ਨਵੀਂ ਦਿੱਲੀ- ਭਾਰਤ ਦੇ ਨਿਰਮਾਣ ਖੇਤਰ ਦੀ ਵਾਧਾ ਦਰ ਦਸੰਬਰ ਦੌਰਾਨ 2 ਸਾਲ ਦੇ ਉੱਚ ਪੱਧਰ 'ਤੇ ਰਹੀ ਅਤੇ 2014 ਦੇਸ਼-ਵਿਦੇਸ਼ ਦੇ ਮਿਲੇ ਆਰਡਰਾਂ 'ਚ ਜ਼ੋਰਦਾਰ ਵਾਧੇ ਨਾਲ ਖ਼ਤਮ ਹੋਇਆ। ਇਹ ਗੱਲ ਅੱਜ ਐਚ.ਐਸ.ਬੀ.ਸੀ. ਦੇ ਸਰਵੇਖਣ 'ਚ ਕਹੀ ਗਈ।
ਐਚ.ਐਸ.ਬੀ.ਸੀ. ਇੰਡੀਆ ਦਾ ਖਰੀਦ ਪ੍ਰਬੰਧਕ ਸੂਚਕਾਂਕ (ਪੀ.ਐਮ.ਆਈ.) ਦਸੰਬਰ 'ਚ 54.5 'ਤੇ ਰਿਹਾ ਜੋ ਪਿਛਲੇ ਮਹੀਨੇ ਦਰਜ 53.3 ਦੇ ਪੱਧਰ ਤੋਂ ਉਪਰ ਹੈ। ਨਿਰਮਾਣ ਖੇਤਰ ਦਾ ਉਤਪਾਦਨ ਲਗਾਤਾਰ 14 ਮਹੀਨੇ ਵਧਿਆ ਅਤੇ ਦਸੰਬਰ 'ਚ ਦੋ ਸਾਲ ਦੇ ਉੱਚ ਪੱਧਰ 'ਤੇ ਪਹੁੰਚ ਗਿਆ। ਐਚ.ਐਸ.ਬੀ.ਸੀ. ਦੇ ਭਾਰਤ ਸਬੰਧੀ ਮਾਮਲਿਆਂ ਦੇ ਮੁੱਖ ਅਰਥਸ਼ਾਸਤਰੀ ਪ੍ਰਾਂਜਲ ਭੰਡਾਰੀ ਨੇ ਕਿਹਾ ਕਿ ਦਸੰਬਰ 'ਚ ਨਿਰਮਾਣ ਦੀਆਂ ਗਤੀਵਿਧੀਆਂ ਤੇਜ਼ ਹੋਈਆਂ ਹਨ, ਜਿਸ 'ਚ ਪ੍ਰਮੁੱਖ ਯੋਗਦਾਨ ਦੇਸ਼-ਵਿਦੇਸ਼ ਦੋਹਾਂ ਥਾਵਾਂ ਤੋਂ ਨਵੇਂ ਆਰਡਰਾਂ 'ਚ ਆਈ ਤੇਜ਼ੀ ਦਾ ਰਿਹਾ।
ਭੁਗਤਾਨ ਬੈਂਕਾਂ, ਲਘੂ ਬੈਂਕਾਂ ਲਈ ਲਾਈਸੈਂਸ ਅਰਜ਼ੀਆਂ ਦੀ ਸਮਾਂ ਸੀਮਾਂ ਵਧੀ
NEXT STORY 
