦਾ ਕਾਨੂੰਨ ਮੰਨ ਕੇ ਕਾਰੋਬਾਰ ਕਰਨ ਵਾਲੀ ਕੰਪਨੀਆਂ ਦਾ ਸਵਾਗਤ ਕਰਦਾ ਹੈ। ਹਾਲਾਂਕਿ ਗੂਗਲ ਵਲੋਂ ਚੀਨੀ ਇੰਟਰਨੈੱਟ ਕਾਨੂੰਨ ਦੀ ਉਲੰਘਣਾ ਕਰਨ ਲਈ ਉਸ 'ਤੇ ਪਾਬੰਦੀ ਲਗਾਈ ਗਈ ਹੈ, ਜੋ ਕਿ ਵਿਵਾਦ ਦਾ ਕਾਰਨ ਬਣਿਆ ਹੈ। ਇਸ 'ਚ ਕਿਹਾ ਗਿਆ ਹੈ ਕਿ ਮੁੱਦਾ ਇਹ ਹੈ ਕਿ ਗੂਗਲ ਚੀਨ ਦੇ ਕਾਨੂੰਨਾਂ ਦੀ ਪਾਲਣਾ ਕਰਨ ਲਈ ਕਿਸ ਹੱਦ ਤੱਕ ਤਿਆਰ ਹੈ। ਅਖਬਾਰ 'ਚ ਇਹ ਲੇਖ 'ਜੀ-ਮੇਲ ਨੇ ਬੇ-ਲੋੜਾ ਵਿਵਾਦ ਖੜਾ ਕੀਤਾ' ਸਿਖਰਲੇਖ ਹੇਠ ਪ੍ਰਕਾਸ਼ਿਤ ਕੀਤਾ ਗਿਆ ਹੈ।
ਐੱਲ.ਪੀ.ਜੀ. ਉਪਭੋਗਤਾਵਾਂ ਦੇ ਲਈ ਇਕ ਜ਼ਰੂਰੀ ਖਬਰ
NEXT STORY 
