ਮੁੰਬਈ - ਕੇਂਦਰ ਸਰਕਾਰ ਵਲੋਂ ਬੈਂਕਾਂ, ਬੀਮਾ ਕੰਪਨੀਆਂ ਅਤੇ ਫਾਈਨੈਂਸ਼ੀਅਲ ਇੰਸਟੀਚਿਊਸ਼ਨਸ ਦੀ ਹਾਲਤ ਸੁਧਾਰਨ ਲਈ ਪੁਣੇ ਵਿਚ ਚੱਲ ਰਹੀ 2 ਦਿਨਾਂ ਗਿਆਨ ਸੰਗਮ ਬੈਠਕ ਨਾਲ ਬਾਜ਼ਾਰ ਨੇ ਸ਼ੁਕਰਵਾਰ ਨੂੰ ਦਿਸ਼ਾ ਪ੍ਰਾਪਤ ਕੀਤੀ ਅਤੇ ਦਿਨ ਦੇ ਕਾਰੋਬਾਰੀ ਸੈਸ਼ਨ ਦੇ ਦੌਰਾਨ ਸੈਂਸੈਕਸ 380 ਅਤੇ ਨਿਫਟੀ 111 ਅੰਕ ਚੜ੍ਹ ਕੇ ਬੰਦ ਹੋਇਆ । ਬਾਜ਼ਾਰ ਵਿਚ ਤੇਜ਼ੀ ਦਾ ਇਹ ਲਗਾਤਾਰ ਛੇਵਾਂ ਦਿਨ ਸੀ । ਬਾਜ਼ਾਰ ਉਮੀਦ ਕਰ ਰਿਹਾ ਹੈ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਇਸ ਅਗਵਾਈ ਵਾਲੀ ਬੈਠਕ ਨਾਲ ਆਰਥਿਕ ਸੁਧਾਰਾਂ ਨੂੰ ਰਫ਼ਤਾਰ ਮਿਲੇਗੀ । ਇਸਦੇ ਇਲਾਵਾ ਨਿਰਮਾਣ ਗਤੀਵਿਧੀਆਂ ਦਸੰਬਰ ਵਿਚ 2 ਸਾਲ ਦੇ ਸਿਖਰਲੇ ਪੱਧਰ 'ਤੇ ਪੁੱਜਣ ਦਾ ਵੀ ਬਾਜ਼ਾਰ ਦੀ ਚਾਲ 'ਤੇ ਅਸਰ ਵੇਖਣ ਨੂੰ ਮਿਲਿਆ ।
ਬੈਂਕਿੰਗ ਸੁਧਾਰ ਨੂੰ ਰਫ਼ਤਾਰ ਦਿੱਤੇ ਜਾਣ ਦੀਆਂ ਖਬਰਾਂ ਨਾਲ ਬੈਂਕਿੰਗ, ਪੂੰਜੀਗਤ ਵਸਤੂਆਂ, ਆਈ. ਟੀ. ਅਤੇ ਪਾਵਰ ਸਮੂਹਾਂ ਵਿਚ ਹੋਈ ਜ਼ਬਰਦਸਤ ਲਿਵਾਲੀ ਦੇ ਜ਼ੋਰ 'ਤੇ ਵੀਰਵਾਰ ਸ਼ੇਅਰ ਬਾਜ਼ਾਰ ਭਾਰੀ ਛਲਾਂਗ ਲਗਾਕੇ 3 ਹਫ਼ਤਿਆਂ ਤੋਂ ਜ਼ਿਆਦਾ ਦੀ ਉਚਾਈ 'ਤੇ ਪਹੁੰਚ ਗਏ । ਬੰਬਈ ਸਟਾਕ ਐਕਸਚੇਂਜ (ਬੀ. ਐੱਸ. ਈ.) ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 380.36 ਅੰਕ ਉਛਲਕੇ 27,887.90 ਅੰਕ ਅਤੇ ਨੈਸ਼ਨਲ ਸਟਾਕ ਐਕਸਚੇਂਜ (ਐੱਨ. ਐੱਸ. ਈ.) ਦਾ ਨਿਫਟੀ 111.45 ਅੰਕਾਂ ਦੀ ਤੇਜ਼ੀ ਨਾਲ 8,395.45 ਅੰਕ 'ਤੇ ਬੰਦ ਹੋਇਆ। ਹਾਲਾਂਕਿ ਛੋਟੀਆਂ ਅਤੇ ਮੱਧ ਵਰਗੀ ਕੰਪਨੀਆਂ ਵਿਚ ਲਿਵਾਲੀ ਕੁਝ ਸੁਸਤ ਰਹੀ ਅਤੇ ਮਿਡਕੈਪ 90.03 ਅੰਕ ਚੜ੍ਹ ਕੇ 10,530.20 ਅੰਕ 'ਤੇ ਰਿਹਾ ।
ਕੌਫੀ ਬਰਾਮਦ ਘੱਟ ਰਹੀ
NEXT STORY 
