ਨਵੀਂ ਦਿੱਲੀ— ਫੇਸਬੁੱਕ ਦੇ ਸੰਸਥਾਪਕ ਮਾਰਕ ਜੁਕਰਬਰਗ ਹਰ ਰੋਜ ਇਕ ਅਜਿਹੇ ਵਿਅਕਤੀ ਨਾਲ ਮਿਲਣਾ ਪਸੰਦ ਕਰਦੇ ਹਨ, ਜੋ ਫੇਸਬੁੱਕ ਵਿਚ ਕੰਮ ਨਹੀਂ ਕਰਦਾ ਹੋਵੇ ਪਰ ਇਹ ਉਨ੍ਹਾਂ ਦਾ ਪੁਰਾਣੇ ਸਾਲ ਦਾ ਚੈਲੇਂਜ ਸੀ। ਨਵੇਂ ਸਾਲ ਵਿਚ ਉਨ੍ਹਾਂ ਨੇ ਨਵਾਂ ਚੈਲੇਂਜ ਲਿਆ ਹੈ ਪਰ ਇਸ ਚੈਲੇਂਜ ਬਾਰੇ ਉਨ੍ਹਾਂ ਨੇ ਲੋਕਾਂ ਤੋਂ ਹੀ ਸਲਾਹ ਮੰਗੀ ਸੀ। ਮਾਰਕ ਨੇ ਫੇਸਬੁੱਕ 'ਤੇ ਪੋਸਟ ਕਰਕੇ ਪੁੱਛਿਆ ਸੀ ਕਿ ਉਨ੍ਹਾਂ ਦਾ ਨਵੇਂ ਸਾਲ ਦਾ ਚੈਲੇਂਜ ਕੀ ਹੋਵੇ। ਉਨ੍ਹਾਂ ਨੇ ਅਈਡੀਆ ਕ੍ਰਾਊਡਸੋਰਸ ਕਰਨ ਦਾ ਫੈਸਲਾ ਕੀਤਾ। ਪਲਾਂ ਵਿਚ ਦੁਨੀਆਭਰ ਤੋਂ 37 ਹਜ਼ਾਰ ਲੋਕਾਂ ਨੇ ਆਪਣੇ ਸਲਾਹ ਦਿੱਤੀ।
ਕਈ ਭਾਰਤੀਆਂ ਨੇ ਉਨ੍ਹਾਂ ਨੂੰ ਕਿਹਾ ਕਿ ਉਹ ਉਨ੍ਹਾਂ ਨੂੰ ਨੌਕਰੀ ਦਿਵਾ ਦੇਣ। ਵਿਵੇਕ ਕੁਮਾਰ ਨਾਂ ਦੇ ਇਕ ਵਿਅਕਤੀ ਨੇ ਲਿਖਿਆ ਕਿ ਇਕ ਅਜਿਹਾ ਪਲੇਟ ਫਾਰਮ ਬਣਾਓ, ਜਿਥੇ ਔਸਤ ਦਰਜੇ ਦੇ ਵਿਦਿਆਰਥੀ ਨੂੰ ਨੌਕਰੀ ਮਿਲ ਸਕੇ ਅਤੇ ਬੇਰੋਜ਼ਗਾਰੀ ਦੂਰ ਹੋ ਸਕੇ।
ਰਾਹੁਲ ਕੁਮਾਰ ਨੇ ਲਿਖਿਆ ਕਿ ਤੁਹਾਨੂੰ ਸਕੂਲਾਂ ਵਿਚ ਜਾਣਾ ਚਾਹੀਦਾ ਹੈ, ਕਿਉਂਕਿ ਸਾਨੂੰ ਤੁਹਾਡੇ ਵਰਗੇ ਹੋਰ ਰੋਲ ਮਾਡਲਾਂ ਦੀ ਲੋੜ ਹੈ। ਮਾਰਕ ਨੇ ਆਪਣੀ ਪੋਸਟ ਵਿਚ ਲਿਖਿਆ ਸੀ ਕਿ ਪਿਛਲੇ ਸਾਲ ਉਨ੍ਹਾਂ ਨੇ ਕਈ ਚੈਲੇਂਜ ਲਏ ਸਨ, ਜਿਵੇਂ ਕਿ ਰੋਜ ਟਾਈ ਪਹਿਨਣਾ, ਹਰ ਦਿਨ ਵਧੀਆ ਕੰਮ ਕਰਨਾ ਵਾਲੇ ਵਿਅਕਤੀਆਂ ਨੂੰ ਥੈਂਕਸ ਨੋਟ ਲਿਖਣਾ ਆਦਿ।
ਮਾਰਕ ਨੇ ਲੋਕਾਂ ਵੱਲੋਂ ਦਿੱਤੀਆਂ ਗਈਆਂ ਸਲਾਹਾਂ ਤੋਂ ਬਾਅਦ ਕਿਹਾ ਕਿ ਉਨ੍ਹਾਂ ਨੂੰ ਕੁਝ ਹੋਰ ਕਰਨ ਦੀ ਲੋੜ ਹੈ ਤਾਂ ਜੋ ਮੁਸਲਿਮ ਛੁੱਟੀਆਂ ਨੂੰ ਵੀ ਸੈਲੀਬ੍ਰੇਟ ਕੀਤਾ ਜਾ ਸਕੇ। ਇਕ ਵਿਅਕਤੀ ਨੇ ਤਾਂ ਮਾਰਕ ਨੂੰ ਡਾਂਸ ਸਿੱਖਣ ਦੀ ਸਲਾਹ ਦਿੱਤੀ ਹੈ। ਮਾਰਕ ਨੇ ਕਿਹਾ ਕਿ ਇਹ ਇਕਦਮ ਵੱਖਰਾ ਚੈਲੇਂਜ ਹੈ। ਫਿਲਹਾਲ ਮਾਰਕ ਨੇ ਦੱਸਿਆ ਨਹੀਂ ਹੈ ਕਿ ਉਹ ਇਨ੍ਹਾਂ 'ਚੋਂ ਕਿਹੜੇ ਚੈਲੇਂਜ ਨੂੰ ਕਬੂਲ ਕਰਨਗੇ।
580 ਤੋਂ ਜ਼ਿਆਦਾ ਘਰਾਂ 'ਚ ਦਿਖਾਈ ਜਾਵੇਗੀ 'ਦਿ ਇੰਟਰਵਿਊ' ਫਿਲਮ
NEXT STORY 
