ਸਿੰਗਾਪੁਰ— ਏਅਰ ਏਸ਼ੀਆ ਦੇ ਜਹਾਜ਼ ਦੇ ਹਾਦਸੇ ਦਾ ਸ਼ਿਕਾਰ ਹੋਣ ਨਾਲ ਕਈ ਲੋਕਾਂ ਦੇ ਸੁਪਨੇ ਟੁੱਟ ਗਏ। ਇਨ੍ਹਾਂ ਟੁੱਟੇ ਹੋਏ ਸੁਪਨਿਆਂ ਦੇ ਕੱਚ ਅੱਖਾਂ ਵਿਚ ਉਦੋਂ ਹੋਰ ਵੀ ਜ਼ਿਆਦਾ ਚੁੱਭਦੇ ਹਨ, ਜਦੋਂ ਇਸ ਹਾਦਸੇ ਵਿਚ ਮਾਰੇ ਗਏ ਲੋਕਾਂ ਦੀਆਂ ਦਿਲ ਨੂੰ ਛੂਹ ਲੈਣ ਵਾਲੀਆਂ ਕਹਾਣੀਆਂ ਸਾਹਮਣੇ ਆਉਂਦੀਆਂ ਹਨ। ਇਹ ਕਹਾਣੀ ਵੀ ਹੈ ਇਕ ਅਜਿਹੀ ਲੜਕੀ ਦੀ ਜੋ ਆਪਣੇ ਸੁਪਨਿਆਂ ਨੂੰ ਲੈ ਕੇ ਏਅਰ ਏਸ਼ੀਆ ਦੇ ਜਹਾਜ਼ QZ8501 'ਤੇ ਸਵਾਰ ਹੋਈ ਸੀ। 22 ਸਾਲਾ ਖੈਰੁਨਿਸਾ ਨੇ ਪਿਛਲੇ ਸਾਲ ਹੀ ਜਹਾਜ਼ ਦੇ ਅਟੈਂਡਰ ਦੇ ਤੌਰ 'ਤੇ ਨੌਕਰੀ ਲਈ ਸੀ। ਉਹ ਆਪਣੀ ਇਸ ਨੌਕਰੀ ਤੋਂ ਤਾਂ ਬੇਹੱਦ ਖੁਸ਼ ਹੀ ਸੀ, ਇਸ ਦੇ ਨਾਲ ਹੀ ਉਸ ਦੇ ਦਿਲ ਵਿਚ ਦਸਤਕ ਦਿੱਤੀ ਸੀ ਪਿਆਰ ਨੇ। ਇਸ ਪਿਆਰ ਦਾ ਇਜ਼ਹਾਰ ਖੁਦ ਉਸ ਨੇ ਉੱਡਦੇ ਜਹਾਜ਼ 'ਚੋਂ 38000 ਫੁੱਟ ਦੀ ਦੂਰੀ ਤੋਂ ਕੀਤਾ ਸੀ। ਖੈਰੁਨਿਸਾ ਨੇ ਇਕ ਨੈਪਕਿਨ 'ਤੇ 'ਆਈ ਲਵ ਯੂ ਫਰੋਮ 38000 ਫੁੱਟ' ਲਿਖ ਕੇ ਫੋਟੋ ਖਿੱਚ ਕੇ ਇੰਸਟਾਗ੍ਰਾਮ 'ਤੇ ਪਾਈ ਸੀ ਤੇ ਆਪਣੇ ਪਿਆਰ ਦਾ ਇਜ਼ਹਾਰ ਕੀਤਾ ਸੀ। ਖੈਰੁਨਿਸਾ ਅਕਸਰ ਇੰਸਟਾਗ੍ਰਾਮ 'ਤੇ ਆਪਣੇ ਪਿਆਰ ਦਾ ਇਜ਼ਾਹਰ ਕਰਦਾ ਸੀ ਪਰ ਇਸ ਇਜ਼ਹਾਰ ਵਿਚ ਖਾਸ ਗੱਲ ਸੀ। ਇਹ ਉਸ ਦਾ ਆਖਰੀ ਇਜ਼ਹਾਰ ਸੀ, ਜੋ ਉਸ ਨੇ ਫਲਾਈਟ ਤੋਂ ਹੀ ਆਪਣੀ ਮੌਤ ਤੋਂ ਦੋ ਹਫਤੇ ਪਹਿਲਾਂ ਕੀਤਾ ਸੀ।
ਖੈਰੁਨਿਸਾ ਦੇ ਪਿਤਾ ਸਿੰਗਾਪੁਰ ਦੇ ਏਅਰਪੋਰਟ ਤੇ ਅਜੇ ਵੀ ਉਸ ਦੀ ਲਾਸ਼ ਦਾ ਇੰਤਜ਼ਾਰ ਕਰ ਰਹੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਜਿਨ੍ਹਾਂ ਸੱਤ ਲੋਕਾਂ ਦੀਆਂ ਲਾਸ਼ਾਂ ਮਿਲੀਆਂ ਹਨ, ਖੈਰੁਨਿਸਾ ਉਨ੍ਹਾਂ ਵਿਚ ਸ਼ਾਮਲ ਹੈ। ਉਸ ਦੀ ਪਛਾਣ ਉਸ ਦੀ ਡਰੈੱਸ 'ਤੇ ਲੱਗੇ ਬੈਚ ਤੋਂ ਹੋ ਸਕੀ। ਉਸ ਦੇ ਪਿਤਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਰੱਬ ਤੋਂ ਖੈਰੁਨਿਸਾ ਨੂੰ ਮੰਗਿਆ ਸੀ ਅਤੇ ਰੱਬ ਨੇ ਹੀ ਉਸ ਨੂੰ ਵਾਪਸ ਲੈ ਲਿਆ। ਹੁਣ ਤਾਂ ਉਨ੍ਹਾਂ ਨੂੰ ਇਹ ਹੀ ਉਮੀਦ ਹੈ ਕਿ ਉਨ੍ਹਾਂ ਦੀ ਬੇਟੀ ਦੀ ਲਾਸ਼ ਉਨ੍ਹਾਂ ਨੂੰ ਮਿਲ ਜਾਵੇ ਤਾਂ ਜੋ ਉਹ ਉਸ ਦੀਆਂ ਆਖਰੀ ਰਸਮਾਂ ਪੂਰੀਆਂ ਕਰ ਸਕਣ।
ਉਸ ਦੀ ਮਾਂ ਏਅਰਪੋਰਟ ਤੇ ਆਪਣੇ ਸਾਰੇ ਬੱਚਿਆਂ ਦੀ ਤਸਵੀਰ ਹੱਥ ਵਿਚ ਲੈ ਕੇ ਬੈਠੀ ਹੈ ਅਤੇ ਵਾਰ-ਵਾਰ ਇਹ ਹੀ ਬੋਲ ਰਹੀ ਹੈ ਕਿ ਉਸ ਦੀ ਤਸਵੀਰ 'ਚ ਸ਼ਾਮਲ ਉਸ ਦਾ ਇਕ ਬੱਚਾ ਹੁਣ ਕਦੇ ਵਾਪਸ ਨਹੀਂ ਆਵੇਗਾ।
ਗੱਲ ਸ਼ਿਕਾਰ ਦੀ ਹੋਵੇ ਤਾਂ ਟਾਈਗਰ ਕਿਤੇ ਵੀ ਪਹੁੰਚ ਸਕਦੈ (ਵੀਡੀਓ)
NEXT STORY 
